Tourist Places: మీరు ప్రకృతి ప్రేమికులా.. ముంబైలోని ఈ ప్రదేశాలు బెస్ట్ ఎంపిక..
వేసవి నుంచి ఉపశమనం ఇస్తూ వర్షాలు కురుస్తున్నాయి. పుడమి పులకరించి.. ప్రకృతి పరవశిస్తోంది. ఈ నేపథ్యంలో ప్రకృతి అందాలు కనువిందు చేస్తాయి. దీంతో వారాంతాల్లో మీరు ప్రయాణించడానికి దేశ ఆర్ధిక రాజధాని ముంబై చుట్టూ అనేక ప్రదేశాలు ఉన్నాయి. ఈ ప్రదేశాల సహజ సౌందర్యం మిమ్మల్ని ఎంతగానో ఆకర్షిస్తుంది. వర్షాకాలంలో ఈ ప్రదేశాల అందం మరింత పెరుగుతుంది.
తేమ, వేడి నుండి ఉపశమనం పొందడానికి మీరు ప్రయాణం చేయడానికి ప్లాన్ చేసుకుంటే.. ముంబైకి సమీపంలో అనేక హిల్ స్టేషన్లు ఉన్నాయి. ఇక్కడ ఈ ప్రదేశాలలో మీరు కుటుంబం, స్నేహితులతో సంతోషంగా గడపవచ్చు. శారీరక మానసిక విశ్రాంతిని తీసుకోవచ్చు.
మతేరన్ సందర్శించవచ్చు. ఇది మహారాష్ట్రలోని అత్యంత అందమైన.. చిన్న హిల్ స్టేషన్లలో ఒకటి. ఇక్కడ పరిశుభ్రమైన వాతావరణం ఎవరికైనా నచ్చుతుంది. మీరు ఇక్కడ ట్రెక్కింగ్, రాక్ క్లైంబింగ్, జిప్-లైనింగ్ వంటి అడ్వెంచర్ యాక్టివిటీలలో పాల్గొనవచ్చు.
లోనావాలా ఇది సహజ సౌందర్యానికి చాలా ప్రసిద్ధి చెందింది. వేసవి కాలంలో ముఖ్యంగా వర్షాకాలంలో ఈ ప్రదేశం అందాలు చూడదగినవి. ఇక్కడ మీరు జలపాతాలు, సరస్సులు, పర్వతాలు మంత్రముగ్దులను చేసే వీక్షణలను ఆస్వాదించగలరు.
లావాసా పిక్నిక్ సందర్శనా స్థలాలకు మంచి ప్రదేశం. మీరు గజిబిజి లైఫ్ నుంచి ప్రశాంతంగా.. సంతోషముగా గడపాలని కోరుకుంటే లావాసాకు వెళ్లవచ్చు. ఇక్కడ స్థానిక ఆహారాన్ని రుచి చూడవచ్చు.
వారాంతపు సెలవుల కోసం కర్జాత్కి కూడా వెళ్లవచ్చు. ఇక్కడ హైకింగ్ కూడా చేయవచ్చు. చినుకులు కురుస్తున్న సమయంలో ఇక్కడ అందమైన దృశ్యాలను ఆస్వాదించవచ్చు. పచ్చని దృశ్యాలు, జలపాతాలు, పర్వతాలు మిమ్మల్ని ఎంతగానో ఆకర్షిస్తాయి.