Movie Sequels: అన్ని ఇండస్ట్రీల్లో కథ ఇంకా మిగిలే ఉందనే ఫార్ములా.. బాహుబలితో ట్రెండీ సెట్ చేసిన రాజమౌళి..
కథ ఇంకా మిగిలే ఉంది... ఇదే ఇప్పుడు సిల్వర్ స్క్రీన్ కమర్షియల్ ఫార్ములా. ముఖ్యంగా పాన్ ఇండియా ట్రెండ్‌తో ప్రతీ సినిమాను కాస్త డిటైల్డ్‌గా చెప్పాలని భావిస్తున్నారు మేకర్స్‌. అందుకే దాదాపు భారీ చిత్రాలన్నింటినీ రెండు మూడు భాగాలుగా ప్లాన్ చేస్తున్నారు. బాహుబలితో మొదలైన ఈ ట్రెండ్ ఇప్పుడు అన్ని ఇండస్ట్రీలో హల్‌చల్ చేస్తోంది. బాహుబలి సినిమాను రెండు భాగాలుగా రిలీజ్ చేసిన రాజమౌళి, ఇండియన్‌ స్క్రీన్‌కు కొత్త కమర్షియల్ ఫార్ములాను పరిచయం చేశారు.
కథ ఇంకా మిగిలే ఉంది... ఇదే ఇప్పుడు సిల్వర్ స్క్రీన్ కమర్షియల్ ఫార్ములా. ముఖ్యంగా పాన్ ఇండియా ట్రెండ్‌తో ప్రతీ సినిమాను కాస్త డిటైల్డ్‌గా చెప్పాలని భావిస్తున్నారు మేకర్స్‌. అందుకే దాదాపు భారీ చిత్రాలన్నింటినీ రెండు మూడు భాగాలుగా ప్లాన్ చేస్తున్నారు. బాహుబలితో మొదలైన ఈ ట్రెండ్ ఇప్పుడు అన్ని ఇండస్ట్రీలో హల్‌చల్ చేస్తోంది.
బాహుబలి సినిమాను రెండు భాగాలుగా రిలీజ్ చేసిన రాజమౌళి, ఇండియన్‌ స్క్రీన్‌కు కొత్త కమర్షియల్ ఫార్ములాను పరిచయం చేశారు. ఒకే కథను రెండు భాగాలుగా చెబితే కాస్త డీటైల్డ్‌గా చెప్పే ఛాన్స్ ఉంటుంది, అదే సమయంలో వసూళ్ల పరంగానూ డబుల్‌ బెనిఫిట్స్ ఉంటాయని బాహుబలితో ప్రూవ్ చేశారు. అందుకే ఆ ట్రెండ్‌ను ఇప్పుడు అన్ని భాషల్లోనూ కంటిన్యూ చేస్తున్నారు మేకర్స్‌. సౌత్‌లోనే కాదు నార్త్‌లోనూ ఇదే ట్రెండింగ్ ఫార్ములాగా మారిందిప్పుడు.
ముందు ఒకే పార్ట్‌గా ప్లాన్ చేసిన సినిమాలను కూడా ఇప్పుడు రెండు భాగాలుగా మార్చేస్తున్నారు. రీసెంట్‌గా దేవర విషయంలో అదే జరిగింది. ఎన్టీఆర్‌ హీరోగా కొరటాల శివ దర్శకత్వంలో తెరకెక్కుతున్న దేవర మూవీని ముందు ఒకే పార్ట్‌గా ప్లాన్ చేశారు. ముహూర్తం టైమ్‌లోను సీక్వెల్ గురించి ఎలాంటి అప్‌డేట్ ఇవ్వలేదు. కానీ షూటింగ్ టైమ్‌లో లెంగ్త్ పెరిగిపోవటంతో రెండు భాగాలుగా రిలీజ్ చేయాలన్న నిర్ణయం తీసుకున్నారు కెప్టెన్ కొరటాల.
తాజాగా కోలీవుడ్ టాప్ హీరో ధనుష్ కూడా 2 పార్ట్స్ ఫార్ములాకు షిప్ట్ అయ్యారు. పీరియాడిక్ యాక్షన్ డ్రామాగా తెరకెక్కుతున్న కెప్టెన్ మిల్లర్ సినిమాను రెండు భాగాలుగా రిలీజ్ చేసేందుకు రెడీ అవుతున్నారు. అరుణ్ మాతేశ్వరన్‌ దర్శకత్వంలో తెరకెక్కుతున్న ఈ సినిమాను షూటింగ్ మొదలైనప్పుడు ఒకే మూవీగా రిలీజ్ చేయాలని భావించారు. కానీ రిలీజ్‌కు ముందు 2 పార్ట్స్‌గా రిలీజ్ చేస్తే ఎలా ఉంటుందన్న ఆలోచన చేస్తున్నారు.