Momos Side Effects: ఇష్టమని మోమో లను ఎక్కువగా తింటున్నారా? ఈ ప్రమాదం తప్పదు మరి..!
Health Tips: ప్రస్తుత కాంక్రీట్ జంగిల్ లైఫ్లో ప్రతి ఒక్కరూ ఎంతో బిజీ అయిపోతున్నారు. ఇంటి ఫుడ్కు దూరమై.. బయట దొరికే జంక్ ఫుడ్ను లాగించేస్తున్నారు. ఇక వ్యాపారులు రకరకాల ఫాస్ట్ ఫుడ్ను జనాలకు అలవాటు చేస్తున్నారు. కొత్త కొత్త రుచులతో వచ్చే ఈ స్ట్రీట్ ఫుడ్ని జనాలు సైతం ఇష్టంగా తింటున్నారు. ఈ స్ట్రీట్ ఫుడ్లో ఇటీవలి కాలంలో బాగా పాపులర్ అయిన ఫుడ్.. మోమో. ఈ మోమోలను తెగ లాగించేస్తున్నారు జనాలు. రుచిగా ఉండటమే కారణం. అయితే, ఈ మోమోలను అతిగా తింటే ప్రమాదం తప్పదని హెచ్చరిస్తున్నారు ఆరోగ్య నిపుణులు.
Health Tips: ప్రస్తుత కాంక్రీట్ జంగిల్ లైఫ్లో ప్రతి ఒక్కరూ ఎంతో బిజీ అయిపోతున్నారు. ఇంటి ఫుడ్కు దూరమై.. బయట దొరికే జంక్ ఫుడ్ను లాగించేస్తున్నారు. ఇక వ్యాపారులు రకరకాల ఫాస్ట్ ఫుడ్ను జనాలకు అలవాటు చేస్తున్నారు. కొత్త కొత్త రుచులతో వచ్చే ఈ స్ట్రీట్ ఫుడ్ని జనాలు సైతం ఇష్టంగా తింటున్నారు. ఈ స్ట్రీట్ ఫుడ్లో ఇటీవలి కాలంలో బాగా పాపులర్ అయిన ఫుడ్.. మోమో. ఈ మోమోలను తెగ లాగించేస్తున్నారు జనాలు. రుచిగా ఉండటమే కారణం. అయితే, ఈ మోమోలను అతిగా తింటే ప్రమాదం తప్పదని హెచ్చరిస్తున్నారు ఆరోగ్య నిపుణులు.
ఇప్పుడు చాలా చోట్ల మోమో విక్రయ కేంద్రాలు వెలుస్తున్నాయి. వీటిని తినేవారి సంఖ్య కూడా భారీగా పెరుగుతుంది. అయితే, వర్షాకాలంలో మోమోలు తినడం భలే రుచిగా ఉంటుంది. అందుకే చాలా మంది వీటిని తినేందుకు ఇష్ట పడుతున్నారు.
అయితే, ఈ మోమోలు అతిగా తినడం మంచిది కాదని చెబుతున్నారు ఆరోగ్య నిపుణులు. మోమో ఆరోగ్యకరమైన ఆహారం అని అంతా భావిస్తారని, వాస్తవానికి ఇది సరికాదని అంటున్నారు. పాన్ ఫ్రైడ్ మోమోస్ ఆరోగ్యానికి చేటు చేస్తాయని చెబుతున్నారు.
వాస్తవానికి మోమోస్ ని ఇడ్లీల మాదిరిగా ఆవిరిపై ఉడికించి తయారు చేస్తారు. అందుకే వీటిని తినేందుకు ఎక్కువ మంది ఆసక్తి చూపుతారు. కానీ, దానిని తయారు చేసి పిండితోనే సమస్య ఉందని చెబుతున్నారు నిపుణులు.
ఎందుకంటో పిండిని రోజూ తినడం సరికాదంటున్నారు. ఇందులో క్లూకోజ్ పరిమాణం చాలా ఎక్కువగా ఉంటుందంటున్నారు. అందుకే ఈ మోమోల విషయంలో చాలా జాగ్రత్తగా ఉండాలని సూచిస్తున్నారు.
రోజూ మైదాతో తయారు చేసిన మోమోలను తినడం వలన షుగర్ పెరిగే ప్రమాదం ఉంది. దాంతో పాటు బరువు కూడా పెరుగుతారు. మలబద్దకం సమస్య కూడా పెరుగుతుంది. అందుకే మోమోస్ తినొద్దని సలహా ఇస్తున్నారు.
ఇక మోమోస్తో వడ్డించే సూప్ చాలా మందికి ఇష్టం. గిన్నెలు గిన్నెలు తినేస్తారు. అయితే, ఈ సూప్ ఎలాంటి వాటర్తో, ఎలాంటి పదార్థాలతో తయారు చేస్తారనేది చాలా ముఖ్యం. లేదంటే.. కడుపు నొప్పి వంటి సమస్యలు వచ్చే అవకాశం ఉందని హెచ్చరిస్తున్నారు.
మోమోస్ని తయారు చేసే పిండిని ఫ్రిజ్లో ఉంచి మరుసటి రోజు వాడుతారు. ఇలా చేయడం వల్ల ఆరోగ్యానికి హానీకరం అవుతుంది. అందుకే మోమోస్ని తినే ముందు ఒకసారి ఆలోచించడం ఉత్తమం అని సూచిస్తున్నారు ఆరోగ్య నిపుణులు.