ఈ దేశాల్లో కండోమ్లు కొనడం, అమ్మడం నిషేదం.. నిబంధనలు అతిక్రమిస్తే అంతే సంగతులు!
గర్భనిరోధకాలు( కండోమ్స్) వీటిని గర్భం రాకుండా ఉపయోగిస్తారని అందిరికీ తెలిసిన విషయమే.. స్త్రీ, పురుషుల సంగమం జరిగినప్పుడు.. పురుషుడి శుక్రకణాలను స్త్రీ శరీరంలోకి వెళ్లకుండా ఇవి నిరోదిస్తాయి. వీటిని రబ్బరు పాలు (రబ్బరు), పాలియురేతేన్ లేదా పాలీఐసోప్రీన్ వంటి వివిధ పదార్థాలతో తయారు చేస్తారు. ఇవి లైంగికంగా సంక్రమించే ఇన్ఫెక్షన్లు, ఇతర వ్యాధుల నుండి రక్షణను అందిస్తుంది. అయితే చాలా దేశాలు సురక్షితమైన లైంగికసంబంధాన్ని ప్రోత్సహిస్తూ వీటి వాడకంపై ఎలాంటి ఆంక్షలు విధించనప్పటికీ, కొన్ని దేశాల్లో మాత్రం కండోమ్ల అమ్మకం, వాడకాన్ని నిషేధించాయి. అంతేకాదు నిబంధనలు అతిక్రమిస్తే కఠిన శిక్షలను అమలు చేస్తున్నాయి. ఇంతకు ఆదేశాలు ఏవో ఇక్కడ తెలుసుకుందాం పదండి.
ఆఫ్ఘనిస్తాన్: కొన్ని నివేదికల ప్రకారం.. కండోమ్లను నిషేధించిన దేశాల జాబితాలో ఆఫ్ఘనిస్తాన్ మొదటి ప్లేస్లో ఉంది. ఆఫ్ఘనిస్తాన్లో తాలిబాన్ ప్రభుత్వం దేశంలో కండోమ్ల వాడకాన్ని నిషేధించింది. ఎందుకంటే కండోమ్ వాడకం ఇస్లామిక్ విలువలకు విరుద్ధమని అక్కడి ప్రభుత్వం తెలిపింది. ఈ మేరకే ఈ నిర్ణయం తసుకుంది. ఇక్కడ కండోమ్లను అమ్మడం చట్టవిరుద్ధమైన చర్య. ఎవరైనా ప్రభుత్వ నిబంధనలు అతిక్రమించే వీటిని అమ్మితే వారిపై కఠిన చర్యలు తీసుకుంటారు.
ఇండోనేషియా: ఆఫ్ఘనిస్తాన్ తర్వాత కండోమ్లను పూర్తిగా నిషేధించిన రెండవ దేశం ఇండోనేషియా. ఇక్కడ కండోమ్ల వాడకం వ్యభిచారం, అనైతిక సంబంధాలను పెంచుతుందని ఇక్కడి ప్రభుత్వం పేర్కొంది. అందువల్ల, దేశంలో కండోమ్ల వాడకాన్ని నిషేధించింది
నైజీరియా: నైజీరియాలో కండోమ్ల అమ్మకం, వాడకం చట్టవిరుద్ధం. అక్కడ లభించే కండోమ్లు నాణ్యత లేనివని కొన్ని ఆరోపణలు ఉన్నాయి. అందుకే ఇక్కడి ప్రజలు వాటిని ఉపయోగించడానికి వెనుకాడతారు. సురక్షితమైన లైంగికసంబంధం గురించి అక్కడ అవగాహన తక్కువగా ఉన్నట్టు తెలుస్తోంది.
ఉత్తర కొరియా: ఉత్తర కొరియా నాయకుడు కిమ్ జోంగ్ ఉన్ దేశ జనాభాను పెంచాలనుకుంటున్నారు. కండోమ్ వాడకం దేశ జనాభా పెరుగుదల విధానానికి విరుద్ధమని కిమ్ ప్రభుత్వం విశ్వసిస్తుంది. అందుకే ఆయన ఉత్పత్తిని మాత్రమే కాకుండా కండోమ్ల వాడకాన్ని కూడా నిషేధించారు.
ఫిలిప్పీన్స్: ఫిలిప్పీన్స్లో కాథలిక్ చర్చికి బలమైన ప్రభావం ఉంది. చర్చి ప్రకారం, కండోమ్ల వాడకం ప్రకృతి నియమాలకు, మతపరమైన ఆలోచనలకు విరుద్ధం. అందువల్ల, ఫిలిప్పీన్స్ ప్రభుత్వం ఇక్కడ కండోమ్ల వాడకాన్ని నిషేధించింది.