Leo: రజనీకాంత్ని టార్గెట్ చేసిన విజయ్.. లియో 500కోట్లు!
డైరక్టర్ లోకేష్ కనగరాజ్ లేటెస్ట్ యాక్షన్ థ్రిల్లర్ లియో 500 కోట్ల మార్క్ దాటేసింది. దళపతి విజయ్ లీడ్ రోల్లో నటించిన సినిమా లియో. బాక్సాఫీస్ దగ్గర మామూలుగా లేవు వసూళ్లు. సినిమా విడుదలైన తొలి వారంలోనే దాదాప 500 కోట్ల మార్కు దాటేసింది లియో. లియో డొమెస్టిక్ కలెక్షన్లు 262 కోట్లు. డొమెస్టిక్ వైజ్ కలెక్షన్లలో తమిళ సినిమాల్లో రెండో హయ్యస్ట్ గ్రాసింగ్ సినిమాగా రికార్డు క్రియేట్ చేస్తోంది లియో. ఆల్రెడీ రజనీకాంత్ నటించిన జైలర్ 343.47 కోట్ల లైఫ్ టైమ్ కలెక్షన్లతో నెంబర్ వన్ పొజిషన్లో ఉంది. ఆల్ టైమ్ తమిళ సినిమా కలెక్షన్లలో మూడో ప్లేస్లో ఉంది లియో. రజనీకాంత్ నటించిన జైలర్ ఫస్ట్ ప్లేస్లో, 2.0 సెకండ్ ప్లేస్లో ఉన్నాయి.
విజయ్ హీరోగా లోకేష్ కనగరాజ్ దర్శకత్వంలో తెరకెక్కిన సినిమా లియో. ఇటీవల ప్రేక్షకుల ముందుకు వచ్చిన ఈ సినిమాకు డివైడ్ టాక్ వచ్చిన వసూళ్ల పరంగా సత్తా చాటింది. విజయ్ కెరీర్ లో మాత్రమే కాదు కోలీవుడ్ హిస్టరీ లోనే అత్యధిక వసూళ్లు సాధించిన సినిమాగా చరిత్ర సృష్టించింది లియో. అయితే ఇంతటి ఘన విజయం సాధించిన ఈ సినిమాను విజయ్ కోసం రెడీ చేయలేదట.
రీసెంట్ ఇంటర్వ్యూ లో లియో గురించి ఇంట్రస్టింగ్ విషయాలు రివీల్ చేశారు లోకేష్ కనగరాజ్. ఎల్సీయూ లో భాగంగా ఇప్పటికే చాలా కథలను రెడీ చేసి పెట్టుకున్న లోకేష్, మార్కెట్ కు తగ్గట్టుగా ఆ కథ స్కేల్ ను పెంచుకుంటూ పోతున్నారు.మా నగరం సినిమాను మినిమమ్ బడ్జెట్ లోనే పూర్తి చేసిన ఈ యంగ్ డైరెక్టర్, ఆ తరువాత ఖైదీ సినిమాను కూడా అతి తక్కువ బడ్జెట్ లోనే పూర్తి చేశారు.
ఖైదీ సూపర్ హిట్ కావటంతో మాస్టర్ సినిమాకు కాస్త భారీగానే ఖర్చు పెట్టారు. విక్రమ్, లియో సినిమాలు భారీ బడ్జెట్ తో రూపొందించిన లోకేష్, కథగా అన్ని సినిమాలను ఒకే స్థాయిలో డిజైన్ చేసిన పెట్టుకున్నానని చెప్పారు. అసలు లియో కథను ఐదేళ్ల క్రితం మరో హీరో కోసం సిద్ధం చేశానని చెప్పారు.
కేరళలోనూ ఏడో రోజు రెండు కోట్లు కలెక్ట్ చేయడం ఏంటని విస్తుపోతున్నారు ట్రేడ్ పండిట్స్. మలయాళ తీరంలో విజయ్కి ఉన్న ఫ్యాన్ ఫాలోయింగ్ని గుర్తుచేసుకుంటున్నారు. హిందీలో మల్టిప్లెక్సుల్లో విడుదల కాకపోయినప్పటికీ, దాదాపు 15 కోట్లు కలెక్ట్ చేసింది లియో.
లోకేష్ కనగరాజ్ సినిమాటిక్ యూనివర్శ్లో లియో ఎలా ఒదిగింది? లియోలో లోకేష్ యూనివర్శ్ని ఎలా టచ్ చేశారనే ఇంట్రస్టింగ్ కాన్సెప్ట్ థియేటర్లకు జనాలను తీసుకొస్తోంది. కార్తి ఖైదీ, కమల్హాసన్ విక్రమ్, రోలెక్స్ కేరక్టర్ల హింట్స్ జనాలను మెస్మరైజ్ చేస్తున్నాయి. జైలర్ గ్లోబల్ కలెక్షన్లు 604 కోట్లను లియో దాటుతుందా? లేదా? ఇప్పుడు ఇదే తమిళనాడులో పెద్ద చర్చ.