Fennel Seeds: సోంపు గింజల్లో దాగి ఉన్న ఆరోగ్య రహస్యాలు.. ఉదయాన్నే ఇలా తీసుకున్నారంటే..
చాలామంది భోజనం తర్వాత కాస్తంత సోంపును నోట్లో వేసుకుంటూ ఉంటారు. అలాగే పెళ్లిళ్లు వంటి శుభకార్యాల్లో కూడా అన్ని రకాల ఆహార పదార్థాలతోపాటు దీన్ని తప్పనిసరిగా పెడతారు. హోటల్స్‌లోనూ భోజనం చివర్లో ప్రత్యేకంగా అందిస్తారు. ఇందుకు కారణం ఆహారం బాగా జీర్ణమవుతుందనే..
చాలామంది భోజనం తర్వాత కాస్తంత సోంపును నోట్లో వేసుకుంటూ ఉంటారు. అలాగే పెళ్లిళ్లు వంటి శుభకార్యాల్లో కూడా అన్ని రకాల ఆహార పదార్థాలతోపాటు దీన్ని తప్పనిసరిగా పెడతారు. హోటల్స్‌లోనూ భోజనం చివర్లో ప్రత్యేకంగా అందిస్తారు. ఇందుకు కారణం ఆహారం బాగా జీర్ణమవుతుందనే.
జీర్ణ ఆరోగ్యానికి సోంపు చాలా మేలు చేస్తుంది. ఉబ్బరం, అజీర్ణం, గ్యాస్, గుండెల్లో మంట వంటి సమస్యలకు సోంపు ఉపశమనం కలిగిస్తుంది. సోంపు నమలడం వల్ల నోటి దుర్వాసన తొలగిపోతుంది. ఇది యాంటీమైక్రోబయల్ లక్షణాలను కలిగి ఉంటుంది. ఇది నోటి దుర్వాసనను పోగొట్టి చిగుళ్ల ఆరోగ్యాన్ని కాపాడుతుంది.
ఇందులో యాంటీఆక్సిడెంట్లు ఉంటాయి. ఇది ఫ్రీ రాడికల్స్‌తో పోరాడుతుంది. దీర్ఘకాలిక వ్యాధుల ప్రమాదాన్ని తగ్గించడంలో కూడా సహాయపడుతుంది. నిద్రలేచిన తర్వాత చాలా మందికి తల తిరగడం, వికారం, అలసట వంటివి మార్నింగ్ సిక్‌నెస్ లక్షణాలకు సోంపు టీ ప్రయోజనకరంగా ఉంటుంది.
ఉదయాన్నే సోపు నానబెట్టిన నీరు తాగడం వల్ల శరీరంలోని టాక్సిన్నీ బయటకు వెళ్లిపోతాయి. ఇది కాలేయం, మూత్రపిండాలను ఆరోగ్యంగా ఉంచుతుంది. అంతేకాకుండా కిడ్నీలో రాళ్లు ఏర్పడే ప్రమాదం కూడా తగ్గుతుంది.
గ్లాసు మజ్జిగలో చెంచా సోంపు వేసుకుని తాగితే విరేచనాలు తగ్గుముఖం పడతాయి. కడుపు నొప్పితో బాధపడే చిన్నారులకు మజ్జిగలో కలిపిస్తే నొప్పి తగ్గుతుంది. నోటి దుర్వాసనను తొలగించడంలో ఇది ముందుంటుంది. భోజనం చేసిన వెంటనే కొద్దిగా తీసుకుంటే సమస్య తగ్గుతుంది.