మరోసారి ‘సారంగదరియా’తో ఫిదా చేసిన సాయిపల్లవి.. హైబ్రిడ్ పిల్ల గురించి మీకు తెలియని విషయాలు..

నాచురల్ అందం, అంతకుమించి అన్నట్లుగా నాచురల్ స్టెప్పులతో ఫిదా చేయడంతో సాయి పల్లవిని మించిన హీరోయిన్ లేదనే చెప్పుకోవాలి. 'ఫిదా' మూవీ, ఈ సినిమాలోని పాటలతో తెలుగు ప్రేక్షకుల మనసు దోచుకున్న ఈ చిన్నది.. తాజాగా శేఖర్ కమ్ముల, అక్కినేని నాగచైతన్య కాంబోలో తెరకెక్కుతున్న లవ్ స్టోరీ సినిమాలో నటిస్తుంది. ఈ సినిమా నుంచి ఇటీవలే విడుదలైన 'సారంగదరియా' సాంగ్ యూట్యూట్‏లో దూసుకుపోతుంది. సాయి పల్లవి గురించి మీకు తెలియని విషయాలను ఇప్పుడు తెలుసుకుందాం..

  • Rajitha Chanti
  • Publish Date - 4:23 pm, Thu, 4 March 21
1/11
సాయిపల్లవి చాలా బిడియస్థురాలు. కెమెరా ముందు నటించాలంటే మొదట్లో కాస్త భయపడేది. కానీ క్రమంగా ఆ సమస్య నుంచి బయటపడింది.
2/11
డ్యాన్స్ అంటే సాయిపల్లవికి చాలా ఇష్టం. ఆమె తెలుగులో ఈ టీవీలో ప్రసారమైన ఢీ షోలో పాల్గోనడానికి ఆమె తల్లిదండ్రులు ఒప్పుకోలేదు. షోలో పాల్గొంటే ఆమె చదువుకు ఆటంకం కలుగుతుందని భావించారు.
3/11
సాయిపల్లవి మొట్ట మొదటి సారిగా బాలీవుడ్ క్వీన్ కంగనా రనౌత్ నటించిన ధామ్ ధూమ్ సినిమాలో ఆమె స్నేహితురాలిగా నటించింది. ఆ తర్వాత ప్రేమమ్ సినిమాలో నటించింది.
4/11
ఓ ఇంటర్వ్యూలో సాయిపల్లవి తన చర్మం గురించి చెప్పుకోచ్చింది. మొదట్లో పింపుల్స్ వల్ల చాలా ఇబ్బందులు పడ్డానని.. తీవ్ర ఒత్తిడికి గురయ్యానని చెప్పుకోచ్చింది.
5/11
నిజానికి సాయిపల్లవి డ్యాన్స్ ఎక్కడా నేర్చుకోలేదు. చిన్నప్పుడు మాధురి దీక్షిత్, ఐశ్వర్య రాయ్ డ్యాన్స్ వీడియోలను చూస్తూ నేర్చుకుంది.
6/11
సాయిపల్లవి మొదటి సారి ఢీ జోడి ఆడిషన్స్‏కు వెళ్ళినప్పుడు అక్కడ తన డ్యాన్స్ ‏కు అందరూ ఆసక్తులయ్యారు. ఆ తర్వాత ఢీ4లో సాయిపల్లవి తన డ్యాన్స్‏తో దూసుకుపోయింది.
7/11
ఇటీవలే సాయిపల్లవి జార్జియాలోని టీబీలీసీ నుంచి మెడిసిన్ పూర్తిచేసింది. తనకు కార్టియాలజిస్ట్ కావాలని ఉందని ఓ ఇంటర్వ్యూలో తెలిపింది.
8/11
మలారే అనే హిట్ సాంగ్ తనపై చిత్రీకరించబడిందని మొదట్లో తనకు తెలియదు. విషయం తెలిసాక తన ఆనందాన్ని వ్యక్తపరిచింది.
9/11
ప్రేమమ్ సినిమా కోసం ఆల్ఫోన్స్ ఆమెను సంప్రదించినప్పుడు... ఆమె తీవ్ర ఒత్తిడికి గురైందంట.
10/11
సాయిపల్లవి తమిళనాడులోని ఊటీకి సమీపంలో ఉన్న కోత్తగిరి అనే చిన్న గ్రామంలొ జన్మించింది. సెంతామరై కన్నన్, రాధామణి తల్లిదండ్రులు. ఈమెకు డ్యాన్సు అంటే చిన్నప్పటి నుంచి ఆసక్తి ఉండేది.
11/11
ప్రస్తుతం సాయి పల్లవి రానాకు జోడీగా విరాటపర్వం సినిమాలో నటిస్తుంది. అలాగే శేఖర్ కమ్ముల, అక్కినేని నాగచైతన్య కాంబోలో తెరకెక్కుతున్న లవ్ స్టోరీ సినిమాలో కూడా నటిస్తుంది. ఈ సినిమా నుంచి ఇటీవలే విడుదలైన సారంగదరియా సాంగ్ యూట్యూట్‏లో దూసుకుపోతుంది.