Home Loan: ఆ బ్యాంకుల్లో గృహ రుణాలపై అతి తక్కువ వడ్డీ రేట్లు.. రూ.75 లక్షల రుణానికి ఈఎంఐ ఎంతో తెలుసా..?
భారతీయ రిజర్వ్ బ్యాంక్ ఇటీవల తన పాలసీ సమీక్షలో వరుసగా తొమ్మిదో సారి రుణాల వడ్డీ రేట్లపై యథాతథ స్థితిని కొనసాగించింది. దీంతో గృహ రుణాలు తీసుకోవాలని అనుకునే వారు ఏయే బ్యాంకులు తక్కువ వడ్డీ గృహ రుణాలను అందిస్తున్నాయో? వెతుకుతున్నారు. ఇప్పటికే అనేక ప్రభుత్వ రంగ బ్యాంకులు ఆకర్షణీయమైన గృహ రుణ ఎంపికలను అందిస్తున్నాయి. ప్రభుత్వ రంగ బ్యాంకులు కోసం దాదాపు 8.35 శాతం నుంచి గృహ రుణాలను అందజేస్తున్నాయి. ఈ నేపథ్యంలో ఏయే బ్యాంకులు తక్కువ వడ్డీతో రుణాలను అందిస్తున్నాయి? 20 ఏళ్ల కాలపరిమితితో రూ. 75 లక్షల రుణంతో తీసుకుంటే నెలవారీ ఈఎంఐ ఎంత అవుతుందో? ఓ సారి తెలుసుకుందాం.
యూనియన్ బ్యాంక్ ఆఫ్ ఇండియా, బ్యాంక్ ఆఫ్ మహారాష్ట్ర అత్యంత పోటీతత్వ హోమ్ లోన్ వడ్డీ రేట్లను అందిస్తాయి. 20 సంవత్సరాల కాలవ్యవధితో రూ. 75 లక్షల గృహ రుణం తీసుకుంటే నెలవారీ ఈఎంఐ రూ. 64,376 అవుతుంది. తద్వారా సరసమైన రీపేమెంట్ నిబంధనలను కోరుకునే రుణగ్రహీతలకు ఇది ఉత్తమ ఎంపికగా ఉంటుంది.
బ్యాంక్ ఆఫ్ బరోడా, పంజాబ్ నేషనల్ బ్యాంక్, ఇండియన్ బ్యాంక్, బ్యాంక్ ఆఫ్ ఇండియా, కెనరా బ్యాంక్, ఇండియన్ ఓవర్సీస్ బ్యాంక్ 8.40 శాతం వడ్డీ రేటుతో గృహ రుణాలను అందిస్తాయి. 20 సంవత్సరాల కాలవ్యవధితో రూ. 75 లక్షల గృహ రుణం కోసం నెలవారీ ఈఎంఐ సుమారుగా రూ. 64,613 అవుతుంది.
యుకో బ్యాంక్, సెంట్రల్ బ్యాంక్ ఆఫ్ ఇండియా 8.45 శాతం వడ్డీ రేటుతో గృహ రుణాలను అందిస్తాయి. 20 సంవత్సరాల కాలపరిమితితో రూ. 75 లక్షల గృహ రుణం కోసం నెలవారీ ఈఎంఐ సుమారు రూ. 64,850 అవుతుంది.
స్టేట్ బ్యాంక్ ఆఫ్ ఇండియా 8.50 శాతం నుంచి వడ్డీ రేటుతో గృహ రుణాలను అందిస్తోంది. 20 సంవత్సరాల కాలపరిమితితో రూ. 75 లక్షల గృహ రుణం కోసం నెలవారీ ఈఎంఐ సుమారు రూ. 65,087 అవుతుంది.
రూ. 75 లక్షల గృహ రుణం కోసం ప్రతి బ్యాంకు అందించే అతి తక్కువ వడ్డీ రేటును పరిగణలోకి తీసుకుని ఈఎంఐ లెక్కించారు. జీరో ప్రాసెసింగ్, ఇతర ఛార్జీలను 20 సంవత్సరాల కాలవ్యవధిపై ఆధారపడి ఉంటాయి. వడ్డీ రేట్లు, సంబంధిత ఈఎంఐలు సమయానుగుణంగా మారే అవకాశం ఉంది.