WITT 2025: ప్రపంచం భారతదేశం వైపు చూస్తోంది: మై హోమ్స్ గ్రూప్ వైస్ చైర్మన్ జూపల్లి రాము రావు

Ramu Rao Jupally Vice Chairman, My Home Group

భారత ప్రధానమంత్రి నరేంద్ర మోదీ TV9 అత్యంత ప్రతిష్టాత్మకంగా నిర్వహించిన వాట్ ఇండియా థింక్స్ టుడే సమ్మిట్‌లో పాల్గొన్నారు. మై హోమ్ గ్రూప్ వైస్ చైర్మన్ జూపల్లి రాము రావు భారతదేశ ఆర్థిక పురోగతి, ప్రధానమంత్రి నాయకత్వంలో జరిగిన ఆర్థిక పురోగతి ప్రయత్నాల గురించి వివరించారు. ప్రపంచ బ్యాంకు, IMF డేటా ప్రకారం, రాబోయే రెండు ఆర్థిక సంవత్సరాల్లో భారతదేశం అత్యంత వేగంగా అభివృద్ధి చెందుతున్న పెద్ద ఆర్థిక వ్యవస్థగా కొనసాగుతుందన్నారు. ప్రస్తుత ఆర్థిక మాంధ్యం పరిస్థితుల్లో ప్రపంచం భారతదేశం వైపు చూస్తోందని అన్నారు.

పీఎం గతి శక్తి, స్టార్టప్ ఇండియా, ఉత్పత్తి ఆధారిత ప్రోత్సాహక పథకాలు వంటి కార్యక్రమాలు తయారీ, డిజిటల్ ఆర్థిక వ్యవస్థ, ఆర్థిక చేరిక వంటి రంగాలలో పరివర్తనకు దారితీస్తున్నాయి. డిజిటల్ ఇండియా చొరవ అభివృద్ధి చెందిన దేశాలకు కూడా ఒక ఆదర్శంగా మారుతోందని మై హోమ్ గ్రూప్ వైస్ చైర్మన్ రాము రావు అన్నారు. ప్రధాని మోదీ నాయకత్వంలో దేశం అభివృద్ధిలో కొత్త అధ్యాయాన్ని లిఖిస్తోందని ఆయన అన్నారు. డిజిటల్ ఇండియా దార్శనికత దేశ ఆర్థిక వ్యవస్థకు కొత్త ఊపునిచ్చిందని అన్నారు. మోదీ నాయకత్వంలో భారతదేశం ఒక మార్గదర్శి పాత్రను పోషిస్తోందని పేర్కొన్నారు.

ఆర్థిక రంగంలో బలోపేతం:

ప్రధాని మోదీ నాయకత్వంలో 1.45 బిలియన్ల భారతీయుల ఆకాంక్షలకు బలమైన దిశానిర్దేశం చేయడం, ప్రపంచ వృద్ధికి భారతదేశం ప్రధానంగా మారడం ద్వారా తాను ఎంతో ప్రేరణ పొందానని అన్నారు. భారతదేశం ఈ పురోగతిని ప్రపంచ బ్యాంకు, IMF కూడా అంగీకరిస్తున్నాయని ఆయన ఉదాహరణగా చెప్పారు. మోదీ ప్రభుత్వ నాయకత్వంలో భారతదేశం ఆర్థిక రంగంలో తన స్థానాన్ని బలోపేతం చేసుకోవడమే కాకుండా, ప్రపంచానికి స్థిరత్వం, అభివృద్ధికి కొత్త నమూనాను చూపించిందన్నారు.

డిజిటల్ ఇండియా విజయవంతమవుతోంది:

డిజిటల్ ఇండియాను ప్రోత్సహించడానికి మోదీ చేస్తున్న ప్రయత్నాలు చాలా వేగంగా విజయవంతమవుతున్నాయని, ఇప్పుడు కొన్ని అభివృద్ధి చెందిన దేశాలు కూడా దీనిని స్వీకరించడానికి ఆసక్తి చూపుతున్నాయని రాము రావు అన్నారు. దేశ పురోగతికి అంకితభావంతో ఉన్న నాలాంటి లక్షలాది మందికి, మన నైపుణ్యాలను మెరుగుపరుచుకోవడానికి, మన ప్రయత్నాలను విస్తరించడానికి, అలాగే అభివృద్ధిని వేగవంతం చేయడానికి ఇది సరైన సమయం అనిని ఆయన అన్నారు. మై హోమ్ గ్రూప్ సూత్రం ఏమిటంటే మన వ్యాపార లక్ష్యాలను దేశ అభివృద్ధితో అనుసంధానించాలని, మాకు లాభాల కంటే ప్రజా సంక్షేమమే ముఖ్యం ఆయన పేర్కొన్నారు.

వాట్ ఇండియా థింక్స్ టుడే సమ్మిట్‌ వీడియో చూడండి:

మరిన్ని జాతీయ వార్తల కోసం ఇక్కడ క్లిక్ చేయండి.