Tollywood: మా పెళ్లి ఎప్పుడో అయిపోయింది.. అసలు నిజాలు బయటపెట్టిన హీరోయిన్..
టాలీవుడ్ ఇండస్ట్రీలో స్టార్ హీరోయిన్గా ఓ వెలుగు వెలిగింది. టాప్ హీరోల సరసన నటించి మెప్పించింది. ఒకప్పుడు చేతినిండా సినిమాలతో బిజీగా ఉన్న ఆమె.. ఇప్పుడు బాలీవుడ్ షిఫ్ట్ అయ్యింది. తెలుగు, హిందీ, తమిళ భాషలలో నటిస్తోంది.
దక్షిణాది చిత్రపరిశ్రమలో ఒకప్పుడు స్టార్ హీరోయిన్గా ఓ వెలుగు వెలిగింది తాప్సీ పన్నూ. తెలుగు, తమిలం, హిందీ భాషలలో వరుస సినిమాలో చేసింది. ప్రస్తుతం బాలీవుడ్ ఇండస్ట్రీలో సెటిల్ అయ్యింది.
వరుసగా సినిమాలు చేస్తూ కెరీర్ మంచి ఫాంలో ఉన్న సమయంలోనే డెన్మార్క్ బ్యాడ్మింటన్ ప్లేయర్ మథియాస్ బోతో ప్రేమలో పడింది. రెండు కుటుంబాల అంగీకారంతో ఈ ఏడాది వీరిద్దరు పెళ్లి చేసుకున్నారు.
అయితే తన పెళ్లికి సంబంధించిన ఫోటోస్, వీడియోస్ సోషల్ మీడియాలో షేర్ చేయలేదు తాప్సీ. కానీ ఉదయ్ పూర్ లో జరిగిన వీరి పెళ్లి వేడుకకు సంబంధించి ఓ వీడియో మాత్రం నెట్టింట చక్కర్లు కొట్టింది.
తాజాగా తన పెళ్లికి సంబంధించిన షాకింగ్ నిజాలను బయటపెట్టింది తాప్సీ. గతేడాది డిసెంబర్ లోనే ఇరు కుటుంబాల సమక్షంలో రిజిస్టర్ మ్యారేజ్ చేసుకున్నామని, ఈ డిసెంబర్ లో తమ వెడ్డింగ్ యానివర్సరీ కూడా జరిగిందని తెలిపింది.
ఈ విషయాన్ని తాను బయటపెట్టకుంటే ఎవరికీ తెలియదని.. తమ వ్యక్తిగత జీవితాన్ని చాలా ప్రైవేట్ గా ఉంచడమే ఉత్తమమని.. పబ్లిక్ చేస్తే వృత్తిపరమైన విషయాలకు ఇబ్బంది అవుతుందని చెప్పుకొచ్చింది.