Kalki2898AD: కల్కి విషయంలో రాజమౌళిని ఫాలో అవుతున్నారా ??
ఏమో అనుకున్నాం కానీ కల్కి దర్శకుడు నాగ్ అశ్విన్ మామూలోడేం కాదు.. తన సినిమాను ఎప్పుడు ఎలా ప్రమోట్ చేసుకోవాలో బాగా తెలుసు. ప్రాజెక్ట్ కే ప్రమోషన్ ఊహించినంతగా జరగట్లేదు.. అప్‌డేట్స్ రావట్లేదని మెల్లగా విమర్శలు మొదలవుతున్న వేళ.. సాలిడ్ న్యూస్ చెప్పారు నాగ్ అశ్విన్. ఏకంగా కల్కి కథ మొత్తం లీక్ చేసారు. మరి ఈయనేం చెప్పారు.. అసలు కల్కి బ్యాక్‌డ్రాప్ ఏంటి..? కల్కి 2898 AD అప్‌డేట్స్ ఒక్కటైనా ఇవ్వకపోతారా అని వేచి చూస్తున్న ఫ్యాన్స్‌కు..
ఏమో అనుకున్నాం కానీ కల్కి దర్శకుడు నాగ్ అశ్విన్ మామూలోడేం కాదు.. తన సినిమాను ఎప్పుడు ఎలా ప్రమోట్ చేసుకోవాలో బాగా తెలుసు. ప్రాజెక్ట్ కే ప్రమోషన్ ఊహించినంతగా జరగట్లేదు.. అప్‌డేట్స్ రావట్లేదని మెల్లగా విమర్శలు మొదలవుతున్న వేళ.. సాలిడ్ న్యూస్ చెప్పారు నాగ్ అశ్విన్. ఏకంగా కల్కి కథ మొత్తం లీక్ చేసారు. మరి ఈయనేం చెప్పారు.. అసలు కల్కి బ్యాక్‌డ్రాప్ ఏంటి..?
కల్కి 2898 AD అప్‌డేట్స్ ఒక్కటైనా ఇవ్వకపోతారా అని వేచి చూస్తున్న ఫ్యాన్స్‌కు.. ఫుల్ మీల్స్ పెట్టేసారు నాగ్ అశ్విన్. ఏకంగా స్టోరీనే రివీల్ చేసారు ఈ దర్శకుడు. ఊహించని విధంగా సినిమా కథ మొత్తం ఇలా ఉంటుందని పూస గుచ్చినట్లు చెప్పారు. దాంతో పండగ చేసుకుంటున్నారు ప్రభాస్ అభిమానులు. ఓ ఇంటర్వ్యూలో ఈ విషయాన్ని చెప్పుకొచ్చారు నాగ్ అశ్విన్.
దాదాపు 400 కోట్లకు పైగా బడ్జెట్‌తో వై జయంతి మూవీస్ కల్కి సినిమాను నిర్మిస్తున్నారు. టైమ్ ట్రావెల్‌తో పాటు సైన్స్ ఫిక్షన్‌గా వస్తున్నా.. ఇతిహాసాల నేపథ్యమే ఉంటుంది. ఇదే విషయాన్ని నాగ్ అశ్విన్ కన్ఫర్మ్ చేసారు. కల్కి కథలో మొత్తం 6 వేల సంవత్సరాల ప్రయాణాన్ని చూపిస్తున్నట్లు తెలిపారాయన. ఈ సినిమా కోసం భారీ సెట్స్, వాహనాలను డిజైన్ చేసినట్లు చెప్పారు నాగ్ అశ్విన్.
కల్కిలో ప్రభాస్ మహా విష్ణువు అంశగా కనిపిస్తారని చాలా రోజులుగా ప్రచారం జరుగుతుంది. దీనిపైనే ఇప్పుడు హింట్ ఇచ్చారు నాగ్ అశ్విన్. మహాభారతం నుంచి మొదలై.. 2898 వరకు కథ నడుస్తుందని.. కలియుగాంతంలో కల్కి రాకతో సుఖాంతం అవుతుందని తెలుస్తుంది. విష్ణువుగా ప్రభాస్.. అశ్వద్ధామగా అమితాబ్ బచ్చన్.. కలిగా కమల్ హాసన్ నటిస్తున్నారు.
చెప్పినట్లుగానే మే 9న కల్కి రిలీజ్ అవుతుందని మరోసారి కన్ఫర్మ్ చేసారు నాగ్ అశ్విన్. దానికి తగ్గట్లుగానే.. ఓవైపు షూటింగ్ చేస్తూనే.. మరోవైపు పోస్ట్ ప్రొడక్షన్ పనులు వేగంగా చేస్తున్నారు మేకర్స్. విజయ్ దేవరకొండ, నాని కూడా ఈ సినిమాలో అతిథి పాత్రలు చేస్తున్నారని ప్రచారం జరుగుతుంది. మొత్తానికి ఊహించిన దానికంటే భారీగానే వచ్చేస్తుంది కల్కి 2898 AD.