ప్రపంచంలోని అత్యంత పొడవైన రైలు: చిన్నతనంలో ప్రతి ఒక్కరూ ఏదో ఒక టైమ్‌లో ట్రైన్‌ బోగీలను లెక్కించాడనికి ప్రయత్నించే ఉంటారు. అలా కొన్ని రైళ్లలో 15-16 కోచ్‌లు ఉంటుంటాయి. కొన్నింటికి 25 కోచ్‌లు ఉంటాయి. అయితే, ఇక్కడ మనం తెలుసుకోబోయే రైలు కోచ్‌లను లెక్కించడం అంత తేలికైన పని కాదు. ఎందుకంటే ఈ రైలు 7 కిలోమీటర్ల పొడవుంటుంది. ఇక, కోచ్‌ల విషయానికి వస్తే 25-50 కాదు.. వంద, రెండు వందలు కూడా కాదు..ఏకంగా 682 కోచ్‌లు ఉన్నాయి. అందుకే ఈ రైలు కోచ్‌ల సంఖ్యను లెక్కించడం అంత సులభం కాదు.
ప్రపంచంలోనే అత్యంత పొడవైన ఈ రైలు పేరు 'ది ఆస్ట్రేలియన్ BHP ఐరన్ ఓర్'. ఇది ప్యాసింజర్ కాదు, గూడ్స్ రైలు. ఈ రైలు మొదటిసారిగా 21 జూన్ 2001న పట్టాలెక్కింది. ఇంజిన్ నుంచి చివరి కంపార్ట్‌మెంట్ వరకు ఈ రైలు పొడవు 7.3 కిలో మీటర్లు ఉంటుంది. ఇందులో 8 లోకోమోటివ్ ఇంజన్లు, 682 కోచ్‌లతో కూడిన ఈ రైలు బొగ్గు రవాణా కోసం ఉపయోగిస్తున్నారు.
1 / 5
పొడవుగా ఉండటమే కాదు.. ఆస్ట్రేలియన్ BHP ఐరన్ ఓర్ అత్యంత బరువైన రైలు అనే గుర్తింపు కూడా కలిగి ఉంది. ఆస్ట్రేలియాలోని యాండీ మైన్ నుండి పోర్ట్ హెడ్‌ల్యాండ్ బీచ్ వరకు నడుస్తున్న ఈ రైలు 275 కిలోమీటర్ల దూరాన్ని కవర్ చేస్తుంది. దీనికి 10 గంటల సమయం పడుతుంది. రైలు సామర్థ్యం 82,000 టన్నుల ఇనుప ఖనిజం.
2 / 5
682 కోచ్‌లతో ప్రపంచంలోనే అత్యంత పొడవైన రైలు ఇదే. ఈ రైలు పొడవు 24 ఈఫిల్ టవర్లను కలిగి ఉంటుందని అంచనా. అత్యంత పొడవైన ఈ రైలును లాగడానికి ఒకటి లేదా రెండు ఇంజిన్లు సరిపోతాయా అనే సందేహం కూడా చాలా మందిలో వస్తుంది. అయితే, ఈ రైలు నడపడానికి 8 ఇంజన్లు అవసరమని సమాచారం. ఈ రైలు బరువు దాదాపు లక్ష టన్నులు.
3 / 5
ఆస్ట్రేలియన్ BHP ఐరన్ ధాతువు రైలు ప్రభుత్వానికి కాదు. ఒక ప్రైవేట్ సంస్థకు చెందిన రైలు. ఇది BHP అనే కంపెనీ నడుపుతున్న ప్రైవేట్ రైలు మార్గంలో నడుస్తుంది. ఇనుప ఖనిజం రవాణా కోసం కంపెనీ ఈ రైలు మార్గాన్ని, రైలును తయారు చేసింది. డిమాండ్ లేని కారణంగా ఇప్పుడు ఈ రైలులో కోచ్‌ల సంఖ్యను 270కి తగ్గించారు. ఇంజిన్లు 8కి బదులుగా 4కి తగ్గించబడ్డాయని తెలిసింది.
4 / 5
ఈ రైలు దక్షిణాఫ్రికాలోని అత్యంత పొడవైన రైలును వెనక్కి నెట్టేసి పొడవైన రైలు టైటిల్‌ను గెలుచుకుంది. ఆ రైలులో 660 కోచ్‌లు ఉన్నాయి. 'మౌంట్ న్యూమాన్ రైల్వే'గా పిలువబడే ఈ రైలును ఒకే డ్రైవర్ నడుపుతాడు.
