How to Remove Blackheads: రూపాయి ఖర్చులేకుండా ఇంట్లోనే సులువుగా బ్లాక్ హెడ్స్ తొలగించుకోవచ్చు.. ఎలాగంటే!
ముక్కు మీద, పెదవుల కింద కొంతమందికి బ్లాక్ హెడ్స్ వస్తుంటాయి. వీటిని ఎప్పటికప్పుడు తొలగించకపోతే రోజురోజుకూ పెరిగిపోతాయి. ఇలా ఎందుకు జరుగుతుందో చాలా మందికి అర్థం కాదు. నిజానికి, బ్లాక్ హెడ్స్ పేరుకుపోయి డార్క్ స్పాట్ లను సృష్టిస్తాయి. వీటిని నివారించాలంటే ఈ కింది చిట్కాలు ట్రై చేయండి. చర్మంపై మురికి చేరడం వల్ల బ్లాక్ హెడ్స్ ఏర్పడతాయి. నిపుణుల సహాయంతో పార్లర్కు వెళ్లి బ్లాక్హెడ్స్ను తొలగించుకోవచ్చు. కానీ పార్లర్కు వెళ్లడం ఎల్లప్పుడూ సాధ్యం కాదు..
ముక్కు మీద, పెదవుల కింద కొంతమందికి బ్లాక్ హెడ్స్ వస్తుంటాయి. వీటిని ఎప్పటికప్పుడు తొలగించకపోతే రోజురోజుకూ పెరిగిపోతాయి. ఇలా ఎందుకు జరుగుతుందో చాలా మందికి అర్థం కాదు. నిజానికి, బ్లాక్ హెడ్స్ పేరుకుపోయి డార్క్ స్పాట్ లను సృష్టిస్తాయి. వీటిని నివారించాలంటే ఈ కింది చిట్కాలు ట్రై చేయండి.
చర్మంపై మురికి చేరడం వల్ల బ్లాక్ హెడ్స్ ఏర్పడతాయి. నిపుణుల సహాయంతో పార్లర్కు వెళ్లి బ్లాక్హెడ్స్ను తొలగించుకోవచ్చు. కానీ పార్లర్కు వెళ్లడం ఎల్లప్పుడూ సాధ్యం కాదు. డబ్బు కూడా ఎక్కువ ఖర్చు అవుతుంది. కాబట్టి ఇంట్లోనే బ్లాక్ హెడ్స్ తొలగించుకోవచ్చు. రూపాయి ఖర్చు లేకుండా ఇంట్లోనే బ్లాక్ హెడ్స్ను ఇలా పోగొట్టుకోవచ్చు.
బేకింగ్ సోడా బ్లాక్ హెడ్స్ తొలగించడానికి మ్యాజిక్లా పనిచేస్తుంది. ఒక టేబుల్ స్పూన్ బేకింగ్ సోడాను సాధారణ నీటిలో కరిగించాలి. ఈ మిశ్రమాన్ని ముఖంపై ఉన్న బ్లాక్హెడ్స్పై అప్లై చేసి 15 నుంచి 20 నిమిషాల పాటు అలాగే ఉంచాలి. అది ఆరిన తర్వాత, ముఖాన్ని గోరువెచ్చని నీటితో కడగాలి. బేకింగ్ సోడాలో ఉండే యాంటీ బ్యాక్టీరియల్ లక్షణాలు చర్మాన్ని ఆరోగ్యంగా ఉంచుతాయి. ఇది ఒక రోజులో తగ్గకపోతే, వరుసగా రెండు లేదా మూడు రోజులు ఉపయోగించవచ్చు.
టొమాటో బ్లాక్హెడ్స్ను తొలగించడానికి సహజ నివారిణిగా పనిచేస్తుంది. మిక్సీలో టొమాటో పేస్ట్ను తయారు చేసుకోవాలి. ఇప్పుడు ఈ మిశ్రమాన్ని బ్లాక్ హెడ్స్పై అప్లై చేయాలి. మొత్తం మిశ్రమం ఆరిన తర్వాత, నీటితో శుభ్రం చేసుకోవాలి. వేగవంతమైన ప్రయోజనాలను పొందడానికి వారానికి కనీసం మూడు రోజులు దీనిని ఉపయోగించాలి. మీకు కావాలంటే గుడ్డులోని తెల్లసొనను కూడా ఉపయోగించవచ్చు. దీని కోసం ముందుగా గుడ్డు పగలగొట్టి పచ్చసొనను వేరు చేయాలి. తర్వాత తెల్లటి భాగంలో ఒక టేబుల్ స్పూన్ తేనె కలపాలి.
ఈ మిశ్రమాన్ని బ్లాక్హెడ్స్పై రాసుకోవాలి. మిశ్రమం పూర్తిగా ఆరిన తర్వాత సాధారణ నీటితో శుభ్రం చేసుకోవాలి. గుడ్డులోని తెల్లసొన రంధ్రాలను సులభంగా శుభ్రం చేయడంలో సహాయపడుతుంది. అంతేకాకుండా ఇది చర్మాన్ని మెరిసేలా చేస్తుంది.