మొటిమలు నుంచి గాయాల వరకు చర్మ సమస్యల పరిష్కారానికి రోజ్ వాటర్ అప్లై చేయండి.. ఇంట్లోనే తయారీ చేసుకోండి ఇలా..
మొటిమలు, మచ్చల నుండి చిన్న గాయాల వరకు అనేక చర్మ సమస్యలను రోజ్ వాటర్ తీరుస్తుంది. రోజ్ వాటర్ ను మార్కెట్ లో దొరికేవి కొనుగోలు చేసి ఉపయోగిస్తారు. అయితే ఈ రోజ్ వాటర్ ను ఇంట్లోనే తయరు చేసి ఉపయోగించవచ్చు. సహజంగా తయారు చేసే ఈ రోజ్ వాటర్ అనేక చర్మ సమస్యలకు చక్కటి పరిష్కారం. ఈ రోజు ఇంట్లోనే నాచురల్ రోజ్ వాటర్ తయారీ విధానం గురించి.. స్కిన్ కి కలిగే ప్రయోజనాలు గురించి తెలుసుకుందాం..
రోజ్ వాటర్‌లో యాంటీ ఇన్‌ఫ్లమేటరీ గుణాలు ఉన్నాయి. ఇది చర్మపు చికాకు, మొటిమలు, తామర, ఇతర సమస్యల నుంచి ఉపశమనన్ని ఇస్తుంది. రోజ్ వాటర్ చర్మాన్ని హైడ్రేట్ గా ఉంచుతుంది.
రోజ్ వాటర్ గాయాలు, మచ్చలు, రంగు మారిన చర్మ సమస్యలను తొలగించడంలో సహాయపడుతుంది. రోజ్ వాటర్‌లో యాంటీఆక్సిడెంట్లు ఉంటాయి. ఇవి ముడతలను తగ్గించడంలో సహాయపడతాయి. రోజ్ వాటర్ యాంటీ ఏజింగ్ ఇంగ్రిడియంట్‌గా పనిచేస్తుంది.
రోజ్ వాటర్ కంటి ఉబ్బరం, నల్లటి వలయాలను తొలగిస్తుంది. డ్రెస్సింగ్ టేబుల్‌పై రోజ్ వాటర్ ఉంటే చాలు. ఎక్కువ సౌందర్య సాధనాలు అవసరం లేదు. రోజ్ వాటర్ చర్మాన్ని తక్షణమే రిఫ్రెష్ చేస్తుంది.
చాలా సందర్భాలలో మార్కెట్ లో తయారు చేయబడిన రోజ్ వాటర్ ఉపయోగించబడుతుంది. ముఖ్యంగా చర్మ సంరక్షణ కోసం అయితే మార్కెట్‌లో ఉన్న రోజ్ వాటర్‌ని పదే పదే వాడకుండా ఇంట్లోనే తయారు చేసుకోవచ్చు
తాజా గులాబీ పువ్వులను తీసుకుని రేకులను తొలగించండి. ఈ గులాబీ రేకులను బాగా కడగాలి. ఇప్పుడు ఒక సాస్పాన్లో 2 కప్పుల స్వేదనజలం తీసుకోండి. తక్కువ వేడి మీద saucepan వేడి చేసి.. నీరు మరిగించండి. ఇప్పుడు గులాబీ రేకులను జోడించండి.
గులాబీ రేకులు వేసిన అనంతరం నీటిని మీడియం మంట మీద మరిగించాలి. నీరు సగం మరిగిన తర్వాత నీరు రంగు కూడా మారుతుంది. అప్పుడు మూతపెట్టి.. నీరు చల్లబడే వరకు వేచి ఉండండి. నీరు చల్లారగానే కాటన్ క్లాత్‌తో వడకట్టాలి.
ఇంట్లో తయారుచేసిన రోజ్ వాటర్‌ను స్ప్రే బాటిల్‌లో పోసుకోవాలి. తర్వాత అందులో 2-3 చుక్కల రోజ్ ఎసెన్షియల్ ఆయిల్ కలపాలి. రోజ్ వాటర్ వెనిగర్ నుంచి తయారవుతుంది. ఇలా తయరు చేసిన రోజ్ వాటర్ ని ముఖంపై ఎన్నిసార్లు అయినా స్ప్రే చేసుకోవచ్చు.
రోజ్ వాటర్ ను సాధారణంగా టోనర్‌గా ఉపయోగిస్తారు. అంతేకాకుండా ఫేస్ ప్యాక్, హెయిర్ మాస్క్‌లో రోజ్ వాటర్ కలపవచ్చు. చర్మం, జుట్టుకు తాజాదనాన్ని తెస్తుంది.