Bollywood: బాలీవుడ్కు నిజంగానే మంచి రోజులు వచ్చినట్లేనా..? ఇది కంటిన్యూ కానుందా ..?
ఫామ్ ఈజ్ టెంపరరీ.. క్లాస్ ఈజ్ పర్మినెంట్ అంటూ క్రికెట్లో ఓ మాట ఉంటుంది. ఇప్పుడు బాలీవుడ్కు ఇది అతికినట్లు సరిపోతుంది. రెండు మూడేళ్లుగా ఫామ్లో లేని బ్యాట్స్మెన్లా ఇబ్బంది పడిన హిందీ సినిమాకు ఇన్నాళ్లకు మంచి రోజులొచ్చాయి. 2023లో టాప్ 3 మూవీస్ వాళ్లవే. మరి ఇదే ఫామ్ కంటిన్యూ అవుతుందా..? బాలీవుడ్కు నిజంగానే మంచి రోజులు వచ్చినట్లేనా..? అవును.. నిజంగానే బాలీవుడ్ సినిమాలు దుమ్ము దులిపేస్తున్నాయి. చాలా రోజుల తర్వాత.. ఇంకా చెప్పాలంటే చాలా ఏళ్ళ తర్వాత సౌత్ కంటే బెటర్గా పర్ఫార్మ్ చేసింది నార్త్ ఇండస్ట్రీ.
అవును.. నిజంగానే బాలీవుడ్ సినిమాలు దుమ్ము దులిపేస్తున్నాయి. చాలా రోజుల తర్వాత.. ఇంకా చెప్పాలంటే చాలా ఏళ్ళ తర్వాత సౌత్ కంటే బెటర్గా పర్ఫార్మ్ చేసింది నార్త్ ఇండస్ట్రీ. 2023లో టాప్ 3 మూవీస్ అక్కడ్నుంచే వచ్చాయి. కొన్నేళ్లుగా సౌత్ దెబ్బకు నార్త్ నరాలు కట్ అయిపోయాయి. కానీ ఈ ఏడాది పఠాన్, గదర్ 2, జవాన్ లాంటి సినిమాలు మళ్లీ వాళ్లను ట్రాక్ ఎక్కించాయి.
2023 మొదట్లో పఠాన్ ఏకంగా 1000 కోట్ల క్లబ్లో చేరింది. ఆ తర్వాత రాఖీ ఔర్ రాణి కీ ప్రేమ్ కహానీ, కేరళ స్టోరీ, తూ ఝూటీ మై మక్కర్, ఓ మై గాడ్ 2 లాంటి సినిమాలు మంచి విజయం సాధించాయి.
ఎలాంటి అంచనాలు లేకుండా వచ్చిన గదర్ 2 ఏకంగా కేవలం హిందీలోనే 520 కోట్లు వసూలు చేసింది.. జవాన్ అయితే మరోసారి 1000 కోట్ల వైపు పరుగులు తీస్తుంది.
అక్టోబర్ 6న అక్షయ్ కుమార్ మిషన్ రాణిగంజ్.. నవంబర్ 10న సల్మాన్ ఖాన్ టైగర్ 3 సినిమాలు రానున్నాయి. వీటిపై బాలీవుడ్ చాలా ఆశలే పెట్టుకుంది. ఇవి కానీ హిట్ అయ్యాయంటే నార్త్ కష్టాలు తీరిపోయినట్లే.
ఎందుకంటే 2024లో షారుక్ ఖాన్ డంకీ, హృతిక్ రోషన్ ఫైటర్ లాంటి భారీ సినిమాలు క్యూలో ఉన్నాయి. మొత్తానికి చూడాలిక.. ఈ మంచి రోజులు ఇంకెన్ని రోజులు ఉండబోతున్నాయో...?