Hollywood Movies: హాలీవుడ్ సినిమాలకు కూడా భారతీయ ఇతిహాసాలే స్పూర్తిగా నిలుస్తున్నాయా..?
హాలీవుడ్ సినిమాలకు కూడా భారతీయ ఇతిహాసాలే స్పూర్తిగా నిలుస్తున్నాయా..? రామాయణ భారతాలను దాటి ఏ కథలను కూడా దర్శకులు రాయలేకపోతున్నారా..? ఆ మధ్య క్రిస్టోఫర్ నోలన్ సినిమాలో కృష్ణుడి ప్రస్థావన వస్తే.. ఇప్పుడేమో హనుమంతుడు కనిపిస్తున్నారు. మరి అంజనీ పుత్రుడి నేపథ్యంతో వస్తున్న ఆ సినిమా ఏంటి..? ఈ మధ్య ఇతిహాసాలకు డిమాండ్ బాగా పెరిగిపోయింది. మరీ ముఖ్యంగా దేవుడిపై కథలు చాలా రాసుకుంటున్నారు దర్శకులు.
హాలీవుడ్ సినిమాలకు కూడా భారతీయ ఇతిహాసాలే స్పూర్తిగా నిలుస్తున్నాయా..? రామాయణ భారతాలను దాటి ఏ కథలను కూడా దర్శకులు రాయలేకపోతున్నారా..? ఆ మధ్య క్రిస్టోఫర్ నోలన్ సినిమాలో కృష్ణుడి ప్రస్థావన వస్తే.. ఇప్పుడేమో హనుమంతుడు కనిపిస్తున్నారు. మరి అంజనీ పుత్రుడి నేపథ్యంతో వస్తున్న ఆ సినిమా ఏంటి..?
ఈ మధ్య ఇతిహాసాలకు డిమాండ్ బాగా పెరిగిపోయింది. మరీ ముఖ్యంగా దేవుడిపై కథలు చాలా రాసుకుంటున్నారు దర్శకులు. మొన్నామధ్య వచ్చిన అఖండలో శివతాండవం కనిపించింది. కార్తికేయ 2తో శ్రీ కృష్ణుడు ఈ భూమ్మీద నడిచిన వాడే అంటూ ఆనవాళ్లు చూపించారు.. అక్షయ్ సైతం రామ్ సేతుతో నాటి సంగతులే చెప్పారు.. ఇప్పుడు హనుమాన్ ఏకంగా 250 కోట్లు వసూలు చేసింది.
ఇండియన్ సినిమాల్లోనే కాదు.. మన ఇతిహాసాల ప్రభావం హాలీవుడ్‌లోనూ స్పష్టంగా కనిపిస్తుంది. గతేడాది ప్రముఖ దర్శకుడు క్రిస్టోఫర్ నోలన్ తెరకెక్కించిన ఓపెన్ హైమర్‌కు భగవద్గీతలో కృష్ణుడు చెప్పిన భోధనలే స్పూర్థి. మొదటి అణుబాంబు ప్రయోగంపై వచ్చిన ఈ చిత్రంలో.. శ్రీ కృష్ణుడు చెప్పిన..‘సృష్ఠించింది నేనే నాశనం చేసింది నేనే’ అనే శ్లోకమే అణుబాంబు తయారీకి కారణమైనట్లు తెలిపారు హైమర్.
తాజాగా మంకీ మ్యాన్ అనే సినిమా తెరకెక్కిస్తున్నారు స్లమ్‌డాగ్ మిలీనియర్ ఫేమ్ దేవ్ పటేల్. ఇందులో ఆయనే హీరో. హనుమంతుడి నేపథ్యంలో ఈ కథ సాగుతుంది. ఇందులో హీరో కారెక్టర్‌కు హనుమాన్ ఛాయలుంటాయి. అంజనీ పుత్రుడి అంశతో ఉన్న హీరో.. మాఫియాపై ఎలా తిరగబడ్డాడనే పాయింట్ మీద మంకీ మ్యాన్ సాగుతుంది.
అవతార్ 2లోనూ రామాయణ మహాభారత ఛాయలున్నాయి. ఇందులో హీరో తన కుటుంబంతో పాటు సముద్ర జీవుల దగ్గర రహస్యంగా తల దాచుకునే సీన్.. భారతంలోని విరాట పర్వంను తలపిస్తే.. వానరుల సాయంతో లంకను గెలిచిన రాముడిలా.. సముద్ర వాసుల సాయంతో భూలోక వాసులపై విజయం సాధిస్తారు హీరో. మొత్తానికి కథేదైనా.. మన ఇతిహాసాలను దాటిపోవని వీటిని చూస్తుంటేనే అర్థమవుతుంది.