Relationship Tips: బాధల్లోనూ బంధాన్ని బలపరిచే అద్భుత చిట్కాలు.. పాటించారంటే విడిపోవడం కష్టమే..
Relationship Tips: చాలా మంది ప్రేమబంధాలు ప్రారంభమైన 6 నెలలకే ముగిసిపోతున్నాయి. అందుకు వారు ఒకరిని ఒరకు అర్ధం చేసుకోలేకపోవడం లేదా ఒకరిని ఒకరు గౌరవించుకోకపోవడమే ప్రధాన కారణమని చెప్పుకోవచ్చు. ఇవే కాక ఒకరికి ఒకరు భరోసాగా నిలబడకపోవడం, లవర్ అభిప్రాయాలకు విలువ ఇవ్వకపోవడం వంటివి కూడా కారణమే. అయితే ఇలాంటి పరిస్థితులకు అధిగమించి కష్టాల్లోనూ కలిసి ఉండేలా బంధాన్ని నిర్మించుకోవచ్చు. అందుకోసం ఈ రిలేషన్‌షిప్ టిప్స్ పాటిస్తే చాలు.
Relationship Tips: గొడవల్లో కలిసి ఉండడం: ఏ బంధంలో అయినా గొడవలు రావడమనేది సర్వసాధారణమైన విషయం. అలాంటి సమయంలో ఒకరికి ఒకరు దగ్గరగా చర్చించుకొని గొడవను పరిష్కరించవచ్చు. నిజానికి ఈ గొడవలే మీ బంధం భవిష్యత్తును నిర్ణయిస్తాయి.
క్షమాపణ: క్షమించే గుణం అనేది మనలోని సర్వొత్తమ సద్గుణమని చెప్పుకోవచ్చు. మీ ప్రియుడు లేదా ప్రేయసి ఏదైనా తప్పు, మీకు నచ్చని పని చేసినప్పుడు దాన్ని మీరు క్షమించండి. కావాలంటే.. తాను చేసిన ఆ పని మీకు బాధ కలిగించిందని తనకు అర్థమయ్యేఆ వివరించండి. అప్పుడే మీ బంధం బలంగా ఉంటుంది.
ప్రైవసీ ఇవ్వండి: ప్రతి ఒక్కరికీ వ్యక్తిగత జీవితం ఉంటుంది. ఈ కారణంగా మీ ప్రేయసి లేదా ప్రియుడికి సంబంధించిన అన్ని విషయాల్లోనూ ప్రశ్నలు లేవనెత్తకుండా తనకు తన వ్యక్తిగత జీవితాన్ని జీవించే అవకాశం ఇవ్వండి. దానివల్ల మీపై తనకు గౌరవం కూడా పెరుగుతుంది.
ప్రోత్సాహం: మీ లవర్ చేసే ప్రతి పనిలోనూ తోడుగా ఉండండి. మీ తోడు తనకు ఉందనే భరోసా కల్సించండి. ఏమైనా తప్పులు ఉంటే వాటిని మీరే సరిచేయకుండా.. ఇలా చేస్తే బాగుంటుంది, అలా చేస్తే మంచి ఫలితాలు వస్తాయి కదా అని సూచించండి.
సమయం: ప్రస్తుతం అందరిదీ బిజీ బిజీ లైఫ్. తినడానికే తీరిక లేని బతుకులు మనవి. ఇలాంటి సమయంలోనూ మీ లవర్‌తో కొంత వాల్యూ టైమ్‌ని గడపండి. తనతో సరదాగా సంభాషించండి. ఇలా చేస్తే మీ బంధం ఎంతగానో బలపడుతుంది.