Yoga for Kids: మీ పిల్లలు మంచి హైట్ పెరగాలనుకుంటున్నారా..? ఇవిగో సూపర్ యోగాసనాలు
మారిన కాలంతో పాటు పిల్లల అలవాట్లలో కూడా అనేక మార్పులు వచ్చాయి. స్మార్ట్ ఫోన్లు, ఎలక్ట్రిక్ గాడ్జెట్స్ ను ఉపయోగిస్తూ శారీరక శ్రమకు దూరంగా గడుపుతున్నారు. దీంతో పిల్లల్లో చిన్నతనం నుంచే ఫిట్ నెస్ కు దూరంగా ఉంటున్నారు. అయితే చిన్నతనం నుంచి పిల్లలకు శారీరక శ్రమ వలన కలిగే ఉపయోగాలు.. ఫిట్ నెస్, ఆరోగ్యం గురించి చెప్పాలి. దీంతో పిల్లలకు యోగం వ్యాయామం వంటి వాటితో ఉన్న యోగాలు చెప్పడం వలన వారు పెద్దయ్యాక కూడా ఈ అలవాటు కొనసాగుతుంది. కనుక పిల్లలను ప్రతిరోజూ కొన్ని సాధారణ యోగా ఆసనాలు చేయించడం వల్ల ఆరోగ్యంగా ఉంటారు. అంతేకాదు కొన్ని యోగాసనాలు పిల్లల ఎత్తును పెంచడంలో కూడా సహాయపడతాయి. ఈ రోజు పిల్లలకు మేలు చేసే కొన్ని యోగాసనాలను తెలుసుకుందాం.
వృక్షాసనం చేయడం వల్ల శరీరంలో సమతుల్యత ఏర్పడుతుంది. ఇది కాకుండా ఇది సులభంగా ఏకాగ్రతను పెంచుతుంది. వెన్నెముక, చీలమండలు, తొడలు మొదలైన వాటి కండరాలను బలపరుస్తుంది. దీనితో పాటు తడసనా కూడా పిల్లలకు చాలా ఉపయోగకరంగా ఉంటుంది. ఈ ఆసనం చేయడం వల్ల ఎత్తు పెరగడానికి సహాయపడుతుంది.
కోబ్రా పోజ్ లేదా భుజంగాసనం చేయడం పిల్లలకు కూడా ప్రయోజనకరం. ఈ ఆసనం చేయడం వల్ల కండరాలు దృఢంగా ఉండటమే కాకుండా ఎత్తు పెరగడంతోపాటు శరీరం ఫ్లెక్సిబుల్‌గా మారుతుంది.
పిల్లలను ధనురాసనం కూడా ఉత్తమ ఫలితాలను ఇచ్చే ఆసనం. ఈ యోగాసనం ఎత్తు పెరగడానికి మాత్రమే కాదు పిల్లల మానసిక ఆరోగ్యాన్ని కూడా బాగా ఉంచుతుంది. ఒత్తిడిని తగ్గిస్తుంది. ఇది మెడ, భుజాలు, ఛాతీ కండరాలు సులభంగా కదిలేలా చేస్తుంది. ఆరోగ్యకరమైన జీవితాన్ని అందిస్తుంది.
చక్రాసనం చేసేటప్పుడు శరీరం సాగుతుంది. ఈ యోగాసనం ఎత్తును పెంచడంలో కూడా సహాయపడుతుందని భావిస్తారు. అంతేకాదు ఈ ఆసనం చేయడం వల్ల రోగనిరోధక శక్తి బలపడుతుంది. కంటి దృష్టికి, మానసిక ఆరోగ్యానికి కూడా మేలు చేస్తుంది.
సూర్య నమస్కారం చేయడం పెద్దలు, పిల్లల మొత్తం ఆరోగ్యానికి చాలా ఉపయోగకరంగా ఉంటుంది. ఇందులో 12 యోగాసనాలు ఉన్నాయి. ఇవి పిల్లల ఎత్తును పెంచడమే కాకుండా కండరాలను బలోపేతం చేస్తాయి. యోగాను ప్రారంభించడంతో పాటు క్రమంగా సూర్య నమస్కారాన్ని నేర్పించాలి.