Growth Problems: మీ పిల్లలు వయసుకు తగ్గట్టు సరిగ్గా ఎదగడంలేదా? ఆహారంలో ఈ చిన్న మార్పు చేసి చూడండి
చాలా మంది పిల్లల్లో వారి వయస్సుకు తగ్గట్టుగా పెరుగుదల ఉండదు. దీంతో తల్లిదండ్రులు ఆందోళన చెందుతుంటారు. ఈ విషయాన్ని ఏమాత్రం నిర్లక్ష్యం చేయకూడదు. పోషకాహారం-విటమిన్లు కూడా పిల్లలలో ఎత్తు పెరుగుదలతో సంబంధం కలిగి ఉంటాయి. శరీరంలో కొన్ని విటమిన్ల లోపం తలెత్తితే ఎత్తుపై ప్రభావం చూపుతుంది..
చాలా మంది పిల్లల్లో వారి వయస్సుకు తగ్గట్టుగా పెరుగుదల ఉండదు. దీంతో తల్లిదండ్రులు ఆందోళన చెందుతుంటారు. ఈ విషయాన్ని ఏమాత్రం నిర్లక్ష్యం చేయకూడదు. పోషకాహారం-విటమిన్లు కూడా పిల్లలలో ఎత్తు పెరుగుదలతో సంబంధం కలిగి ఉంటాయి. శరీరంలో కొన్ని విటమిన్ల లోపం తలెత్తితే ఎత్తుపై ప్రభావం చూపుతుంది.
విటమిన్-సి పిల్లల ఆరోగ్యం, బాడీ బిల్డింగ్‌లో ముఖ్యమైన పాత్ర పోషిస్తుంది. ఇది ఎముకలు, కండరాలను నిర్మించడంలో, రోగనిరోధక శక్తిని పెంచడంలో సహాయపడటమే కాకుండా, పిల్లల ఎత్తును పెంచడంలో కూడా సహాయపడుతుంది. కాబట్టి పిల్లలకు విటమిన్-సి అధికంగా ఉండే ఆహారాన్ని ఇవ్వాలి.
శరీరంలోని ఎముకలు దృఢంగా ఉండాలంటే విటమిన్-డి చాలా అవసరం. ఈ విటమిన్ లోపం వల్ల ఎముకలు బలహీనపడతాయి. ఇక ఎముకలు బలహీనంగా ఉంటే పిల్లల ఎదుగుదల కుంటుపడుతుంది. కాబట్టి పిల్లల డైట్‌లో విటమిన్-డి అధికంగా ఉండే ఆహారాన్ని ఉంచాలి. విటమిన్ డి అధికంగా సూర్యకాంతి ద్వారా అందుతుంది. అందువల్ల, పిల్లలను ఎండలో ఉంచడం, క్రీడలలో పాల్గొననేలా చేయడం చాలా ముఖ్యం. అప్పుడు శరీరం ఫిట్‌గా ఉంటుంది. ఎదుగుదల కూడా చక్కగా ఉంటుంది.
ఎముకల అభివృద్ధికి కాల్షియం కూడా అవసరం. పిల్లల శరీరంలో కాల్షియం లోపం ఉంటే, అది ఎత్తును ప్రభావితం చేస్తుంది. ఈ లోపాన్ని భర్తీ చేయడానికి, పిల్లల రోజువారీ ఆహారంలో పాలు, పాల ఉత్పత్తులు వంటి కాల్షియం అధికంగా ఉండే ఆహారాలను చేర్చాలి.
విటమిన్ B12 శరీర పెరుగుదలలో ముఖ్యమైన పాత్ర పోషిస్తుంది. ఇది జీర్ణక్రియను మెరుగుపరచడంలో, నాడీ వ్యవస్థ సరైన పనితీరును నిర్వహించడానికి కూడా సహాయపడుతుంది. కాబట్టి ఈ విటమిన్ లోపిస్తే పిల్లలు ఎదగరు. పిల్లల శరీరంలో అన్ని విటమిన్ల స్థాయిలను ఉంచడానికి సమతుల ఆహారం ఇవ్వడం ముఖ్యం. కాబట్టి పిల్లల రోజువారీ ఆహారంలో ఆకుపచ్చ కూరగాయలు, పండ్లు, పాలు, పాల ఉత్పత్తులు, చేపలు, మాంసం, గుడ్లు వంటి తప్పనిసరిగా ఉంచాలి.