ఖాళీ కడుపుతో ఈ ఆహారాలు అస్సలు తినకండి.. తింటే ప్రమాదంలో పడినట్టే..!
ఉదయం బ్రేక్ఫాస్ట్లో ఆరోగ్యకరమైన ఆహారాన్ని తినడం చాలా ముఖ్యం. ఎందుకంటే ఇది మీ రోజు మొత్తాన్ని ప్రభావితం చేస్తుంది. కొన్ని ఆహార పదార్థాలు జీర్ణక్రియ సమస్యలను కలిగిస్తాయి. మరికొన్ని మీ ఆరోగ్యాన్ని మెరుగుపరుస్తాయి. ఉదయాన్నే ఖాళీ కడుపుతో తినకూడని ఆహారాలు కొన్ని ఉన్నాయి. అవేంటో ఇక్కడ తెలుసుకుందాం..
Citrus Fruits- బత్తాయి,నారింజ వంటి సిట్రస్ పండ్లను ఎప్పుడూ ఖాళీ కడుపుతో తినకూడదు. వీటిలో ఫైబర్, ఫ్రక్టోజ్ ఎక్కువగా ఉంటాయి. ఇది కడుపు సమస్యలకు దారితీస్తుంది.
Spicy Food- ఖాళీ కడుపుతో స్పైసీ ఫుడ్స్ తినడం వీలైనంత వరకు మానుకోవాలి. పరగడుపునే ఇలాంటి ఆహారాలను తినటం వల్ల అసిడిటి, అజీర్ణం వంటి సమస్యలు తలెత్తుతాయి.
Sugary Foods- ఉదయం పూట ఖాళీ కడుపుతో తీపి పదార్థాలు తినడం మానేయడం మంచిది. ఇది మీ ఇన్సులిన్ స్థాయిలను పెంచుతుంది. మీ ప్యాంక్రియాస్కు సమస్యలను కలిగిస్తుంది.
Aerated Drinks- ఉదయం పూట ఎరేటెడ్ శీతల పానీయాలు తీసుకోకూడదు. ఇది మీ జీర్ణ శక్తిని తగ్గిస్తుంది. కడుపుకు రక్త ప్రసరణను తగ్గిస్తుంది. శ్లేష్మ పొరను దెబ్బతీస్తుంది.
Raw Vegetables- ఖాళీ కడుపుతో పచ్చి కూరగాయలను తినడం మానుకోండి. వాటిలో ఫైబర్ పుష్కలంగా ఉంటుంది. ఇది అజీర్తిని కలిగిస్తుంది.
Cold Beverages- చల్లని జ్యూస్లు, ఐస్ క్రీం వంటి చల్లని ఆహారాలు ఖాళీ కడుపుతో తీసుకోకూడదు. ఇలాంటి ఆహారాలను తినటం వల్ల శ్లేష్మ పొర దెబ్బతినే అవకాశం ఉంటుంది.