Brain diet for Kids: చిన్నారుల జ్ఞాపకశక్తిని వేయింతలు చేసే ఆహారాలు ఇవే.. తల్లులూ తప్పక తినిపించండి!
చాలా మంది పిల్లలకు ఆహారం సరిగ్గా తీసుకోరు. దీంతో తల్లిదండ్రులకు పిల్లలకు భోజనం తినిపించడం సమస్యగా మారుతుంది. నిజానికి.. బాల్యం అనేది శరీర అభివృద్ధికి సంబంధించిన వయస్సు. కాబట్టి ఈ సమయంలో పోషకాలు శరీరంలోకి సక్రమంగా ప్రవేశించేలా చూసుకోవడం చాలా ముఖ్యం. లేదంటే ఆరోగ్య సమస్యలు తలెత్తవచ్చు. చాలా మంది పిల్లలు చదవడం గుర్తుంచుకోవడంలో ఇబ్బంది పడుతుంటారు. దీంతో పరీక్షల సమయంలో తక్కువ ప్రతిభ కనబరుస్తుంటారు..
చాలా మంది పిల్లలకు ఆహారం సరిగ్గా తీసుకోరు. దీంతో తల్లిదండ్రులకు పిల్లలకు భోజనం తినిపించడం సమస్యగా మారుతుంది. నిజానికి.. బాల్యం అనేది శరీర అభివృద్ధికి సంబంధించిన వయస్సు. కాబట్టి ఈ సమయంలో పోషకాలు శరీరంలోకి సక్రమంగా ప్రవేశించేలా చూసుకోవడం చాలా ముఖ్యం. లేదంటే ఆరోగ్య సమస్యలు తలెత్తవచ్చు.
చాలా మంది పిల్లలు చదవడం గుర్తుంచుకోవడంలో ఇబ్బంది పడుతుంటారు. దీంతో పరీక్షల సమయంలో తక్కువ ప్రతిభ కనబరుస్తుంటారు. అందుకే తల్లిదండ్రులు పిల్లల తెలివితేటలపై క్రమం తప్పకుండా నిఘా ఉంచడం చాలా అవసరం.
పిల్లల్లో జ్ఞాపకశక్తి వృద్ధి అవడంలో ఆహారం ముఖ్య పాత్ర పోషిస్తుంది. పోషకాహారం ఈ సమస్యకు శాశ్వత పరిష్కారాన్ని అందిస్తుంది. జ్ఞపకశక్తిని పెంచే ఆహారాలలో గుడ్డు ముఖ్యమైనది. పిల్లలకు క్రమం తప్పకుండా గుడ్లు తినిపించాలి. గుడ్లలో ప్రొటీన్లతో పాటు వివిధ రకాల పోషకాలు ఉంటాయి. గుడ్లలో ఉండే కోలిన్ మెదడు ఆరోగ్యాన్ని కాపాడుతుంది.
దీనితో పాటు పిల్లలకు పాల ఉత్పత్తులను కూడా తినిపించాలి. విటమిన్ డి ఎముకలను బలోపేతం చేయడంతోపాటు నాడీ వ్యవస్థ ఆరోగ్యాన్ని కాపాడుతుంది. పాలు, గుడ్లతో పాటు కూరగాయలు కూడా తినిపించాలి. గుమ్మడికాయ, క్యారెట్, టొమాటో వంటి కూరగాయలలో కెరోటినాయిడ్స్ ఉంటాయి. ఇది నరాలను ఆరోగ్యంగా ఉంచడంలో సహాయపడుతుంది. అంతేకాకుండా ఈ కూరగాయలలో యాంటీఆక్సిడెంట్లు కూడా ఉంటాయి.
జ్ఞాపకశక్తిని బలంగా ఉంచుకోవడానికి సముద్రపు చేప చాలా ఉపయోగపడుతుంది. సముద్ర చేపల్లో 'ఒమేగా 3 ఫ్యాటీ యాసిడ్స్' అధికంగా ఉంటాయి. ఈ చేపల మాంసంలో 'DHA', 'EPA' అనే రెండు పోషకాలు అధికంగా ఉంటాయి. ఇవి మెదడును ఆరోగ్యంగా ఉంచడానికి ఉపయోగపడతాయి.