Chicken Biryani: స్టూడెంట్స్‌కు స్పెషల్ ఆఫర్‌.. 20 రూపాయలకే ఘుమఘుమలాడే చికెన్ బిర్యానీ! ఎక్కడంటే..
చికెన్ బిర్యానీ అంటే ఇష్టపడనివారెవరుంటారు చెప్పండి. రోడ్డుపై వెళ్తుంటే హోటల్‌ నుంచి కమ్మటి వాసనలు ముక్కుపుటాలను తాకుతుంటాయి. కానీ పర్సులో సరిపడా డబ్బు లేక నీళ్లు నములుకుంటూ వెళ్లిపోతుంటారు కొందరు. ఐతే ఈ హోటల్‌లో మాత్రం..
చికెన్ బిర్యానీ అంటే ఇష్టపడనివారెవరుంటారు చెప్పండి. రోడ్డుపై వెళ్తుంటే హోటల్‌ నుంచి కమ్మటి వాసనలు ముక్కుపుటాలను తాకుతుంటాయి. కానీ పర్సులో అంత డబ్బు లేక నీళ్లు నములుకుంటూ వెళ్లిపోతుంటారు కొందరు. ఐతే ఈ హోటల్‌లో మాత్రం కేవలం సగం ధరకే రుచులూరే కమ్మని బిర్యానీ ఆరగించొచ్చు. ఇంతకీ ఎక్కడంటే..
తమిళనాడులోని క్రిష్ణగిరి జిల్లా హోసూరు మున్సిపల్ పోలీస్ స్టేషన్ ఎదుట 5 స్టార్ ముంబై బిర్యానీ పేరుతో సాన్ పాషా అనే వ్యక్తి హోటల్‌ నుడుపుతున్నాడు. ఈ హోటల్‌ ప్రత్యేకత ఏంటంటే ప్లేట్‌ బిర్యానీ కేవలం రూ. 80లకే విక్రయిస్తున్నాడు. ఇక ఈ హోటల్‌ సమీపంలో గవర్నమెంట్‌ బాయ్స్‌ హై స్కూల్‌ ఉంది. ఈ స్కూల్‌ విద్యార్థులకు చికెన్ బిర్యానీ 40 రూపాయలకు మాత్రమే సర్వ్‌ చేస్తున్నాడు. హాఫ్‌ ప్లేటు బిర్యానీ అయితే 20 రూపాయలకే అందిస్తున్నాడు. నిత్యం కస్టమర్లతో కిటకిటలాగే ఈ బిర్యానీ హోటల్‌ ప్రతి రోజూ గంట, గంటన్నర వ్యవధిలో 100 నుంచి 150 బిర్యానీలను పాఠశాల విద్యార్ధులు ఆరగిస్తుంటారని సాన్ పాషా మీడియాతో చెప్పాడు. ప్రతి రోజూ తాను విక్రయించే 200 ప్లేట్ల చికెన్ బిర్యానీ కేవలం విద్యార్ధుల వల్లనే తక్కువ సమయంలో అమ్ముతుపోతుందని సంతోషం వ్యక్తం చేశాడు. గంటల తరబడి వేచి ఉండి అదనపు లాభం పొందడం కంటే, ప్రభుత్వ పాఠశాలల విద్యార్థుల కడుపు నింపడం సంతృప్తిగా ఉందని ఆయన చెప్పారు. అతని డైలీ కస్టమర్లలో విద్యార్ధులే అధిక శాతం మంది ఉండటం విశేషం.
మరిన్ని జాతీయ వార్తల కోసం క్లిక్‌ చేయండి.
