Headache: తలనొప్పి వేదిస్తుందా? ఈ సింపుల్‌ ఇంటి చిట్కాలతో చిటికెలో నొప్పిని మాయం చేయొచ్చు
కొంతమందికి తలనొప్పి చాలా తీవ్రంగా వస్తుంది. దీని నుంచి బయటపడటానికి ఎన్న మందులు వాడినా ప్రయోజనం ఉండదు. ఇలాంటి వారు ఇంట్లోనే కొద్దిపాటి జాగ్రత్తలు తీసుకుంటే ఈ సమస్య నుంచి తేలిగ్గా బయటపడొచ్చు..
తలకు ఎలాంటి గాయాలు కాకుండా చూసుకోవాలి. అలాగే ఆహారంపై ప్రత్యేక శ్రద్ధ వహించాలి. ధూమపానం, ఒత్తిడిని నివారించాలి. సాధారణ వ్యాయామం కూడా చాలా అవసరం. వ్యాయామం, నడక మధుమేహం, ఊబకాయం, హై బీపీ, డైస్లిపిడెమియా మొదలైన వ్యాధుల నుంచి కాపాడుతుంది. తగిన జాగ్రత్తలు తీసుకుంటే నరాల సంబంధిత వ్యాధులు దూరమవుతాయి. భారతదేశంలో ప్రతి సంవత్సరం 1 లక్షా 85 వేలకు పైగా బ్రెయిన్ స్ట్రోక్ కేసులు నమోదవుతున్నాయి. ప్రతి 40 సెకన్లకు ఒకరు స్ట్రోక్‌కు గురవుతున్నారు.
పుదీనా ఆకుల రసం తలనొప్పికి మంచి మందు. సిరప్ లేదా ఏదైనా శీతల పానీయాలలో పుదీనా ఆకులను మిక్స్ చేసి తాగినట్లయితే తలనొప్పి ఇట్టే తగ్గుతుది. ఈ పానీయం అద్భుతంగా పని చేస్తుంది. ఈ షర్బత్ తాగిన తర్వాత కాసేపు నిద్రపోతే ఇంకా మంచిది.
తులసి మూలికల లక్షణాల గురించి కొత్తగా చెప్పాల్సిన పనిలేదు. తలనొప్పిని నయం చేయడంలో ఈ మొక్క చాలా ప్రభావవంతంగా పనిచేస్తుంది. తులసి ఆకులను నీటిలో వేసి బాగా మరిగించాలి.
కాస్త చల్లారిన తర్వాత ఆకులను తొలగించి, గోరు వెచ్చగా తాగితే తలనొప్పి నుంచి ఉపశమనం లభిస్తుంది. తులసి ఆకుల సువాసన పీల్చడం వల్ల కూడా మేలు జరుగుతుంది. ఇది తలనొప్పిని తగ్గిస్తుంది.
లావెండర్ నూనెను చర్మ సంరక్షణలో, పెర్ఫ్యూమరీలో కూడా ఉపయోగిస్తారు. కానీ మీకు తెలుసా, ఈ నూనె తలనొప్పిని నయం చేయడానికి కూడా సహాయపడుతుంది. రెండు చుక్కల లావెండర్ ఆయిల్ ను నుదుటికి రెండు వైపులా రాసి బాగా మసాజ్ చేయాలి. ఇలా చేస్తే మైగ్రేన్ నొప్పి నుంచి ఉపశమనం పొందవచ్చు.