Tollywood: కీర్తి సురేష్ చిన్ననాటి స్నేహితురాలు.. ఆర్ట్ డైరెక్టర్ టూ టాలీవుడ్ క్రేజీ హీరోయిన్.. ఫాలోయింగ్ చూస్తే..
సెలబ్రెటీ ఫ్యామిలీ నుంచి కథానాయికగా సినీరంగంలోకి అడుగుపెట్టింది. తెలుగుతోపాటు తమిళంలోనూ పలు చిత్రాల్లో నటించి మెప్పించింది. అందం, అభినయంతో కట్టిపడేసిన ఈ బ్యుటీకి తెలుగులో అంతగా ఆఫర్స్ రాలేదు. సోషల్ మీడియాలో విపరీతమైన క్రేజ్ సంపాదించుకున్న ఈ బ్యూటీ ఇప్పుడు ఆఫర్స్ కోసం ఎదురుచూస్తుంది.
టాలీవుడ్ యంగ్ హీరోయిన్లలో కళ్యాణి ప్రియదర్శన్ ఒకరు. అందం, అభినయంతో తక్కువ సమయంలోనే విపరీతమైన క్రేజ్ సొంతం చేసుకుంది ఈ వయ్యారి. మలయాళీ దర్శకుడు ప్రియదర్శన్, మాజీ హీరోయిన్ లిస్సీల కుమార్తె కళ్యాణి.
కళ్యాణి తల్లిదండ్రులు మాత్రమే కాదు.. సోదరుడు సిద్ధార్థ్ సైతం ఇండస్ట్రీలో పాపులర్ నటుడు. 2017లో హలో సినిమాతో తెలుగు తెరకు పరిచయమైంది. అక్కినేని అఖిల్ హీరోగా నటించిన ఈ చిత్రం బాక్సాఫీస్ వద్ద డిజాస్టర్ అయ్యింది.
ఆర్కిటెక్చరల్ డిజైన్ చదివిన కళ్యాణి, నటనలోకి రాకముందు సినిమాల సెట్లో పనిచేసింది. విక్రమ్ 'ఇరుముగన్', హృతిక్ రోషన్ 'క్రిష్ 3' చిత్రాలకు ఆర్ట్ డైరెక్టర్ అసిస్టెంట్గా పనిచేసింది.
తెలుగులో ఆమె నచంచిన చిత్రాలన్నీ ప్లాప్ అయ్యాయి. దీంతో నెమ్మదిగా ఈ బ్యూటీకి ఆఫర్స్ తగ్గిపోయాయి. ప్రస్తుతం మలయాళంలో వరుస సినిమాల్లో నటిస్తూ బిజీగా ఉంది. ఈ అమ్మడు తెలుగు ఆఫర్స్ కోసం ఎదురుచూస్తుంది.
కళ్యాణి ప్రియదర్శన్ సోషల్ మీడియాలో చాలా యాక్టివ్ గా ఉంటుంది. రెగ్యులర్ గా క్రేజీ ఫోటోస్ షేర్ చేస్తూ అభిమానులను ఆకట్టుకుంటుంది. తాజాగా ఈ అమ్మడు చిన్ననాటి ఫోటో తెగ వైరలవుతుంది.