Shiva Singh: చెత్త రికార్డ్‌తో మార్మోగిపోతున్న శివసింగ్.. అసలు ఎవరు, భారత్ తరపున ఎప్పుడు ఆడాడంటే?
Venkata Chari |
Updated on: Nov 28, 2022 | 4:57 PM
Vijay Hazare Trophy 2022: ప్రస్తుతం శివ సింగ్ పేరు ప్రపంచ వ్యాప్తంగా మార్మోగిపోతోంది. ఒక ఓవర్‌లో అత్యధిక పరుగులు ఇచ్చిన చెత్త రికార్డును నమోదు చేసింది.
Nov 28, 2022 | 4:57 PM
విజయ్ హజార్ ట్రోఫీ క్వార్టర్ ఫైనల్‌లో మహారాష్ట్ర ఓపెనర్ రుతురాజ్ గైక్వాడ్ ఒక ఓవర్‌లో 7 సిక్సర్లు కొట్టాడు. ఈ ఘనత సాధించిన ప్రపంచంలోనే తొలి బ్యాట్స్‌మెన్‌గా నిలిచిన సంగతి తెలిసిందే.
1 / 7
ఉత్తరప్రదేశ్ బౌలర్ శివ సింగ్ బౌలింగ్‌లో గైక్వాడ్ ఈ ఘనత సాధించాడు. శివ యూపీకి చెందిన లెఫ్ట్ ఆర్మ్ స్పిన్ బౌలర్. ఒక ఓవర్‌లో అత్యధిక పరుగులు ఇచ్చిన చెత్త రికార్డు అతని పేరిట నమోదైంది.
2 / 7
దీంతో శివ సింగ్ పేరు ప్రపంచ వ్యాప్తంగా మార్మోగిపోతోంది. అసలు ఎవరీ శివ సింగ్ అంటూ తెలుసుకోవడం ప్రారంభించారు. ఆయన కథేంటో ఇప్పుడు తెలుసుకుందాం. శివ సింగ్ ఉత్తరప్రదేశ్ తరపున దేశవాళీ క్రికెట్ ఆడుతున్నాడు. అతను లెఫ్ట్ ఆర్మ్ స్పిన్ బౌలర్.
3 / 7
శివ భారత అండర్-19 జట్టులో కూడా సభ్యుడిగా ఉన్నాడు. పృథ్వీ షా కెప్టెన్సీలో 2018లో అండర్ 19 ప్రపంచకప్‌ గెలిచిన టీంలో ఉన్నాడు. 2018 అండర్-19 ప్రపంచకప్‌లో శివ 6 మ్యాచ్‌లు ఆడాడు. ఇందులో 4 వికెట్లు తీశాడు. అదే సమయంలో అతను ఆ ప్రపంచ కప్‌లో చాలా పొదుపుగా నిరూపించుకున్నాడు. అతని ఎకానమీ రేటు కేవలం 3.23 మాత్రంగానే నిలిచింది.
4 / 7
23 ఏళ్ల శివ సింగ్ 2018-19లో యూపీ తరపున లిస్ట్ ఏలో అరంగేట్రం చేశాడు. ఇప్పటి వరకు ఈ ఫార్మాట్‌లో 7 మ్యాచ్‌లు ఆడాడు. ఇందులో 5 వికెట్లు ఉన్నాయి. యూపీ తరపున టీ20లో 15 మ్యాచ్‌లు ఆడాడు. ఇందులో 9 వికెట్లు తీశాడు.
5 / 7
విజయ్ హజారే ట్రోఫీ క్వార్టర్ ఫైనల్‌లో శివ సింగ్ బౌలింగ్‌లో గైక్వాడ్ ఒక ఓవర్‌లో గరిష్టంగా 7 సిక్సర్లు కొట్టాడు. ఈ ఓవర్‌లో అతను నో బాల్‌తో సహా మొత్తం 7 బంతులు వేశాడు. అందులో గైక్వాడ్ అన్ని బంతుల్లో సిక్స్‌లు కొట్టాడు.
6 / 7
ఈ ఓవర్‌లో గైక్వాడ్ మొత్తం 43 పరుగులు చేసి ప్రపంచంలోనే ఈ ఘనత సాధించిన తొలి బ్యాట్స్‌మెన్‌గా నిలిచాడు. అదే సమయంలో ఓ ఓవర్‌లో అత్యధిక పరుగులు ఇచ్చిన బౌలర్‌గా శివ సింగ్ నిలిచాడు.
