రాధేశ్యామ్ సినిమాలో లవర్ భాయ్లా కనిపించిన ప్రభాస్... డైహార్డ్ ఫ్యాన్స్ను కాస్త డిసప్పాయింట్ చేశారు. అందుకే... ఆ లోటు నెక్ట్స్ మూవీలో తీర్చేస్తా అంటున్నారు డార్లింగ్.
ప్రజెంట్ సెట్స్ మీద ఉన్న సలార్ సినిమాలో... బిగ్గెస్ట్ ఎవర్ యాక్షన్ ఎపిసోడ్స్ ప్లాన్ చేస్తున్నారట.. ఫిలిం సర్కిల్స్లో వైరల్ అవుతున్న ఈ న్యూస్తో ఫుల్ ఖుషీ అవుతున్నారు డార్లింగ్ ఫ్యాన్స్.
తెలుగు సినిమా స్థాయిని పెంచిన బాక్సాఫీస్ బాహుబలి ప్రభాస్. ఇండియన్ స్క్రీన్ మీద తొలి పాన్ ఇండియా స్టార్ అన్న ట్యాగ్ సొంతం చేసుకున్న డార్లింగ్,..
యాక్షన్ హీరోగా తిరుగులేని స్టార్ డమ్ సాధించారు. అయితే బాహుబలి తరువాత సాహో సినిమాతో పరవాలేదనిపించినా...తన ఇమేజ్ను పక్కన పెట్టి చేసిన రాధేశ్యామ్ మూవీతో మాత్రం ఆడియన్స్ను నిరాశపరిచారు డార్లింగ్.
అందుకే సలార్ విషయంలో అలాంటి పొరపాటు జరగకుండా చూసుకుంటున్నారు డార్లింగ్. ప్రభాస్ సినిమాలో మాస్ ఆడియన్స్ ఏం ఏం ఎక్స్పెక్ట్ చేస్తారో..
అన్ని ఎలిమెంట్స్ పక్కాగా ఉండేలా చూసుకుంటున్నారట. ముఖ్యంగా డార్లింగ్ మార్క్ యాక్షన్ ఎపిసోడ్స్ ఈ సినిమాలో లెక్కలేనన్ని ఉంటాయన్నది ఇండస్ట్రీ టాక్.
కేజీఎఫ్ సిరీస్తో స్టైలిష్ యాక్షన్కు కొత్త స్టాండర్డ్స్ సెట్ చేసిన ప్రశాంత్ నీల్కు ప్రభాస్ లాంటి కటౌట్ దొరికటంతో... ఇండియన్ స్క్రీన్ మీద బిగ్గెస్ట్ యాక్షన్ ఎపిసోడ్స్ను ప్లాన్ చేస్తున్నారట.
కోల్ మైన్స్ బ్యాక్ డ్రాప్లో తెరకెక్కుతున్న ఈ సినిమాలో భారీ చేజ్ సీన్స్తో పాటు ఓ అండర్ వాటర్ యాక్షన్ సీక్వెన్స్ కూడా ప్లాన్ చేస్తున్నారు. ఈ యాక్షన్ ఎపిసోడ్ సినిమాకే హైలెట్ అవుతుందంటున్నారు మేకర్స్.
సలార్లోనే కాదు... మైథలాజికల్ మూవీ ఆదిపురుష్, సైన్స్ ఫిక్షన్ థ్రిల్లర్ ప్రాజెక్ట్ కేలో కూడా డార్లింగ్ మార్క్ యాక్షన్ను ఫుల్గా ఎంజాయ్ చేయోచ్చు అంటోంది డార్లింగ్ టీమ్. మరి ఈ సినిమాలు డార్లింగ్ ఫ్యాన్స్ను ఏ రేంజ్లో ఖుషీ చేస్తాయో చూడాలి.