IND vs AUS: 5 టెస్టులు.. 20 డకౌట్స్.. బ్రిస్బేన్ టెస్ట్కు ముందు షాకిస్తోన్న టీమిండియా బ్యాటింగ్ లెక్కలు
Team India: ఆస్ట్రేలియా పర్యటనలో అడిలైడ్ టెస్టులో భారత క్రికెట్ జట్టు ఓటమి పాలైంది. దీంతో డబ్ల్యూటీసీ ఫైనల్ ఆడేందుకు కూడా ఇబ్బంది పడాల్సి వస్తోంది. ఎందుకంటే, ఒక్క ఓటమితో అగ్రస్థానం నుంచి మూడో స్థానానికి పడిపోయింది. అయితే, భారత బ్యాటర్లు ఘోరంగా విఫలమవ్వడం ఆందోళన కలిగిస్తోంది. రెండు ఇన్నింగ్స్ల్లోనూ భారత జట్టు 200 పరుగుల మార్కును కూడా అందుకోలేకపోయింది.
ఆస్ట్రేలియా టూర్లో అడిలైడ్ టెస్టులో భారత క్రికెట్ జట్టు ఓడిపోయింది. పింక్ బాల్తో జరిగిన మ్యాచ్లో భారత బ్యాట్స్మెన్స్ ఘోరంగా విఫలమయ్యారు. రెండు ఇన్నింగ్స్ల్లోనూ భారత జట్టు 200 పరుగుల మార్కును కూడా అందుకోలేకపోయింది. తొలి ఇన్నింగ్స్లో 180 పరుగులు మాత్రమే చేయగా, రెండో ఇన్నింగ్స్లో 175 పరుగులు మాత్రమే చేయగలిగింది.
ఫలితంగా మూడు రోజుల్లోనే భారత్ 10 వికెట్ల తేడాతో ఓటమిని చవిచూడాల్సి వచ్చింది. దీంతో పెర్త్ టెస్టులో విజయం సాధించి సిరీస్లో సాధించిన ఆధిక్యాన్ని భారత్ కోల్పోయింది. ఇప్పుడు మూడో టెస్టు బ్రిస్బేన్లో జరగనుంది. అయితే, ఈ మ్యాచ్కు ముందు గత ఐదు టెస్టుల్లో భారత జట్టు బ్యాటింగ్ గణాంకాలు వెల్లడయ్యాయి. ఇది చూసిన అభిమానులు తలలు పట్టుకుంటున్నారు.
గత ఐదు టెస్టుల్లో భారత జట్టు బ్యాటింగ్ ఘోరంగా నిరాశపరిచింది. వీటిలో న్యూజిలాండ్తో మూడు టెస్టులు, ఆస్ట్రేలియాతో రెండు టెస్టులు ఉన్నాయి. ఈ ఐదు టెస్టుల్లో భారత్ తొలి ఇన్నింగ్స్లో బ్యాటింగ్ సగటు 15.28 మాత్రమే. రెండో ఇన్నింగ్స్లో స్వల్ప మెరుగుదల ఉన్నప్పటికీ ఈ సగటు 29.84గా ఉంది.
గత ఐదు టెస్టుల్లో భారత్ 10 ఇన్నింగ్స్ల్లో ఆరింటిలో 200 పరుగులు కూడా చేయలేకపోయింది. ఈ కారణంగానే కివీ జట్టుపై 3-0తో వైట్వాష్ అయింది. జస్ప్రీత్ బుమ్రా అద్భుతమైన బౌలింగ్ పెర్త్లో విజయానికి దారితీసింది. అయితే, అతను అడిలైడ్లో వెనుకబడినప్పుడు, భారత్ ఓటమిని ఎదుర్కోవలసి వచ్చింది.
గత ఐదు టెస్టుల్లో భారత బ్యాట్స్మెన్స్ ఎనిమిది అర్ధ సెంచరీలు, మూడు సెంచరీలు మాత్రమే చేయగలిగారు. తొలి ఇన్నింగ్స్లో రెండు అర్ధసెంచరీలు నమోదు కాగా ఎలాంటి సెంచరీ నమోదు కాలేదు. రెండో ఇన్నింగ్స్లో మూడు సెంచరీలు, ఆరు హాఫ్ సెంచరీలు వచ్చాయి. ఈ సెంచరీలను సర్ఫరాజ్ ఖాన్, యశస్వి జైస్వాల్, విరాట్ కోహ్లీ నమోదు చేశారు.
గత ఐదు టెస్టుల్లో భారత బ్యాట్స్మెన్ ఖాతా తెరవకుండానే 20 సార్లు అవుటయ్యారు. ఇందులో తొలి ఇన్నింగ్స్లో 15 జీరోలుగా రాగా, రెండో ఇన్నింగ్స్లో ఐదు డకౌట్లు వచ్చాయి. ఇది చాలా ఆందోళన కలిగించే అంశం. ఆస్ట్రేలియాతో జరిగిన గత రెండు టెస్టుల్లో 20 మందిలో ఆరు డకౌట్లు వచ్చాయి.