IND Vs WI: ధోనీ ప్రత్యేక రికార్డును బ్రేక్ చేసిన డబుల్ సెంచరీ ప్లేయర్.. ఏకంగా దిగ్గజాల సరసన చోటు..
Ishan Kishan Records: ట్రినిడాడ్‌లోని బ్రియాన్ లారా క్రికెట్ స్టేడియంలో వెస్టిండీస్‌తో జరుగుతున్న 3వ వన్డే మ్యాచ్‌లో ఇషాన్ కిషన్ హాఫ్ సెంచరీ చేశాడు. ఈ హాఫ్ సెంచరీతో టీమిండియా మాజీ కెప్టెన్ మహేంద్ర సింగ్ ధోనీ ప్రత్యేక రికార్డును బద్దలు కొట్టాడు. ఇషాన్ కిషన్ 64 బంతుల్లో 3 సిక్సర్లు, 8 ఫోర్లతో 77 పరుగులు చేశాడు. దీంతో వన్డే సిరీస్‌లో వరుసగా అర్ధశతకాలు సాధించిన 6వ భారత బ్యాట్స్‌మెన్‌గా నిలిచాడు.
India Vs West Indies: ట్రినిడాడ్‌లోని బ్రియాన్ లారా క్రికెట్ స్టేడియంలో వెస్టిండీస్‌తో జరుగుతున్న 3వ వన్డే మ్యాచ్‌లో ఇషాన్ కిషన్ హాఫ్ సెంచరీ చేశాడు. ఈ హాఫ్ సెంచరీతో టీమిండియా మాజీ కెప్టెన్ మహేంద్ర సింగ్ ధోనీ ప్రత్యేక రికార్డును బద్దలు కొట్టాడు.
1 / 6
ఈ మ్యాచ్‌లో ఓపెనర్‌గా రంగంలోకి దిగిన ఇషాన్ కిషన్ 64 బంతుల్లో 3 సిక్సర్లు, 8 ఫోర్లతో 77 పరుగులు చేశాడు. దీంతో 3 మ్యాచ్‌ల వన్డే సిరీస్‌లో వరుసగా మూడు అర్ధశతకాలు సాధించిన 6వ భారత బ్యాట్స్‌మెన్‌గా నిలిచాడు.
2 / 6
అలాగే ఈ ఘనత సాధించిన టీమిండియా రెండో వికెట్ కీపర్‌గా నిలిచాడు. ఇంతకు ముందు మాజీ వికెట్ కీపర్ మహేంద్ర సింగ్ ఇలాంటి ప్రత్యేక రికార్డు సృష్టించాడు.
3 / 6
2019లో ఆస్ట్రేలియాతో జరిగిన 3-మ్యాచ్‌ల ద్వైపాక్షిక సిరీస్‌లో వికెట్ కీపర్-బ్యాట్స్‌మెన్ ధోని హ్యాట్రిక్ హాఫ్ సెంచరీలు సాధించాడు. ఇప్పుడు ధోనీ పేరిట ఉన్న ఈ ప్రత్యేక రికార్డును ఇషాన్ కిషన్ సమం చేశాడు.
4 / 6
అంతకుముందు వెస్టిండీస్‌తో జరిగిన తొలి వన్డేలో ఇషాన్ కిషన్ 52, రెండో వన్డేలో 55 పరుగులు చేశాడు. ఇప్పుడు, మూడో ODI మ్యాచ్‌లో 77 పరుగులతో సత్తా చాటి, ప్రపంచ కప్‌ టీంలో తన స్థానాన్ని బలపరుచుకున్నాడు. 3 మ్యాచ్‌ల సిరీస్‌లో హ్యాట్రిక్ హాఫ్ సెంచరీ సాధించిన భారత 2వ వికెట్ కీపర్‌గా, ఈ ఘనత సాధించిన టీమిండియా 6వ బ్యాట్స్‌మెన్‌గా నిలిచాడు.
5 / 6
గతంలో క్రిస్ శ్రీకాంత్ (1982), దిలీప్ వెంగ్‌సర్కార్ (1985), మహ్మద్ అజారుద్దీన్ (1993), ఎంఎస్ ధోని (2019), శ్రేయాస్ అయ్యర్ (2020) 3 మ్యాచ్‌ల సిరీస్‌లో హ్యాట్రిక్ అర్ధశతకాల రికార్డును లిఖించారు. ఇప్పుడు ఈ ఘనత సాధించిన 6వ భారత ఆటగాడిగా ఇషాన్ కిషన్ నిలిచాడు.
