నాగచైతన్య, శోభితా పెళ్లికి హాజరయ్యే సెలబ్రిటీలు వీరే.. లీకైన లిస్ట్
అక్కినేని నాగచైతన్య, శోభిత ధూళిపాళ్ల మరికొద్ది గంటల్లో వివాహం బంధంతో ఒక్కటి కానున్నారు. పెళ్లి వేడుకకు సంబంధించిన పనులు తుది దశకు వచ్చాయి. రేపే వీరి పెళ్లి జరగబోతుంది. అయితే ఈ మ్యారేజ్‌కి హాజరయ్యే గెస్ట్ ల లిస్ట్ చూద్దాం. అక్కినేని నాగచైతన్య, శోభితా దూళిపాళ తమ ప్రేమ బంధాన్ని పెళ్లి బంధంతో శుభం కార్డు వేయబోతున్నారు.
అక్కినేని నాగచైతన్య, శోభిత ధూళిపాల వివాహానికి ఏర్పాట్లు జరుగుతున్నాయి. బుధవారం రాత్రి 8 గంటల 13 నిమిషాలకు పూర్తి సాంప్రదాయబద్ధంగా పెళ్లి వేడుక నిర్వహించేందుకు ముహూర్తం నిర్ణయించారు.
ఇప్పటికే ప్రీ వెడ్డింగ్ సెల్రబేషన్స్‌కు సంబంధించిన ఫోటోలు సోషల్ మీడియాలో వైరల్ అవుతున్నాయి. అన్నపూర్ణ స్టూడియోస్‌లో భారీ వివాహ వేదికను సిద్ధం చేశారు.
ఇరు కుటుంబాలు పెళ్లి పనులు దగ్గరుండి చూసుకుంటున్నాయి. ఈ పెళ్లికి అక్కినేని, ధూళిపాళ్ల కుటుంబంతో పాటు దగ్గుబాటి ఫ్యామిలీ మెంబర్స్ కూడా హాజరుకానున్నారు.
అలానే ఇండస్ట్రీ నుంచి ప్రముఖ దర్శకులు రాజమౌళి, సుకుమార్‌ హాజరుకానున్నట్లు వార్తలు వస్తున్నాయి. ఇక హీరోలు ప్రభాస్, అల్లు అర్జున్ ఈ పెళ్లికి రావడంపై దాదాపు క్లారిటీ వచ్చినట్లు తెలుస్తోంది.
300 మంది సెలబ్రిటీలకు ఆహ్వానాలు అందినట్టుగా తెలుస్తోంది. ఓ ఓటీటీ షోలో తొలిసారిగా శోభితను కలుసుకున్నారు నాగచైతన్య. కొద్ది నెలల్లోనే వారి పరిచయం ప్రేమగా మారింది. తరువాత ఇరు కుటుంబాలను ఒప్పించి పెద్దల సమక్షంలో పెళ్లి చేసుకోవాలని నిర్ణయించుకున్నారు. ఈ ఏడాది ఆగస్టు 8న కుటుంబ సభ్యుల సమక్షంలో వీరి నిశ్చితార్థం జరిగింది.