Healthy Drinks: రోజూ ఉదయాన్నే ఖాళీ కడుపుతో ఈ డ్రింక్‌ తాగితే ఆ సమస్యలన్నీ పరార్‌!
రోజూ ఉదయాన్నే ఖాళీ కడుపుతో నిమ్మరసం తాగుతున్నారా? గోరువెచ్చని నీటిలో నిమ్మరసం కలుపుకుని తాగడం వల్ల శరీరంలో పేరుకుపోయిన టాక్సిన్స్ తొలగిపోతాయని అందరూ అనుకుంటారు. అయితే ఇందులో కాసిన్ని చియా గింజలను కలిపి తాగితే మరిన్ని ప్రయోజనాలు పొందవచ్చంటున్నారు నిపుణులు..
రోజూ ఉదయాన్నే ఖాళీ కడుపుతో నిమ్మరసం తాగుతున్నారా? గోరువెచ్చని నీటిలో నిమ్మరసం కలుపుకుని తాగడం వల్ల శరీరంలో పేరుకుపోయిన టాక్సిన్స్ తొలగిపోతాయని అందరూ అనుకుంటారు. అయితే ఇందులో కాసిన్ని చియా గింజలను కలిపి తాగితే మరిన్ని ప్రయోజనాలు పొందవచ్చంటున్నారు నిపుణులు.
బరువు తగ్గడానికి చియా విత్తనాలు చేసే మేలు అంతాఇంతా కాదు. పోషకాహార నిపుణులు కూడా ఈ గింజలను నీటిలో నానబెట్టుకుని తాగాలని సిఫార్సు చేస్తున్నారు. కానీ చియా సీడ్స్ తిన్న తర్వాత శరీరంలో అనేక సమస్యలు తలెత్తుతాయట. ఆరోగ్యానికి మేలు చేస్తాయి కదా అని అతిగా తీసుకుంటే అనర్ధాలు తప్పవని నిపుణులు హెచ్చరిస్తున్నారు.
చియా గింజల్లో ఫైబర్, ప్రోటీన్, ఆరోగ్యకరమైన కొవ్వులు అధికంగా ఉంటాయి. వీటిని తీసుకుంటే బరువు తగ్గడమే కాకుండా, కొలెస్ట్రాల్, రక్తపోటును అదుపులో ఉంచుతుంది. మలబద్ధకం సమస్యను తగ్గిస్తుంది. అయితే చియా విత్తనాలు అందరికీ మంచిది కాదు.
చియా విత్తనాలలో ఆల్ఫా-లినోలెనిక్ యాసిడ్ అని పిలువబడే ఒమేగా-3 కొవ్వు ఆమ్లం ఉంటుంది. ఇది మొత్తం ఆరోగ్యాన్ని ప్రభావితం చేస్తాయి. అంతేకాదు ఇవి ప్రోస్టేట్ క్యాన్సర్ ప్రమాదాన్ని కూడా పెంచుతాయట. కాబట్టి చియా సీడ్స్ ఎక్కువగా తినకండి. చియా గింజల్లో ఉండే ఒమేగా-3 ఫ్యాటీ యాసిడ్‌లు రక్తాన్ని పల్చగా మార్చడంలో సహాయపడతాయి. దీంతో శరీరంలో ఏ భాగంలోనైనా గాయం అయితే రక్తస్రావం ఆగదు. అందుకే చియా విత్తనాలకు దూరంగా ఉండాలి. తక్కువ రక్తపోటు ఉన్నవారు కూడా ఈ చియా విత్తనాలకు దూరంగా ఉండాలి. ఇవి ఎప్పుడైనా బీపీ తగ్గించగలవు.
నిమ్మ - చియా నీటిలో ప్రోటీన్, కార్బోహైడ్రేట్లు ఉంటాయి. కాబట్టి అలసటగా ఉన్నప్పుడు ఈ వాటర్ తాగడం వల్ల తక్షణ శక్తి లభిస్తుంది. నిమ్మరసం - చియా వాటర్ అలసట నుంచి ఉపశమనం పొందేందుకు సహాయపడతాయి. వేసవిలో ఈ వాటర్ తాగడం వల్ల శరీరానికి తాజాదనం వస్తుంది. చియా గింజలను ఒక కప్పు నీటిలో రాత్రంతా నానబెట్టి, మరుసటి రోజు ఉదయం ఒక నిమ్మ కాయ అందులో పిండి ఖాళీ కడుపుతో తాగితే మరిన్ని ప్రయోజనాలు పొందవచ్చు.