వీటి గురించి మీకు తెలుసా..? ఎక్కువ తీసుకుంటే ఆరోగ్యానికి పెను ప్రమాదమట..!
ప్రస్తుతకాలంలో ఎన్నో అనారోగ్య సమస్యలు వెంటాడుతున్నాయి.. ఈ నేపథ్యంలో ఆరోగ్యంపై దృష్టిపెట్టడం చాలాముఖ్యం.. మంచి జీవనశైలి.. అనారోగ్యకరమైన ఆహారాన్ని తీసుకోవాలి.. అలాంటి ఆరోగ్యకరమైన వాటిల్లో చియా గింజలు ఒకటి.. చియా సీడ్స్ ను సూపర్‌ఫుడ్‌గా పరిగణిస్తారు.
ప్రస్తుతకాలంలో ఎన్నో అనారోగ్య సమస్యలు వెంటాడుతున్నాయి.. ఈ నేపథ్యంలో ఆరోగ్యంపై దృష్టిపెట్టడం చాలాముఖ్యం.. మంచి జీవనశైలి.. అనారోగ్యకరమైన ఆహారాన్ని తీసుకోవాలి.. అలాంటి ఆరోగ్యకరమైన వాటిల్లో చియా గింజలు ఒకటి.. చియా సీడ్స్ ను సూపర్‌ఫుడ్‌గా పరిగణిస్తారు. ఎందుకంటే వాటిలో ఒమేగా-3 ఫ్యాటీ యాసిడ్స్, ఫైబర్, ప్రొటీన్లు పుష్కలంగా ఉంటాయి. అందువల్ల ఈ విత్తనాలను స్మూతీస్, పెరుగు, అనేక ఇతర ఆహార పదార్థాలలో ఉపయోగిస్తారు. సాధారణంగా చియా సీడ్స్ ను నానబెట్టి.. ఉదయం లేదా మధ్యాహ్నం వేళ తీసుకుంటారు.. ఈ ప్రత్యేకమైన విత్తనాలు.. బరువును తగ్గించడానికి సహాయపడతాయి.. కానీ చియా గింజలను ఎక్కువగా తినడం ప్రతికూలంగా ఉంటుందని చెబుతున్నారు. చియా గింజలు ఎక్కువగా తినడం వల్ల శరీరానికి కలిగే హాని ఏమిటో ఇప్పుడు తెలుసుకుందాం..
రక్తంలో చక్కెరను తగ్గిస్తుంది: చియా గింజల్లో ఫైబర్ పుష్కలంగా ఉంటుంది. ఇది రక్తంలో చక్కెర స్థాయిని తగ్గించడంలో సహాయపడుతుంది. అయితే, రక్తంలో చక్కెర స్థాయి పూర్తిగా తగ్గిపోతే, ఫలితాలు తారుమారు కావచ్చు. కాబట్టి షుగర్ నియంత్రణకు రెగ్యులర్ ఇన్సులిన్ తీసుకునే వారికి ఈ సీడ్స్ ప్రమాదకరం.
చియా గింజల్లో పీచు ఎక్కువగా ఉంటుంది. ఫైబర్ అధికంగా ఉండే ఆహారాలు మధుమేహ వ్యాధిగ్రస్తులకు మేలు చేస్తాయి. కానీ పీచు ఎక్కువగా తినడం వల్ల పేగులు ఆ కార్బోహైడ్రేట్లను గ్రహించలేవు. ఫలితంగా, రక్తంలో చక్కెర స్థాయిలు మారవచ్చు. మీరు విడిగా ఇన్సులిన్ తీసుకున్నప్పటికీ, ఈ విత్తనాలకు దూరంగా ఉండటం మంచిది.
చియా విత్తనాలను ఎక్కువగా తీసుకోవడం వల్ల అజీర్ణం ఏర్పడుతుంది. ఇందులో ఫైబర్ పుష్కలంగా ఉంటుంది. పేగుల ఆరోగ్యాన్ని కాపాడుకోవడంలో ఫైబర్ ప్రయోజనకరంగా ఉంటుంది. కానీ ఎక్కువ తీసుకోవడం వల్ల సమస్యలు వస్తాయి. అధిక ఫైబర్ జీర్ణక్రియకు అంతరాయం కలిగిస్తుంది.
ఆరోగ్యంగా ఉండటానికి చియా విత్తనాలు ఎంత మేర తినాలి?: నిపుణుల అభిప్రాయం ప్రకారం.. రోజుకు ఒకటి నుండి ఒకటిన్నర, రెండు టీస్పూన్ల చియా విత్తనాలు తీసుకోవాలి. ముందుగా.. ఒక చెంచా చియా గింజలను ఒక గ్లాసు నీటిలో రాత్రంతా నానబెట్టండి. ఉదయాన్నే ఈ నీటిని తాగండి. మీరు చియా గింజలతో పాటు ఆహారాన్ని కూడా తీసుకోవచ్చు.. సలాడ్‌, స్మూతీస్ తో కలిపి ఈ ప్రత్యేక గింజలను తినవచ్చు. (ఈ సమాచారం ఇంటర్నెట్ ద్వారా సేకరించబడింది. ఫాలో అయ్యేముందు డాక్టర్లను సంప్రదించండి)