May Re-Releases: మేలో రీ రిలీజ్ సందడి.. ఏ సినిమాలు వస్తున్నాయంటే.?
తెలుగు బ్లాక్బస్టర్లు తిరిగి విడుదల అవుతూ ప్రేక్షకులను ఆకట్టుకుంటూనే ఉన్నాయి. కొత్త తరం సినీ ప్రేక్షకులకు కలకాలం నిలిచే హిట్లను పరిచయం చేస్తోంది ఇండస్ట్రీ. మే 2025లో పాత తెలుగు సినిమాలు వెండితెరపైకి తిరిగి వస్తున్నాయి. జగదేక వీరుడు అతిలోక సుందరి వంటి ఫాంటసీ నుండి వర్షం వంటి రొమాంటిక్ డ్రామాల వరకు క్లాసిక్లు మరోసారి ప్రేక్షకుల ముందుకు రానున్నాయి. ఈ మేలో థియేటర్లలోకి వచ్చే తప్పక చూడవలసిన తెలుగు రీ రిలీజ్ సినిమాలు ఏంటో ఈరోజు చూద్దాం.
ఇప్పటికే జగదేక వీరుడు అతిలోక సుందరి మే 9న 2డీ, 3డీ వెర్షన్తో రీ రిలీజ్ అయ్యి ప్రేక్షకులను అలరిస్తుంది. కె. రాఘవేంద్రరావు దర్శకత్వం వహించిన ఒక ఫాంటసీ డ్రామా. ఇది మొదట మే 9, 1990న విడుదలైంది. ఇందులో చిరంజీవి, శ్రీదేవి ఐకానిక్ పాత్రల్లో నటించారు. దాని 35వ వార్షికోత్సవం సందర్భంగా 2025లో థియేటర్లలో తిరిగి విడుదల అయింది. అలాగే మే 10న బన్నీ దేశముదురు కూడా రీ రిలీజ్ అయింది.
ఎస్.ఎస్. రాజమౌళి దర్శకత్వం వహించిన ఫాంటసీ యాక్షన్ డ్రామా మూవీ 'యమదొంగ'. జూనియర్ ఎన్టీఆర్, ప్రియమణి నటించిన ఈ మూవీ మొదట ఆగస్టు 15, 2007న విడుదలైంది. బలమైన పౌరాణిక అంశాలు మరియు అద్భుతమైన విజువల్స్తో, ఈ చిత్రం బాక్సాఫీస్ వద్ద విజయవంతమైంది. ఇది మే 18, 2025న రీ రిలీజ్ అవుతుంది.
త్రివిక్రమ్ శ్రీనివాస్ దర్శకత్వం వహించిన యాక్షన్, కామెడీ, ఫాంటసీ చిత్రం 'ఖలేజా'. ఇందులో మహేష్ బాబు, అనుష్క శెట్టి జంటగా నటించారు. ఈ చిత్రం మొదట అక్టోబర్ 7, 2010న విడుదలైంది. ఈ చిత్రం మహేష్ బాబు అభిమానుల అంచనాలకు అనుగుణంగా మే 30న థియేటర్లలో మళ్లీ విడుదల కానుంది.
శ్రీకాంత్ అడ్డాల దర్శకత్వం వహించిన 'బ్రహ్మోత్సవం' కుటుంబ కథా చిత్రం. ఇందులో మహేష్ బాబు, కాజల్ అగర్వాల్, సమంత, ప్రణిత నటించారు. ఈ చిత్రం మొదట మే 20, 2016న విడుదలైంది. సాంప్రదాయ భారతీయ సెటప్లో సంబంధాలు, కుటుంబ విలువలు, స్వీయ-ఆవిష్కరణ చుట్టూ తిరుగుతుంది. ఈ చిత్రం విడుదలైనప్పుడు మిశ్రమ స్పందనను పొందినప్పటికీ, దీనిని మే 30న తిరిగి విడుదల చేస్తున్నారు.