Mahesh Babu: సూపర్ స్టార్ బర్త్ డే సప్పగా ముగియలేదు.. మహేష్ సినిమాపై ఒక చిన్న అప్‌డేట్.!
చిన్ని చిన్ని ఆనందాలతోనే మహేష్ బాబు బర్త్ డే అయిపోయింది. ఆగస్ట్ 9 కదా.. రాజమౌళి ఏదో ఒకటి చెప్తాడులే.. SSMB29 గురించి అప్‌డేట్ ఉంటుందిలే అని చివరి నిమిషం వరకు వేచి చూసినా ఫలితం రాలేదు. కానీ గుడ్డిలో మెల్ల అన్నట్లు.. చివర్లో మాత్రం చిన్న అప్‌డేట్ వచ్చింది. చేసేదేం లేక దాంతోనే సర్దుకున్నారు ఫ్యాన్స్. గుంటూరు కారం తర్వాత రాజమౌళి సినిమా కోసం పూర్తిగా మేకోవర్ అయ్యే పనిలోనే బిజీ అయిపోయారు మహేష్ బాబు.
ఇంతకీ మహేష్ ఎందుకు ట్రెండ్ అవుతున్నారు? ఫ్యాన్స్ ఏమని క్వశ్చన్ చేస్తున్నారు.? గుంటూరు కారం రిలీజ్ అయి చాలా కాలం అవుతున్నా, ఇంకా నెక్ట్స్ మూవీ పట్టాలెక్కించలేదు సూపర్ స్టార్ మహేష్.
డ్రీమ్ కాంబో రాజమౌళి డైరెక్షన్‌లో ఎస్ఎస్ఎంబీ 29 ఎనౌన్స్‌ చేసిన సూపర్ స్టార్ ఆ సినిమా ఎప్పుడు సెట్స్ మీదకు వెళుతుందన్న విషయంలో మాత్రం సస్పెన్స్ మెయిన్‌టైన్ చేస్తున్నారు.
ఇంటర్నేషనల్‌ రేంజ్‌ ప్రాజెక్ట్ కావడంతో ఆచి తూచి అన్నిటినీ సెట్ చేసేసరికి ఇన్నాళ్లూ పట్టిందంటోంది జక్కన్న కాంపౌండ్‌. ఎంత ఖర్చయినా ఫర్వాలేదంటూ రంగంలోకి దూకుతున్నారు మేకర్స్.
రాజమౌళి తీరు చూస్తుంటే ఇప్పట్లో అప్‌డేట్ అయితే చెప్పేలా కనిపించట్లేదు. ఆయన చెప్పకపోయినా.. ఏదో ఓ రూపంలో సినిమా అప్‌డేట్స్ అయితే బయటికి వస్తున్నాయి. టీం అందరితో కూర్చుని డిస్కస్ చేసి.. అందరి అభిప్రాయాలు అడిగాకే మహేష్‌తో అడ్వంచరస్ ప్రాజెక్ట్ ప్లాన్ చేస్తున్నారు రాజమౌళి.
ఆఫ్రికన్ నేపథ్యంలో సాగే కథ ఇదని విజయేంద్రప్రసాద్ ఇప్పటికే చెప్పారు. SSMB29 ప్రీ ప్రొడక్షన్ పనులు వేగంగా జరుగుతున్నాయి. ఓ వైపు అల్యూమీనియం ఫ్యాక్టరీలో సెట్ రెడీ అవుతుండగానే.. ఫారెన్ నుంచి టెక్నీషియన్స్ VFX వర్క్ షురూ చేసారు. వీలైనంత త్వరలోనే ఈ చిత్ర రెగ్యులర్ షూట్ మొదలు కానుంది.
ఎలాగూ మహేష్‌తో చేయబోయేది అడ్వంచరస్ యాక్షన్ డ్రామానే కాబట్టి గతంలో కృష్ణ చేసిన మొసగాళ్లకు మోసగాడు లాంటి సినిమాల్లోని పాత్రలను మళ్లీ రీ క్రియేట్ చేసే స్కోప్‌ ఉంటుందన్నది ఇండస్ట్రీ సర్కిల్స్‌లో వినిపిస్తున్న మాట. మరి ఈ విషయంలో రాజమౌళి ప్లానింగ్ ఏంటో తెలియాలంటే మాత్రం మరికొద్ది రోజులు వెయిట్ చేయాల్సిందే.
ఎట్టి పరిస్థితుల్లో 2026 చివర్లో మహేష్ సినిమాను విడుదల చేయాలని చూస్తున్నారు జక్కన్న. రెండేళ్ళలో ఈ ప్రాజెక్ట్ పూర్తి చేయాలనేది దర్శక ధీరుడి ప్లాన్. మరి అది వర్కవుట్ అవుతుందా లేదా చూడాలి.