మీ కష్టం పగోడికి కూడా రావద్దు భయ్యా.. విమానంలో పనిచేయని ఏసీ.. ప్రయాణికుల నరకయాతన.. షాకింగ్ వీడియో..

దేశంలోని పలు రాష్ట్రాల్లో ఎండలు ఠారెత్తిస్తున్నాయి. రోజురోజుకు పెరుగుతున్న ఉష్ణోగ్రతలు, వేడిగాలులతో జనం అల్లాడుతున్నారు. మండుతున్న ఎండలు, వేడిమితో ప్రజలు ఇళ్ల నుంచి బయటకు రావాలంటేనే భయపడుతున్న పరిస్థితి నెలకొంది. ఢిల్లీలో యావరేజ్‌గా 46 డిగ్రీల టెంపరేచర్‌ నమోదవుతోంది. ఢిల్లీ, యూపీ, హర్యానా, ఉత్తరాఖండ్‌, జార్ఖండ్‌తోపాటు పంజాబ్‌లో వేడిగాలుల తీవ్రత మరింత పెరిగింది. ఈ క్రమంలో విమానంలో ఏసీ పనిచేయక ప్రయాణికులు ఇబ్బంది పడుతున్న వీడియో.. నెట్టింట వైరల్ గా మారింది.. విమానంలో కూర్చున్న ప్రయాణికులు ఉక్కపోతతో బాధపడుతూ.. ఉక్కిరిబిక్కరి అవుతూ నానా అవస్థలు పడ్డారు. ఈ ఘటన ఢిల్లీ నుంచి దర్భంగా వెళ్లే స్పైస్‌జెట్‌లో బుధవారం చోటుచేసుకుంది..

ఢిల్లీ నుంచి దర్భంగా (ఎస్‌జీ 486) వెళ్లే స్పైస్‌జెట్‌లోని ప్రయాణికులు ఎండ వేడిమిలో గంటకు పైగా ఎయిర్ కండిషనింగ్ (ఏసీ) లేకుండా విమానం లోపల వేచి ఉండాల్సి వచ్చింది. దీంతో చాలా మంది అస్వస్థతకు గురయ్యారు. విమానం టేకాఫ్ కోసం ఎదురుచూస్తూ ప్రయాణికులు నానా అవస్థలు పడ్డారు. తీవ్రమైన వేడి పరిస్థితులలో గంటకు పైగా ఎయిర్ కండిషనింగ్ పనిచేయకపోవటంతో విమాన సంస్థపైఆగ్రహం వ్యక్తంచేశారు.

వీడియో చూడండి..

#WATCH | SpiceJet passengers travelling from Delhi to Darbhanga (SG 476) had to wait inside an aircraft without air conditioning (AC) for over an hour amid the ongoing heatwave, with several feeling unwell. pic.twitter.com/cIj2Uu1SQT

— ANI (@ANI) June 19, 2024

నివేదికల ప్రకారం.. అధిక ఉష్ణోగ్రతలు.. తగినంత వెంటిలేషన్‌ లేకపోవడం, ఏసీ వేయకపోవడం వల్ల విమానంలోని ప్రయాణీకులు అసౌకర్యం, ఆరోగ్య సమస్యలను వ్యక్తం చేశారు. ప్రభావితమైన వారిలో వృద్ధ ప్రయాణీకులు, చిన్న పిల్లలు ఉన్నారని అధికారులు తెలిపారు. చెక్ ఇన్ అయిన గంట వరకు ఏసీ ఆన్ చేయలేదని ప్రయాణికులు తెలిపారు. దీంతో ప్రయాణికులు అట్టముక్కలు తీసుకుని విసురుకుంటూ కనిపించారు. అయితే.. ఎండ వేడికి ఏసీ ఫెయిల్యూర్ వల్లనే.. ఆన్ చేయలేదని అధికారులు తెలిపారు.

విమానం టేకాఫ్‌ కాగానే..

“నేను స్పైస్‌జెట్‌లో ఢిల్లీ నుండి దర్భంగా (SG 486)కి ప్రయాణిస్తున్నాను. ఢిల్లీ విమానాశ్రయంలో చెక్-ఇన్ తర్వాత, వారు గంటపాటు ఎయిర్ కండిషనింగ్‌ను ఆన్ చేయలేదు. లోపల (విమానం) ఉష్ణోగ్రత 40 డిగ్రీలు. విమానం టేకాఫ్‌ కాగానే ఏసీ ఆన్‌ అయింది’’ అని ప్రయాణీకుడు రోహన్‌కుమార్‌ వివరించాడు.

ఉష్ణోగ్రతలు 45 డిగ్రీలు దాటడంతోపాటు.. వేడిగాలులతో ప్రజలు ఉక్కిరిబిక్కిరి అవుతున్న తరుణంలో ఈ సంఘటన జరిగింది.

విమానం ఆలస్యం..

అధిక భూ ఉష్ణోగ్రతల కారణంగా సాంకేతిక సమస్య కారణంగా ఇండిగో విమానం ఆలస్యమైంది.. ఇందిరా గాంధీ అంతర్జాతీయ విమానాశ్రయంలో అధిక ఉష్ణోగ్రతల కారణంగా సాంకేతిక సమస్యల కారణంగా ఢిల్లీ నుండి బాగ్డోగ్రాకు వెళ్లే ఇండిగో విమానం సోమవారం ఆలస్యం అయినట్లు అధికారులు తెలిపారు.

ఫ్లైట్‌రాడార్ 24 నుండి ఫ్లైట్ ట్రాకింగ్ డేటా ప్రకారం, మధ్యాహ్నం 2:10 గంటలకు బయలుదేరాల్సిన విమానం దాదాపు 4 గంటల ఆలస్యాన్ని ఎదుర్కొంది. చివరకు సాయంత్రం 6:15 గంటలకు బయలుదేరింది. పశ్చిమ బెంగాల్‌లోని సిలిగురి సమీపంలో ఉన్న బాగ్‌డోగ్రా విమానాశ్రయం ఉద్దేశించిన గమ్యస్థానంగా ఉంది.. వాస్తవానికి సాయంత్రం 4:10 గంటలకు చేరుకోవడానికి షెడ్యూల్ చేశారు.

ఇండిగోకు చెందిన ఒక ప్రతినిధి ఆలస్యాన్ని ప్రస్తావించారు: “అధిక భూ ఉష్ణోగ్రతలు కార్యకలాపాలకు ఆటంకం కలిగించే కారణంగా ఢిల్లీ -బాగ్డోగ్రా మధ్య ఇండిగో ఫ్లైట్ 6E 2521 ఆలస్యమైంది. ఇండిగో అన్నిటికీ మించి ప్రయాణీకుల భద్రతకు ప్రాధాన్యత ఇస్తుంది. సత్వర నిష్క్రమణను ప్రారంభించడానికి చర్యలు తీసుకుంటోంది. రెగ్యులర్ అప్‌డేట్‌లతో, ఎయిర్‌లైన్ నియంత్రణకు మించిన కారణాల వల్ల కలిగే అసౌకర్యానికి మేము చింతిస్తున్నాము.” అని వెల్లడించారు.