Shiva Prajapati | Edited By: Ravi Kiran
Aug 07, 2021 | 1:51 PM
AP Weather Alert: ఆంధ్రప్రదేశ్ రాష్ట్రంలో ప్రధానంగా పడమర/ నైరుతి దిశగా గాలులు వీస్తున్నాయని అమరావతి వాతావరణ కేంద్రం అధికారులు తెలిపారు. ఈ గాలుల ఫలితంగా ఆంధ్రప్రదేశ్ రాష్ట్ర వ్యాప్తంగా పలు చోట్ల వర్షాలు కురుస్తాయని వెల్లడించారు.
వాతావరణ కేంద్రం అధికారులు తెలిపిన వివరాల ప్రకారం.. ఈరోజు, రేపు, ఎల్లుండి ఉత్తర కోస్తాంధ్రాలో తేలికపాటి వర్షాలు ఒకటి లేక రెండు చోట్ల కురిసే అవకాశం ఉంది.
ఇక ఈరోజు, రేపు, ఎల్లుండి దక్షిణ కోస్తాంధ్రాలోని పలు చోట్ల తేలికపాటి నుంచి మోస్తరు వర్షాలు కురిసే ఛాన్స్ ఉంది.
రాయలసీమలోనూ దాదాపుగా ఇదే పరిస్థితి ఉంటుందని వాతావరణ శాఖ అధికారులు తెలిపారు. ఈరోజు, రేపు, ఎల్లుండి రాయలసీమంలో తేలికపాటి వర్షాలు ఒకటి రెండు చోట్ల పడే అవకాశం ఉందని వెల్లడించారు.