Pradhan Mantri Garib Kalyan Anna Yojana: పండగ సీజ‌న్‌లో కేంద్రం తీపి కబురు.. ఉచిత రేషన్‌ ఇంకొన్నాళ్లు పొడిగింపు.. ఎప్పటి వరకు అంటే..

Free Ration

పేదలకు ఉచిత ఆహార ధాన్యాలను అందించే ప్రధాన మంత్రి గరీబ్ కళ్యాణ్ అన్న యోజన (PMGKAY) పథకాన్ని ప్రభుత్వం మరో మూడు నెలల పాటు అంటే డిసెంబర్ 2022 వరకు పొడిగించింది. దీని కోసం ప్రభుత్వానికి రూ.44,700 కోట్లు ఖర్చు అవుతుంది. ఈ పథకం ముఖ్య ప్రధాన లక్ష్యం ..ద్రవ్యోల్బణం నుంచి పేదలకు కొంత ఉపశమనం కలిగించడమే కాకుండా, గుజరాత్ అసెంబ్లీ ఎన్నికలను దృష్టిలో ఉంచుకుని ఈ నిర్ణయం తీసుకున్నట్లు భావిస్తున్నారు. ఈ పథకం శుక్రవారంతో ముగుస్తున్నట్లు మంత్రివర్గ సమావేశం అనంతరం సమాచార, ప్రసార శాఖ మంత్రి అనురాగ్ ఠాకూర్ విలేకరులకు తెలిపారు. ఇది అక్టోబర్ నుండి డిసెంబర్ 2022 వరకు పొడిగించబడింది. ఈ పథకం కింద 80 కోట్ల మంది పేదలకు ప్రతినెలా ఐదు కిలోల గోధుమలు, బియ్యం అందిస్తున్నారు. కరోనా వైరస్ మహమ్మారి నివారణ కోసం దేశవ్యాప్తంగా లాక్‌డౌన్‌తో ప్రభావితమైన పేదలకు ఉపశమనం కలిగించడానికి ప్రధాన మంత్రి గరీబ్ కళ్యాణ్ యోజన పథకాన్ని ఏప్రిల్ 2020లో ప్రవేశపెట్టింది కేంద్రం.

PM గరీబ్ కళ్యాణ్ యోజన ప్రయోజనాలు..
ప్రధాన మంత్రి గరీబ్ కళ్యాణ్ యోజన కింద ప్రతి నెలా ఒక్కొక్కరికి 5 కిలోల ఆహార ధాన్యాలను లబ్ధిదారులకు ఉచితంగా అందజేయనున్నారు. జాతీయ ఆహార భద్రతా చట్టం కింద దేశంలోని పేద ప్రజలకు ఉచిత రేషన్ సౌకర్యాలు కల్పిస్తున్నారు. ఫేజ్ 7 కింద వచ్చే మూడు నెలల పాటు ఉచిత రేషన్ అందజేస్తున్నారు. ప్రధాని అధ్యక్షతన జరిగిన సమావేశంలో ఉచిత రేషన్‌ పంపిణీపై నిర్ణయం తీసుకున్నారు. ఈ పథకం కోసం ప్రభుత్వం అంచనా ప్రకారం రూ.44,762 కోట్ల సబ్సిడీని ఇస్తుంది. ఈ పథకం కింద 122 లక్షల మెట్రిక్ టన్నుల ఆహార ధాన్యాలు పంపిణీ చేయనున్నట్లు అంచనా.

ప్రభుత్వ ప్రకటన..
ఉచిత రేషన్ నిర్ణయం గురించి కేబినెట్ మంత్రి అనురాగ్ ఠాకూర్ తెలియజేశారు. దీనితో పాటు ప్రభుత్వ ఉద్యోగుల డియర్‌నెస్ అలవెన్స్‌ను కూడా 4 శాతం పెంచారు. బుధవారం జరిగిన కేబినెట్‌ సమావేశంలో ఈ మేరకు నిర్ణయం తీసుకున్నారు. ఈ నిర్ణయంతో 50 లక్షల మంది ఉద్యోగులు, 62 లక్షల మంది పెన్షనర్లు నేరుగా లబ్ధి పొందనున్నారు. ప్రభుత్వం జనవరి, జూలైలో డియర్‌నెస్ అలవెన్స్‌ను ప్రకటించింది. దీని ప్రకారం, 4% పెరిగిన డీఏ ప్రయోజనం  జూలై 1 నుండి కలుపబడుతుంది.

అధికారిక ప్రకటన ప్రకారం, కోవిడ్ మహమ్మారి, ఇతర కారణాల వల్ల తలెత్తే వివిధ సమస్యలతో ప్రపంచం ఇబ్బంది పడుతున్న సమయంలో, సాధారణ ప్రజలకు వస్తువులను అందుబాటులో ఉంచడానికి అవసరమైన చర్యలు తీసుకోవడం ద్వారా భారతదేశం బలహీన వర్గాలకు ఆహార భద్రతను విజయవంతంగా నిర్వహించింది.

2020లో ప్రారంభమైన ఉచిత రేషన్ పథకం..
ఈ పథకం కింద, జాతీయ ఆహార భద్రతా చట్టం (ఎన్‌ఎఫ్‌ఎస్‌ఎ) పరిధిలోని లబ్ధిదారులందరికీ ప్రతి నెలా ఒక్కొక్కరికి ఐదు కిలోల ఆహార ధాన్యాలు అందజేస్తారు. 2020 ఏప్రిల్‌లో ప్రారంభించినప్పటి నుండి ప్రభుత్వం PMGKAY కోసం రూ. 3.45 లక్షల కోట్లు ఖర్చు చేసిందని కేంద్ర మంత్రి అనురాగ్​ ఠాకూర్ చెప్పారు. మూడు నెలల పాటు పథకాన్ని పొడిగించడం వల్ల రూ.44,762 కోట్ల అదనపు వ్యయం అవుతుందని, ఇందుకు మొత్తంగా దాదాపు రూ.3.91 లక్షల కోట్లు ఖర్చు అవుతుందని చెప్పారు.

అక్టోబర్ 1 నుంచి మూడు నెలల కాలంలో పేదలకు 122 లక్షల టన్నుల ఆహార ధాన్యాలు (పీఎంజీకేఏవై) ఉచితంగా అందజేస్తామని ఠాకూర్ తెలిపారు. కరోనా వైరస్ మహమ్మారి నివారణ కోసం దేశవ్యాప్తంగా లాక్‌డౌన్‌తో ప్రభావితమైన పేదలకు ఉపశమనం కలిగించడానికి ప్రధాన మంత్రి గరీబ్ కళ్యాణ్ అన్న యోజన ఏప్రిల్, 2020లో ప్రవేశపెట్టబడింది.

మరిన్ని జాతీయ వార్తల కోసం క్లిక్ చేయండి..