Tollywood: ప్లానింగ్ లేని దర్శకులు.. నిర్మాతలకు తప్పని నష్టాలు..!
దర్శకుల ప్లానింగ్ లేని ఆలోచనలతో నిర్మాతలు నిలువునా మునిగిపోతున్నారా..? ఏం తీస్తున్నారో కూడా కనీసం క్లారిటీ లేకుండా.. ఇష్టమొచ్చినట్లు ఖర్చు పెట్టిస్తూ ప్రొడ్యూసర్స్‌ను అడ్రస్ లేకుండా చేస్తున్నారా..? ఈ మధ్య కాలంలో కనీసం ఓపెనింగ్స్ రాని భారీ సినిమాలు చాలానే ఉన్నాయి. వాటి బాధ్యత తీసుకునేదెవరు..? నిర్మాతల నష్టాలకు సమాధానమిచ్చేదెవరు..? ఫ్లాపులు ఎవరైనా తీస్తారు.. అదేం పెద్ద క్రైమ్ కాదు. ప్రతీ దర్శకుడి నుంచి అలాంటి సినిమాలు వస్తుంటాయి.
దర్శకుల ప్లానింగ్ లేని ఆలోచనలతో నిర్మాతలు నిలువునా మునిగిపోతున్నారా..? ఏం తీస్తున్నారో కూడా కనీసం క్లారిటీ లేకుండా.. ఇష్టమొచ్చినట్లు ఖర్చు పెట్టిస్తూ ప్రొడ్యూసర్స్‌ను అడ్రస్ లేకుండా చేస్తున్నారా..?
ఈ మధ్య కాలంలో కనీసం ఓపెనింగ్స్ రాని భారీ సినిమాలు చాలానే ఉన్నాయి. వాటి బాధ్యత తీసుకునేదెవరు..? నిర్మాతల నష్టాలకు సమాధానమిచ్చేదెవరు..? ఫ్లాపులు ఎవరైనా తీస్తారు.. అదేం పెద్ద క్రైమ్ కాదు. ప్రతీ దర్శకుడి నుంచి అలాంటి సినిమాలు వస్తుంటాయి.
కానీ తలాతోక లేకుండా సినిమాలు తీస్తూ నిర్మాతలతో కోట్లు ఖర్చు చేయించడం మాత్రం ముమ్మాటికీ తప్పే. హీరో కథ విన్న తర్వాతే ఓకే అంటారేమో గానీ దానికి అయ్యే ఖర్చును డిసైడ్ చేయాల్సింది దర్శకుడే కదా..! ఆ ప్లానింగ్ మిస్ అవుతుంది మన దర్శకుల్లో.
ఈ ఏడాది తెలుగులో అలాంటి సినిమాలు చాలానే వచ్చాయి. ముఖ్యంగా అక్కినేని బ్రదర్స్ నుంచి వచ్చిన ఏజెంట్, కస్టడీ సినిమాలకు ఖర్చు భారీగా అయింది. ఇటు సురేందర్ రెడ్డి.. అటు వెంకట్ ప్రభు ఇద్దరూ హీరోల మార్కెట్‌కు మించి ఖర్చు చేయించారు కానీ రిజల్ట్ మాత్రం దారుణం.
మరోవైపు గుణశేఖర్ మరోసారి శాకుంతలంతో నిరాశ పరిచారు.. దీనికి 50 కోట్ల నష్టాలొచ్చాయి. ఎవరి వరకో ఎందుకు మొన్నటికి మొన్న ప్రవీణ్ సత్తారు తెరకెక్కించిన గాంఢీవదారి అర్జున అయితే వచ్చిన సంగతి కూడా తెలియదు ప్రేక్షకులకు.
వరుణ్ తేజ్ కెరీర్‌లో హైయ్యస్ట్ బడ్జెట్‌తో వచ్చిన గాండీవదారి.. బిగ్గెస్ట్ డిజాస్టర్‌గా నిలిచింది. భోళా శంకర్ ఇదే లిస్ట్ లోకి వస్తుంది. చిరంజీవి లాంటి హీరోను పెట్టుకుని ఇష్టమొచ్చినట్లు తీసారు మెహర్ రమేష్.