Anushka Shetty: అనుష్క ఎందుకు ప్రమోషన్‌కు రావట్లేదనే అనుమానాలు.. ఒక్క సింగిల్ ఇంటర్వ్యూతో చెక్ పెట్టిన జేజమ్మ..
అనుష్క ఎక్కడుందబ్బా.. సినిమా విడుదలవుతున్నా కూడా ఆమె ప్రమోషన్‌కు రావట్లేదనే అనుమానాలు చాలా రోజులుగా అందరిలో ఉన్నాయి. దీనిపై మేకర్స్ ఏం మాట్లాడట్లేదు. చివరికి ఈ డౌట్స్‌కు స్వయంగా జేజమ్మే సమాధానమిచ్చారు. ఒకే ఇంటర్వ్యూలో ప్రేమ, పెళ్లి, ప్రభాస్‌తో స్నేహం.. ఇలా చాలా విషయాలు చెప్పుకొచ్చారు. ఇంతకీ అనుష్క ఏమన్నారు..? ఇకపై సినిమాలు చేస్తారా..? అనుష్క శెట్టి ఇండస్ట్రీకి వచ్చి దాదాపు 20 ఏళ్ళు కావొస్తుంది. ఇన్నేళ్లలో ఎప్పుడూ ఐదేళ్ల గ్యాప్ అయితే తీసుకోలేదు. హిట్టు ఫ్లాపులతో పనిలేకుండా వరస సినిమాలైతే చేసారు. కానీ కెరీర్‌లో ఫస్ట్ టైమ్ లాంగ్ గ్యాప్ తీసుకున్నారు జేజమ్మ.
అనుష్క శెట్టి ఇండస్ట్రీకి వచ్చి దాదాపు 20 ఏళ్ళు కావొస్తుంది. ఇన్నేళ్లలో ఎప్పుడూ ఐదేళ్ల గ్యాప్ అయితే తీసుకోలేదు. హిట్టు ఫ్లాపులతో పనిలేకుండా వరస సినిమాలైతే చేసారు. కానీ కెరీర్‌లో ఫస్ట్ టైమ్ లాంగ్ గ్యాప్ తీసుకున్నారు జేజమ్మ.
ఎందుకు అనే అనుమానాలు అందరిలోనూ ఉన్నా.. ఆన్సర్ ఇచ్చే వాళ్లే లేరు. ఇప్పుడు తానే ఈ ప్రశ్నకు సమాధానమిచ్చారు స్వీటీ. పర్సనల్ ఇష్యూస్ వల్లే ఈ గ్యాప్ అని తేల్చేసారు.
అనారోగ్యం.. మరీ ముఖ్యంగా సైజ్ జీరో తర్వాత బరువు పెరగడంతోనే అనుష్క సినిమాలకు దూరమయ్యారనే ప్రచారం జరుగుతున్న వేళ.. అది నిజం కాదని.. వ్యక్తిగత కారణాలతోనే గ్యాప్ తీసుకున్నానని అనుష్క చెప్పడం ఆసక్తికరంగా మారింది.
మిస్ శెట్టి మిస్టర్ పొలిశెట్టి ప్రమోషన్స్‌లో భాగంగా ఇంకా చాలా విషయాలపై క్లారిటీ ఇచ్చారు. ప్రభాస్‌తో మరో సినిమా చేయడం కోసం వెయిట్ చేస్తున్నట్లు తెలిపారు ఈ సీనియర్ హీరోయిన్.
ప్రేమ, పెళ్లిపై ఓపెన్ అయ్యారు అనుష్క. తనకు కూడా పెళ్లి చేసుకోవాలనే ఉందని.. కాకపోతే దేనికైనా టైమ్ రావాలని సింపుల్‌గా తేల్చేసారు ఈ భామ. అలాగే ఇకపై బ్రేక్స్ తీసుకోనని.. వరస సినిమాలు చేస్తానని చెప్పారు.
ఇప్పటికే ఓ మలయళ సినిమాకు సైన్ చేసినట్లు చెప్పిన అనుస్క.. తెలుగు, తమిళంలోనూ సినిమాలు చేస్తున్నట్తు తెలిపారు. మొత్తానికి సింగిల్ ఇంటర్వ్యూతో అందరికీ క్లారిటీ చాలా ప్రశ్నలకు జవాబిచ్చేసారు స్వీటీ.