సనాతన ధర్మంపై డిప్యూటీ సీఎం ఉదయనిధి చేసిన వ్యాఖ్యలు ద్వేషపూరితమేః మద్రాసు హైకోర్టు
సనాతన ధర్మానికి సంబంధించిన కేసులో మద్రాస్ హైకోర్టు కీలక వ్యాఖ్యలు చేసింది. ఇది రాజకీయంగా మరింత దుమారం రేపుతున్నాయి. బుధవారం (జనవరి 21) జరిగిన విచారణ సందర్భంగా, 2023లో సనాతన ధర్మంపై తమిళనాడు ఉప ముఖ్యమంత్రి ఉదయనిధి స్టాలిన్ చేసిన వివాదాస్పద ప్రకటన ద్వేషపూరిత ప్రసంగమని మద్రాస్ హైకోర్టు అంగీకరించింది.
తమిళనాడులో రాజకీయ గందరగోళం నెలకొంది. రాబోయే కొన్ని నెలల్లో అసెంబ్లీ ఎన్నికలు జరగనున్నాయి. సనాతన ధర్మానికి సంబంధించిన కేసులో మద్రాస్ హైకోర్టు కీలక వ్యాఖ్యలు చేసింది. ఇది రాజకీయంగా మరింత దుమారం రేపుతున్నాయి. బుధవారం (జనవరి 21) జరిగిన విచారణ సందర్భంగా, 2023లో సనాతన ధర్మంపై తమిళనాడు ఉప ముఖ్యమంత్రి ఉదయనిధి స్టాలిన్ చేసిన వివాదాస్పద ప్రకటన ద్వేషపూరిత ప్రసంగమని మద్రాస్ హైకోర్టు అంగీకరించింది. ఈ ప్రకటనపై ఉదయనిధి ఇప్పటికే చట్టపరమైన ఇబ్బందులను ఎదుర్కొంటున్నారు.
డీఎంకే 100 సంవత్సరాలకు పైగా “హిందూ మతంపై నిరంతరం దాడి చేస్తోంది” అని హైకోర్టు మధురై బెంచ్ తీవ్రంగా వ్యాఖ్యానించింది. తాజాగా ఉప ముఖ్యమంత్రి ఉదయనిధి అదే భావజాలంతో సంబంధం కలిగి ఉన్నారని పేర్కొంది. ద్వేషపూరిత ప్రసంగాలకు పాల్పడుతున్నారని ఆరోపించిన వారు తరచుగా శిక్షించపడకుండా తప్పించుకుపోతున్నారని హైకోర్టు ధర్మాసనం ఆందోళన వ్యక్తం చేసింది.
“గత 100 సంవత్సరాలుగా, ద్రవిడ కజగం, తరువాత ద్రవిడ మున్నేట్ర కజగం హిందూ మతంపై నిరంతర దాడులు చేస్తున్నాయని, మంత్రి ఇందులో ప్రమేయం ఉందని స్పష్టంగా తెలుస్తుంది. అన్ని పరిస్థితులను పరిగణనలోకి తీసుకుంటే, పిటిషనర్ మంత్రి ప్రసంగంలో దాగి ఉన్న అర్థాన్ని ప్రశ్నించినట్లు తేలింది.” అని కోర్టు పేర్కొంది. “ద్వేషపూరిత ప్రసంగం చేసేవారిని వదిలివేసే ప్రస్తుత పరిస్థితిని ఈ కోర్టు విచారంతో గమనిస్తోంది, అయితే అలాంటి ద్వేషపూరిత ప్రసంగానికి ప్రతిస్పందించే వారు చట్టపరమైన చర్యలను ఎదుర్కొంటారు. ప్రతిస్పందించే వారిని కోర్టులు ప్రశ్నిస్తున్నాయి, కానీ ద్వేషపూరిత ప్రసంగం చేసే వారిపై చట్టం శిక్ష నుంచి తప్పించుకుంటున్నారు” అని కోర్టు అభిప్రాయపడింది.
తమిళనాడులో ఉపముఖ్యమంత్రి ఉదయనిధిపై ద్వేషపూరిత ప్రసంగం చేసినందుకు ఎటువంటి కేసు నమోదు కాలేదని, ఇతర రాష్ట్రాల్లో ఇలాంటి కేసులు నమోదయ్యాయని హైకోర్టు ధర్మాసనం తెలిపింది. 2023 సెప్టెంబర్లో, తమిళనాడు ముఖ్యమంత్రి ఎంకే స్టాలిన్ కుమారుడు, ఆ రాష్ట్ర ఉప ముఖ్యమంత్రి ఉదయనిధి స్టాలిన్ సనాతన ధర్మంపై చేసిన వివాదాస్పద వ్యాఖ్యలు దేశవ్యాప్తంగా వివాదానికి దారితీసింది. ఒక బహిరంగ కార్యక్రమంలో మాట్లాడుతూ ఉదయనిధి, “కొన్ని విషయాలను వ్యతిరేకించలేము, వాటిని నిర్మూలించాలి. మనం డెంగ్యూ, దోమలు, మలేరియా, COVID-19ని వ్యతిరేకించలేము, వాటిని నిర్మూలించాలి. అదేవిధంగా, సనాతన ధర్మాన్ని వ్యతిరేకించే బదులు, మనం దానిని నిర్మూలించాలి” అని ఉదయనిధి అన్నారు. సనాతన ధర్మం ప్రాథమికంగా సామాజిక న్యాయం, సమానత్వానికి వ్యతిరేకమని, కులం, మతం ఆధారంగా వివక్షను ప్రోత్సహిస్తుందని డీఎంకే నాయకుడు ఉదయనిధి తన ప్రసంగంలో పేర్కొన్నారు.
అప్పట్లో ఉప ముఖ్యమంత్రి ఉదయనిధి వ్యాఖ్యలు దేశవ్యాప్తంగా తీవ్ర కలకలం రేపాయి. ప్రజలను ముఖ్యంగా హిందూ సంఘాలకు తీవ్ర ఆగ్రహానికి గురిచేశాయి. విమర్శకులు వాటిని సనాతన ధర్మాన్ని ఆచరించే వారి “జాతిహత్య”కు పిలుపుగా ఖండించారు. అయితే మంత్రి ఉదయనిధి తరువాత ఈ వివరణను తిరస్కరించారు.
ఉదయనిధి ఉపయోగించిన పదాలు వాస్తవానికి జాతి నిర్మూలన అని, అవి ద్వేషపూరిత ప్రసంగం అని మద్రాస్ హైకోర్టు బుధవారం స్పష్టం చేసింది. “సనాతన ధర్మాన్ని నమ్మే వ్యక్తులు ఉండకూడదనుకుంటే, సరైన పదం ‘జాతి నిర్మూలన’ అని కోర్టు పేర్కొంది. సనాతన ధర్మాన్ని ఒక మతంగా పరిగణిస్తే, అది ‘ధర్మ మారణహోమం’ అవుతుందని తెలిపింది. పర్యావరణ విధ్వంసం, వాస్తవ విధ్వంసం, సంస్కృత వినాశం వంటి ఏ విధంగానైనా లేదా వివిధ మార్గాల ద్వారా ప్రజలను నిర్మూలించడం కూడా దీని అర్థం. కాబట్టి, ‘సనాతన ఒళిప్పు’ అనే తమిళ పదబంధానికి స్పష్టంగా జాతి నిర్మూలన, సాంస్కృతిక విధ్వంసం అని అర్థం. అటువంటి పరిస్థితులలో, ఉప ముఖ్యమంత్రి ప్రసంగాన్ని ప్రశ్నించిన పిటిషనర్ పోస్ట్ ద్వేషపూరిత ప్రసంగంగా పరిగణిస్తున్నాము.” అని కోర్టు తెలిపింది.
మరిన్ని జాతీయ వార్తల కోసం ఇక్కడ క్లిక్ చేయండి..