Full Emergency: ఎయిర్‌పోర్టులో ఎమర్జెన్సీ..విమానంలో హైడ్రాలిక్ వైఫల్యం.. టేకాఫ్ అయిన వెంటనే..
దీనిపై పైలట్ ఏటీసీకి సమాచారం అందించడంతో విమానాశ్రయంలో అత్యవసర పరిస్థితిని ప్రకటించారు. అగ్నిమాపక దళం వాహనాలను సంఘటనా స్థలానికి పంపించి అప్రమత్తం చేశారు.
ఢిల్లీ నుంచి భువనేశ్వర్ వెళ్తున్న విస్తారా విమానంలో సాంకేతిక లోపం తలెత్తింది. విమానంలోని హైడ్రాలిక్ వ్యవస్థ వైఫల్యం కారణంగా విమానం టేకాఫ్ అయిన వెంటనే విమానాశ్రయానికి తిరిగి వచ్చింది. ఈ ఘటన సోమవారం సాయంత్రం 7.53 గంటలకు జరిగినట్టుగా తెలిసింది. గ్రీన్ హైడ్రాలిక్ సిస్టమ్ వైఫల్యం కారణంగా విస్తారా ఫ్లైట్ A320 ఎయిర్ టర్న్ బ్యాక్‌లో చిక్కుకుంది. దీంతో ఢిల్లీ విమానాశ్రయంలో పూర్తి అత్యవసర పరిస్థితిని ప్రకటించారు.
ఈ ఘటన సాయంత్రం 7.53 గంటలకు జరిగింది. విస్తారా ఫ్లైట్ A320 యొక్క గ్రీన్ హైడ్రాలిక్ సిస్టమ్ వైఫల్యం కారణంగా, విమానం ఎయిర్ టర్న్ బ్యాక్‌లో చిక్కుకుందని DGCA వర్గాలు చెబుతున్నాయి. 8.19 నిమిషాలకు విమానం సురక్షితంగా ల్యాండ్ అయింది. దాదాపు 140 మంది ప్రయాణికులతో ఉన్న విమానం టేకాఫ్ తర్వాత తిరిగి ఢిల్లీకి చేరుకుంది.
A full emergency was declared for Air Vistara flight UK 781 operating from Delhi to Bhubaneswar due to hydraulic failure: DGCA pic.twitter.com/udaj3b1ern
— ANI (@ANI) January 9, 2023
DGCA వర్గాల సమాచారం ప్రకారం, విమానం టేకాఫ్ అయిన వెంటనే, విమానం హైడ్రాలిక్ సిస్టమ్ విఫలమైందని విమానం పైలట్‌కు తెలిసింది. దీనిపై పైలట్ ఏటీసీకి సమాచారం అందించడంతో ఢిల్లీ విమానాశ్రయంలో అత్యవసర పరిస్థితిని ప్రకటించారు. అగ్నిమాపక దళం వాహనాలను సంఘటనా స్థలానికి పంపించి అప్రమత్తం చేశారు.
మరిన్ని జాతీయ వార్తల కోసం ఇక్కడ క్లిక్ చేయండి.
