Gray Hair Solution: పాతికేళ్లకే జుట్టు ఎందుకు నెరుస్తుందో తెలుసా? షాకింగ్‌ నిజాలు చెప్పిన నిపుణులు
చాలా మంది చిన్న వయసులోనే జుట్టు రంగు తెల్లగా మరిపోతుంటుంది. దీంతో బయటికి వెళ్లలేక, నలుగురిలో కలవలేక నానాతిప్పలు పడుతుంటారు. మరీ ముఖ్యంగా కొందరికి పాతికేళ్లు రాకముందే నల్లటి జుట్టు కాస్తా తెల్లజుట్టుగా మారడం ప్రారంభమవుతుంది. తెల్లగా పండిపోయిన జుట్టును కప్పి ఉంచేందుకు చాలా మంది వ్యక్తులు హెయిర్‌ కలర్స్‌ను ఆశ్రయిస్తుంటారు. కానీ ఇది మీ జుట్టు ఆరోగ్యాన్ని అంత మంచిది కాదంటున్నారు ఆరోగ్య నిపుణులు..
చాలా మంది చిన్న వయసులోనే జుట్టు రంగు తెల్లగా మరిపోతుంటుంది. దీంతో బయటికి వెళ్లలేక, నలుగురిలో కలవలేక నానాతిప్పలు పడుతుంటారు. మరీ ముఖ్యంగా కొందరికి పాతికేళ్లు రాకముందే నల్లటి జుట్టు కాస్తా తెల్లజుట్టుగా మారడం ప్రారంభమవుతుంది. తెల్లగా పండిపోయిన జుట్టును కప్పి ఉంచేందుకు చాలా మంది వ్యక్తులు హెయిర్‌ కలర్స్‌ను ఆశ్రయిస్తుంటారు. కానీ ఇది మీ జుట్టు ఆరోగ్యాన్ని అంత మంచిది కాదంటున్నారు ఆరోగ్య నిపుణులు. ఇక మరి కొంతమందికి 20 ఏళ్లు రాకముందే జుట్టు రాలిపోతుంటుంది. ఆ తర్వాత కొన్ని రోజులకే బట్టతల రావడం ప్రారంభమవుతుంది. అయితే అకాల తెల్ల జుట్టు, త్వరగా జుట్టు రాలడం వంటి సమస్యలు ప్రధానంగా పోషకాహార లోపం, అతిగా మద్యపానం, వ్యాయామం లేకపోవటం వంటి కారణాల వల్ల తలెత్తుతాయి.
నిజానికి నేటి యువత ఎక్కువగా సమతుల ఆహారానికి దూరం అవుతుంది. ఎక్కువగా బయట జంక్ ఫుడ్‌ను ఇష్టపడుతుంటారు. ఫలితంగా శరీరానికి తగినంత పోషకాహారం అందడం లేదు. అందువల్ల జుట్టు పోషణలో కూడా లోపం తలెత్తుతుంది. దీని వల్ల జుట్టు రాలడం, జుట్టు నెరిసిపోవడం వంటి సమస్యలు వస్తాయి.
నిపుణుల అభిప్రాయం ప్రకారం.. ఆహారాన్ని మార్చడం ఈ సమస్యను పరిష్కరించడంలో మొదటి దశ. కార్బోహైడ్రేట్లు, ప్రోటీన్లు, కొవ్వులు, ఖనిజాలతో సమృద్ధిగా ఉండే సమతుల్య ఆహారం తీసుకోవడం చాలా ముఖ్యం. ఈ ఆహారాలను దినచర్యలో చేర్చుకోవాలి. రోజూ ఉదయాన్నే మెంతి గింజలు నానబెట్టిన నీటిని తాగడం వల్ల శరీరం చల్లబడి జుట్టుకు పోషణ అందుతుంది. పెరిగిన జుట్టు సమస్యను పరిష్కరించడానికి ఖాళీ కడుపుతో మెంతులు నానబెట్టిన నీటిని తాగవచ్చు. ముందు రోజు రాత్రి గ్లాసుడు నీటిలో ఒక టీస్పూన్ మెంతి గింజలను వేసి, రాత్రంతా నానబెట్టాలి. ఆ నీటిని ఉదయాన్నే వడకట్టి తాగాలి. అలాగే బాదంలో విటమిన్ ఇ అధికంగా ఉంటుంది. ఇది జుట్టు మూలాలను బలపరుస్తుంది. అందుకే ఖాళీ కడుపుతో ప్రతిరోజూ 3-4 బాదంపప్పులను తినాలి.
క్యారెట్లు తినాలి. క్యారెట్‌లో బీటా కెరోటిన్, విటమిన్ ఎ ఉన్నాయి. ఇవి జుట్టు కరుకుదనాన్ని తొలగిస్తుంది. ప్రతిరోజూ క్యారెట్ జ్యూస్ తీసుకోవడం వల్ల నెరిసిన జుట్టు సమస్య దూరం చేస్తుంది. అలాగే తెల్ల వెంట్రుకలను నల్లగా మార్చడంలో ఉసిరికి మించిన ప్రత్యామ్నయం లేదు. ఉసిరిలో విటమిన్ సి ఉంటుంది. ఇది కొల్లాజెన్ ఉత్పత్తిని పెంచుతుంది. ఫలితంగా జుట్టు పొడవుగా పెరుగుతుంది. మూలాలు బలంగా మారుతాయి.
చర్మం, జుట్టు ఆరోగ్యంగా ఉండాలంటే ఆకుపచ్చని కూరగాయలను ఎక్కువగా తినాలి. ఇందులో ఉండే ఐరన్, ఫోలిక్ యాసిడ్, విటమిన్ ఎ, సి శరీర అవసరాల అభివృద్ధికి తోడ్పడుతుంది. తద్వారా జుట్టుకు పోషణను అందిస్తుంది.