ఆ సమస్యలతో బాధ పడుతున్నారా.. అయితే, సపోటాతో దాన్ని తరిమికొట్టండి!
ఒక సపోటాలో 100 గ్రాములకు 83 కేలరీలు ఉన్నాయి. అంతే కాదు, దీనిలో ఫైబర్ అధికంగా ఉంటుంది. విటమిన్లు A, C, ఫోలేట్, ఖనిజాలు నియాసిన్ ఉంటాయి. అంతే కాదు వీటిలో యాంటీ ఇన్ఫ్లమేటరీ, యాంటీవైరల్, యాంటీఆక్సిడెంట్ గుణాలు కలిగి ఉంటాయి.
సపోటా చూడటానికి చాలా చిన్నగా కనిపిస్తుంది కానీ, తియ్యగా రుచికరంగా ఉంటుంది. దీన్ని ఎక్కువగా తెలుగు రాష్ట్రాల్లో కూడా పండిస్తారు. మన ఫుడ్ లో సపోటాను చేర్చుకోవడం వలన అనారోగ్య సమస్యలకు చెక్ పెట్టొచ్చు!
కడుపు ఉబ్బరం సమస్యలకు చెక్ పెడుతుంది: సపోటాలో ఉండే యాంటీ బాక్టీరియల్, యాంటీవైరల్, యాంటీ ఇన్ఫ్లమేటరీ వంటివి చికాకు నుంచి ఉపశమనం పొందేలా చేస్తుంది. అంతే కాదు, కడుపు ఉబ్బరం , గ్యాస్ట్రిటిస్, ప్రేగు సమస్యలను కూడా తగ్గిస్తుంది.
జీర్ణక్రియ : జీర్ణక్రియ సమస్యలతో ఇబ్బంది పడే వారు చాలా మంది ఉన్నారు. వారు ఆ బాధను ఎవరికీ చెప్పుకోలేరు. మలబద్ధకం నుండి ఉపశమనం పొందాలంటే రోజుకొక సపోటా తినడం అలవాటు చేసుకోండి. అంతే కాదు, ఇన్ఫెక్షన్ల నుంచి కూడా కాపాడుతుంది.
బలమైన ఎముకలు: సపోటాలో ఉండే కాల్షియం ఎముకలను బలంగా చేస్తుంది. క్రమం తప్పకుండా వీటిని రోజూ తీసుకోవడం వల్ల ఎముకలు గట్టి పడతాయి. అంతే కాదు, కణజాల బలాన్ని కూడా సపోటా ప్రోత్సహిస్తుంది.
రోగనిరోధక శక్తి: సపోటాలో మన శరీరానికి కావాల్సిన విటమిన్లు ఉన్నాయి. విటమిన్ సి, ఎ, యాంటీఆక్సిడెంట్లు, రోగనిరోధక శక్తిని పెంచుతాయి. దీని వలన రోజంతా యాక్టీవ్ గా ఉంటారు. అంతే కాదు, చర్మ సమస్యలకు కూడా చెక్ పెడుతుంది. .