Cashew Benefits: జీడిపప్పు తినట్లేదా..? అయితే ఈ ప్రయోజనాలు కోల్పోయినట్లే.. తెలిస్తే అసలు వదలరు..
Cashew Benefits: Cashew Benefits: నిత్యం తీసుకునే ఆహారంలో తాజా కూరగాయలు, పండ్లతో పాటు డ్రైనట్స్ కూడా ఉంటే రెట్టింపు ప్రయోజనాలు ఉంటాయి. ఆరోగ్యాన్ని కాపాడడంలో ప్రముఖ పాత్ర పోషించే డ్రైనట్స్‌లో జీడిపప్పు కూడా ఒకటి. జీడిపప్పులో విటమిన్లు, ప్రొటీన్లు, మినరల్స్, ఫైబర్, యాంటీ ఆక్సిడెంట్లు వంటి అనేక పోషకాలు పుష్కలంగా ఉంటాయి. ఇన్ని రకాల పోషకాలను కలిగిన జీడిపప్పుతో ఎలాంటి ప్రయోజనాలు కలుగుతాయో ఇప్పుడు చూద్దాం..
బరువు నియంత్రణ: బరువు తగ్గాలనుకునేవారు జీడిపప్పు తింటే మెరుగైన ఫలితాలు ఉంటాయి. జీడిపప్పు ఉన్న కారణంగా జీడిపప్పు జీర్ణ వ్యవస్థను మెరుగుపరచడంతో పాటు ఆకలి కోరికను తగ్గిస్తుంది. ఫలితంగా జీర్ణ సంబంధిత సమస్యలు దూరం కావడమే కాక బరువు కూడా తగ్గుతారు.
బలమైన జుట్టు: జీడిపప్పు ద్వారా పుష్కలంగా లభించే జింక్, మెగ్నీషియం, ఐరన్, ఫాస్పరస్ వంటి పోషకాలు జుట్టును మృదువుగా, ఒత్తుగా చేయడంలో కీలక పాత్ర పోషిస్తాయి. ఇంకా విటమిన్ ఇ, యాంటీ-ఆక్సిడెంట్ లక్షణాలు కేశ సమస్యలను దూరం చేస్తాయి.
షుగర్ కంట్రోల్: ముందుగా చెప్పుకున్నట్లు జీడి పప్పులో ఫైబర్ పుష్కలంగా లభిస్తుంది. ఇది జీర్ణవ్యవస్థను మెరుగుపరచడమే కాక రక్తంలోని షుగర్ లెవెల్స్‌ను తగ్గించి, ఇన్సులిన్ సెన్సిటివిటీని క్రమబద్ధీకరిస్తుంది.
మెరిసే చర్మం: జీడిపప్పుకు ముఖంపై ముడతలు, మచ్చలు, మొటిమలను తగ్గించగల శక్తి కూడా ఉంది. ఇందులో విటమిన్ ఇ, యాంటీ-ఆక్సిడెంట్ లక్షణాలు ఉండడమే ఇందుకు ప్రధాన కారణంగా చెప్పుకోవచ్చు.
రక్తహీనతకు చెక్: రక్తహీనతతో బాధపడేవారికి జీడిపప్పు మేలు చేస్తుంది. జీడిపప్పులోని ఐరన్ రక్త కణాల ఉత్పత్తిని మెరుగుపరిచి, రక్తహీనత సమస్య నుంచి ఉపశమనం కలిగిస్తుంది.