December Movies: ఈ నెలలో ఆడియన్స్ కి ఫుల్ మీల్స్ పక్కా.. ఆల్మోస్ట్ అందరి టేస్ట్ కి తగ్గ సినిమాలు..
ఈ ఏడాది మిగిలిన 11 నెలలదీ ఒక తీరు. డిసెంబర్‌ది ఇంకో తీరు. అన్ని రకాల కాన్సెప్టులతో సినిమాలు సిద్ధమవుతున్నాయి. వాటిలో పక్కా యాక్షన్‌ ఎంటర్‌టైనర్‌ ఒకటైతే, యాక్షన్‌కా బాప్‌ అన్నట్టు ఇంకోటి ఉంది. యూత్‌ఫుల్‌ మూవీని ఓ కెప్టెన్‌ సిద్ధం చేస్తుంటే, మాంచి పల్లెటూరి కథతో మరొకరు మేం రెడీ అంటున్నారు. నాన్న సెంటిమెంట్‌కీ, ట్రావెల్‌ డైరీస్‌కీ కొదవే లేదు డిసెంబర్‌లో. అందుకే ఇయర్‌ ఎండ్‌లో రిలీజ్‌ అయ్యే సినిమాలు చూస్తే ఫుల్ మీల్స్ తిన్నట్టేనని ఫిక్స్ అవుతున్నారు ఆడియన్స్.
రణ్‌బీర్‌ అండ్‌ రష్మికతో సందీప్‌ చేసిన యానిమల్‌ మ్యాజిక్ ని సిల్వర్‌స్క్రీన్‌ మీద విట్‌నెస్‌ చేయడానికి రెడీ అయిపోతున్నారు ఆడియన్స్. ప్యాన్‌ ఇండియా రేంజ్‌లో పరుగు పందెంలో ఉంది యానిమల్‌. తండ్రీ కొడుకుల మధ్య అనుబంధంతో రూపొందింది యానిమల్‌.
తండ్రీ కూతురు మధ్య బాండింగ్‌తో తెరకెక్కింది హాయ్‌ నాన్న. ఈ ఏడాది ఆల్రెడీ దసరాతో హిట్‌ కొట్టిన నాని... హాయ్‌ నాన్న అంటూ పలకరిస్తున్నారు. యూత్‌ఫుల్‌ ఎంటర్‌టైనర్‌గా ఎక్స్ ట్రా ఆర్డినరీ మేన్‌ డిసెంబర్‌ లైన్లో ఉంది. అటు ఆపరేషన్‌ వేలంటైన్‌ నేను కూడా వస్తున్నా అంటున్నాడు.
కేజీయఫ్‌ తర్వాత ప్రశాంత్‌ నీల్‌ డైరక్ట్ చేసిన సినిమా కావడంతో సలార్‌ మీద ఎక్స్ పెక్టేషన్స్ ఇంకో రేంజ్‌లో ఉన్నాయి. ఆల్రెడీ బాహుబలితో హయ్యస్ట్ నెంబర్‌ ఆఫ్‌ కలెక్షన్లను టేస్ట్ చేసిన ప్రభాస్‌... ఈ సినిమాలో హీరో కావడంతో అంచనాలు తారాస్థాయిలోనే ఉన్నాయి. సబ్జెక్ట్ ఆడియన్స్ కి కనెక్ట్ కావాలే గానీ, ఫిగర్లు వెయ్యికోట్లను దాటి చకచకా ముందుకు కదులుతాయని అంటున్నారు ట్రేడ్‌ పండిట్స్.
సలార్‌ కన్నా ఒక్క రోజు ముందు రిలీజ్‌ అవుతోంది షారుక్‌ డంకీ. ఫ్యామిలీ అంతా కలిసి చేసే విదేశీ ప్రయాణానికి సంబంధించిన కథతో తెరకెక్కింది. ఒకే ఏడాదిలో రెండు వెయ్యి కోట్ల సినిమాలున్న హీరోగా ఆల్రెడీ రికార్డ్ క్రియేట్‌ చేశారు షారుఖ్‌. ఇప్పుడు డంకీతో ఇంకో వెయ్యి కోట్ల మార్క్ టచ్‌ చేస్తే వరల్డ్ సినిమా హిస్టరీలో నెవర్‌ బిఫోర్‌ హీరోగా రికార్డును గోల్డెన్‌ లెటర్స్ తో రాసుకోవడం ఖాయం. ఇంత పెద్ద రికార్డును బాద్షాకి సాధించి పెట్టాల్సిన కంపల్సరీ సిట్చువేషన్‌లో ఉన్నారు కెప్టెన్‌ రాజ్‌కుమార్‌ హిరానీ.
ఆల్రెడీ రిలీజ్‌ అయిన గ్యాంగ్స్ ఆఫ్‌ గోదావరి ప్రమోషనల్‌ కంటెంట్‌ ప్రేక్షకులను ఊరిస్తోంది. ప్యాన్‌ ఇండియా రేంజ్‌ సినిమాలది ఓ సందడైతే, రీజినల్‌ మార్కెట్‌ మీద ఫోకస్‌ చేసే గ్యాంగ్స్ ఆఫ్‌ గోదావరి తరహా పల్లెటూరి కథలది ఇంకో రకమైన సందడి.