Diabetes Causes: కొన్నిరకాల విటమిన్లు లోపించినా మధుమేహం వస్తుందట.. బీ కేర్‌ ఫుల్‌!
నేటి కాలంలో చాలా మంది మధుమేహంతో బాధపడుతున్నారు. శరీరంలో ఇన్సులిన్ హార్మోన్ సరిగా పని చేయకపోతే, రక్తంలో చక్కెర స్థాయి పెరుగుతుంది. ఫలితంగా మధుమేహం సమస్య తలెత్తుతుంది. గుండె జబ్బులు, మూత్రపిండాల వైఫల్యం, కంటి సమస్యలకు కూడా మధుమేహం ఒక కారణం. కాబట్టి ఆరోగ్యంగా ఉండాలంటే రక్తంలో చక్కెర స్థాయిని అదుపులో ఉంచుకోవడం చాలా ముఖ్యం..
నేటి కాలంలో చాలా మంది మధుమేహంతో బాధపడుతున్నారు. శరీరంలో ఇన్సులిన్ హార్మోన్ సరిగా పని చేయకపోతే, రక్తంలో చక్కెర స్థాయి పెరుగుతుంది. ఫలితంగా మధుమేహం సమస్య తలెత్తుతుంది. గుండె జబ్బులు, మూత్రపిండాల వైఫల్యం, కంటి సమస్యలకు కూడా మధుమేహం ఒక కారణం. కాబట్టి ఆరోగ్యంగా ఉండాలంటే రక్తంలో చక్కెర స్థాయిని అదుపులో ఉంచుకోవడం చాలా ముఖ్యం.
మధుమేహాన్ని నివారించడానికి క్రమం తప్పకుండా రక్త పరీక్షలు చేయించుకోవాలి. భోజనానికి ముందు రక్తంలో చక్కెర స్థాయిలు 80-130 mg/dl, భోజనం తర్వాత 140/180 mg/dl ఉండాలి.
రక్తంలో చక్కెర పెరగడానికి అనారోగ్యకరమైన ఆహారం, జీవనశైలి మాత్రమే కారణం కాదు. శరీరంలో కొన్ని విటమిన్ల లోపం వల్ల కూడా రక్తంలో చక్కెర స్థాయి పెరుగుతుంది. కాబట్టి విటమిన్ లోపం ఉంటే, మధుమేహం వచ్చే ప్రమాదం ఉంటుందనే విషయాన్ని ప్రతి ఒక్కరూ తెలుసుకోవాలి.
విటమిన్-డి శరీరాన్ని ఆరోగ్యంగా ఉంచడానికి అవసరమైన వాటిలో ఒకటి. ఈ విటమిన్ లోపం వల్ల కండరాల సమస్యలు వస్తాయి. దీనివల్ల ఇన్సులిన్ హార్మోన్ సరిగా పనిచేయదు. ఫలితంగా రక్తంలో చక్కెర స్థాయిలు పెరగవచ్చు.
శరీరంలో విటమిన్ B12 లోపం మానసిక సమస్యలు, రక్త ప్రసరణ సమస్యలతో సహా వివిధ సమస్యలను కలిగిస్తుంది. రక్తంలో చక్కెర కూడా పేరుకుపోతుంది. కాబట్టి మధుమేహం రాకుండా ఉండాలంటే విటమిన్-బి12 పుష్కలంగా ఉండే ఆహారాన్ని తినాలి. చర్మం, జుట్టు నుంచి రోగనిరోధక శక్తిని పెంచడం వరకు విటమిన్-సి చాలా ముఖ్యం. ఈ విటమిన్ లోపం వల్ల జుట్టు రాలడం, చర్మం పొడిబారడం, జలుబు, అలర్జీ వంటి అనేక సమస్యలు వస్తాయి. రక్తంలో చక్కెర స్థాయిలు కూడా వేగంగా పెరుగుతాయి. మధుమేహాన్ని నివారించడానికి విటమిన్-సి, డి, బి 12 అధికంగా ఉండే ఆహారాలు తినాలి. అలాగే వేయించిన ఆహారాలు, స్వీట్లు, ముఖ్యంగా చక్కెరను నివారించాలి. ఎక్కువ కూరగాయలు తినాలి. రాత్రి ఆలస్యంగా నిద్రపోకూడదు.