Healthy Breakfast: బ్రేక్‌ఫాస్ట్‌లో ఇవి తీసుకుంటే.. ఆ సమస్యలన్ని మటుమాయం.. అవేంటో తెలుసుకోండి..
Healthy Breakfast: జీర్ణవ్యవస్థను ఆరోగ్యంగా ఉంచడానికి.. ఉదయం వేళ అల్పాహారంలో పలు రకాల ఆహారాలను చేర్చుకోవడం మంచిదని నిపుణులు సూచిస్తున్నారు. ఈ ఆహారాలు గ్యాస్, మలబద్ధకం సమస్య నుంచి ఉపశమనం కలిగిస్తాయి. బ్రేక్‌ఫాస్ట్ డైట్‌లో ఎలాంటి ఆహారాలను చేర్చుకోవచ్చో ఇప్పుడు తెలుసుకోండి..
అనారోగ్యకరమైన ఆహారం, దుర్భర జీవనశైలి కారణంగా చాలాసార్లు జీర్ణ సమస్యలను ఎదుర్కోవలసి ఉంటుంది. అటువంటి పరిస్థితిలో మీరు అల్పాహారం సమయంలో అనేక ఆహారాలను తీసుకోవచ్చు. ఇవి జీర్ణవ్యవస్థను ఆరోగ్యంగా ఉంచడంలో సహాయపడతాయి.
బొప్పాయి: బొప్పాయిలో పపైన్ అనే ఎంజైమ్ ఉంటుంది. ఇది పేగులను ఆరోగ్యంగా ఉంచడంలో సహాయపడుతుంది. ఇది జీర్ణవ్యవస్థను ఆరోగ్యంగా ఉంచుతుంది. మీరు ఉదయాన్నే బొప్పాయిని తినడం చాలామంచిది. ఇది జీర్ణక్రియకు సంబంధించిన అనేక సమస్యల నుంచి మిమ్మల్ని రక్షించడంలో సహాయపడుతుంది.
యాపిల్: యాపిల్ చాలా రుచికరమైన పండు. ఇందులో చాలా పోషకాలు ఉన్నాయి. పొటాషియం, మినరల్స్, విటమిన్ ఎ, సి ఉన్నాయి. ఇందులో ఫైబర్ కూడా పుష్కలంగా ఉంటుంది. ఇది మలబద్ధకం సమస్యను దూరం చేస్తుంది. దీంతోపాటు జీర్ణవ్యవస్థను ఆరోగ్యంగా ఉంచుతుంది.
అరటిపండు: అరటిపండును అనేక విధాలుగా తీసుకోవచ్చు. మీరు దీన్ని జ్యూస్, సలాడ్ల రూపంలో తీసుకోవచ్చు. ఇందులో ఫైబర్ పుష్కలంగా ఉంటుంది. ఇది జీర్ణవ్యవస్థను ఆరోగ్యంగా ఉంచడానికి పనిచేస్తుంది.
పోహ: ఉల్లిపాయ, వేరుశనగలు, ఆవాలు, దానిమ్మ, ఉప్పు, కరివేపాకులను ఉపయోగించి పోహను తయారు చేస్తారు. ఇది తక్కువ మొత్తంలో కేలరీలను కలిగి ఉంటుంది. ఇందులో ఫైబర్ పుష్కలంగా ఉంటుంది. దీని వల్ల చాలా సేపు కడుపు నిండిన అనుభూతి కలుగుతుంది. జీర్ణవ్యవస్థను ఆరోగ్యంగా ఉంచేందుకు ఇది కూడా బాగా పనిచేస్తుంది.