యాలకులతో ఆ సమస్యలకు చెక్ పెట్టొచ్చని తెలుసా?
యాలకులు మన శరీరానికి అధికమైన మేలు చేస్తాయి. ఎందుకంటే, యాలకుల్లో అనేక ఆరోగ్య ప్రయోజనాలు ఉన్నాయి. వీటిని ఎక్కువగా ఆహారాలు, టీలో వాడుతారు. ఇంకా కొందరు వీటిని నీటిలో నానా బెట్టుకుని తాగుతారు. ఇవి మన శరీరానికి ఎలా ఉపయోగపడతాయో ఇక్కడ చూద్దాం..
యాలకుల్లో జింక్, విటమిన్ సి, ఐరన్ పుష్కలంగా ఉంటాయి. ఇవి ఆరోగ్యానికి ఎంతగానో సహాయపడతాయి. అందుకే వాటిని ఎంతోమంది పర్సు, ట్రావెల్ బ్యాగ్లో పెట్టుకుంటారు.
జీర్ణక్రియ: ఎంతో మంది భోజనం చేసిన తర్వాత యాలకులను తింటారు. ఈ అలవాటు మంచిదని వైద్యులు కూడా చెబుతున్నారు. దీనిలో ఉండే విటమిన్స్.. ఆహారం జీర్ణం కావడానికి ఎంతగానో సహాయపడతాయి. కడుపు ఉబ్బరం సమస్యలు కూడా తగ్గుతాయి.
నోటి దుర్వాసన: యాలకులు నోటి దుర్వాసనను పోగొడతాయి. ఎందుకంటే, వీటిలో ఉండే యాంటీ బ్యాక్టీరియల్ గుణాలు చెడు బ్యాక్టీరియాను చంపేస్తాయి. అంతేకాదు, ఇవి చిగుళ్ల వ్యాధుల నుంచి కూడా రక్షిస్తాయి.
గుండె ఆరోగ్యం: యాలకులు బ్లడ్ ప్రెజర్ ను అదుపులో ఉంచుతాయి. హై బీపీ ఉన్నవాళ్లకు ఇవి బాగా పనిచేస్తాయి. అంతేకాదు, వీటిలో ఉండే యాంటీ యాక్సిడెంట్లు రక్త ప్రసరణను మెరుగుపరుస్తాయి. బీపీని కూడా కంట్రోల్ చేస్తుంది.
శ్వాసకోశ సమస్యలు: జలుబు, ఆస్తమాతో ఇబ్బంది పడేవారు యాలకులు తీసుకోవడం వలన ఆ సమస్య నుంచి ఉపశమనం లభిస్తుంది. అంతేకాదు, ఊపిరితిత్తులలో ఇది రక్త ప్రసరణను కూడా మెరుగుపరుస్తాయి.