కొబ్బరి నూనె Vs ఆవాల నూనె.. జుట్టు పెరుగుదలకు ఏది మంచిది..?
Coconut Oil vs. Mustard Oil: మన దేశంలో జుట్టు సంరక్షణ అనగానే మనకు మొదట గుర్తొచ్చేవి కొబ్బరి నూనె, ఆవ నూనె. తరతరాలుగా మన పూర్వీకులు ఈ నూనెలను జుట్టు పెరుగుదల కోసం ఉపయోగిస్తున్నారు. కేవలం నూనె రాయడమే కాకుండా వీటితో తలకు మసాజ్ చేయడం వల్ల రక్త ప్రసరణ మెరుగుపడి, జుట్టు కుదుళ్లు దృఢంగా మారుతాయి. అయితే జుట్టు పెరుగుదల విషయంలో ఈ రెండింటిలో ఏది మెరుగైనదనే చర్చ ఎప్పుడూ ఉంటుంది. ఈ నేపథ్యంలో జుట్టుకు ఏది మంచిది అనేది ఇప్పుడు తెలుసుకుందాం..
కొబ్బరి నూనెలో ఉండే లారిక్ యాసిడ్ వంటి యాంటీ బాక్టీరియల్, యాంటీ ఫంగల్ గుణాలు, మొటిమలకు కారణమయ్యే సూక్ష్మక్రిములతో పోరాడటానికి, చర్మాన్ని తేమగా ఉంచడానికి సహాయపడతాయి. ఇది ముడతలు, పొడిదనాన్ని కూడా తగ్గిస్తుంది.
ఆవాల నూనె: ఆవాల నూనెలో ఒమేగా-3 కొవ్వు ఆమ్లాలు, విటమిన్ E, జింక్, సెలీనియం పుష్కలంగా ఉంటాయి. ఇది తలకు రక్త ప్రసరణను వేగవంతం చేస్తుంది. కాలుష్యం లేదా ఒత్తిడి వల్ల జుట్టు రాలేవారికి ఆవ నూనె గొప్ప ఔషధం. దీనిలోని యాంటీ బాక్టీరియల్ లక్షణాలు చుండ్రు, ఇన్ఫెక్షన్లను సమర్థవంతంగా ఎదుర్కొంటాయి. ఆవాల నూనెను వేడి చేసేటప్పుడు అందులో కొన్ని కరివేపాకులను వేసి మరిగిస్తే జుట్టు నల్లగా, బలంగా పెరుగుతుంది.
జుట్టు పెరుగుదలకు ఆవ నూనె మంచి ఉద్దీపనగా పనిచేస్తుంది. కానీ తలలో దురద లేదా మంట వంటి సమస్యలు ఉంటే కొబ్బరి నూనె అద్భుతమైన శాంతిని ఇస్తుంది. ఒకవేళ మీ లక్ష్యం జుట్టు పెరుగుదలను వేగవంతం చేయడం అయితే ఆవ నూనెను, జుట్టు ఆరోగ్యాన్ని కాపాడుకోవడమే ప్రధానం అయితే కొబ్బరి నూనెను ఎంచుకోవచ్చు. అయితే ఒకరికి పనిచేసిన నూనె మరొకరికి సరిపడకపోవచ్చు. కాబట్టి మీ జుట్టు తత్వాన్ని బట్టి ఎంపిక చేసుకోవడం ఉత్తమం.
ఎలా ఉపయోగించాలి: ఏ నూనెను ఎంచుకున్నా సరే, వాడే విధానం చాలా ముఖ్యం. నూనెను కొద్దిగా గోరువెచ్చగా చేసి 10 నుండి 15 నిమిషాల పాటు తలకు మసాజ్ చేయాలి. ఆవాల నూనెలో కొన్ని కరివేపాకులు వేసి మరిగిస్తే జుట్టు నల్లగా మారుతుంది.
కొబ్బరి నూనె మృత చర్మ కణాలను తొలగించి, చర్మం కాంతిని పెంచి, తేమను నిలుపుకోవడంలో సహాయపడుతుంది. కాబట్టి చర్మాన్ని కాంతివంతంగా ఉంచుకోవడానికి ప్రతి రాత్రి పడుకునే ముందు ముఖానికి కొబ్బరి నూనెను రాసుకోవాలి.