Petrol Diesel Price Today: పెట్రోల్, డీజిల్ ధరల్లో స్వల్ప మార్పులు.. తెలుగు రాష్ట్రాల్లో ఎలా ఉన్నాయంటే?
ప్రస్తుతం అంతర్జాతీయ మార్కెట్లో ముడి చమురు ధర 120 డాలర్లకు చేరువలో ఉంది. భారత్ తన చమురు అవసరాల్లో 27 శాతం ఇరాక్ నుంచి, 17 శాతం సౌదీ అరేబియా నుంచి, 13 శాతం యూఏఈ నుంచి దిగుమతి చేసుకుంటోంది.
ఈరోజు పెట్రోల్, డీజిల్ ధరల్లో ఎలాంటి మార్పు లేదు. ఈరోజు ఢిల్లీలో పెట్రోల్ ధర(Petrol Diesel Price) రూ. 96.72, డీజిల్ ధర లీటరుకు రూ. 89.62గా ఉంది. అలాగే ముంబైలో లీటర్ పెట్రోల్ ధర రూ.111.35, డీజిల్ ధర రూ.97.28గా ఉంది. చెన్నైలో లీటర్ పెట్రోల్ ధర రూ.102.63గా, డీజిల్ ధర రూ.94.24గా ఉంది. అదే సమయంలో కోల్కతాలో పెట్రోల్ ధర రూ.106.03, డీజిల్ ధర లీటరుకు రూ.92.76గా ఉంది. తెలుగు రాష్ట్రాల్లో పెట్రోల్, డీజిల్ ధరలను ఇప్పుడు చూద్దాం.. హైదరాబాద్లో లీటర్ పెట్రోల్ ధర రూ. 109.66, డీజిల్ ధర రూ. 97.82 గా ఉంది. వైజాగ్లో లీటర్ పెట్రోల్ ధర రూ. 110.48, డీజిల్ ధర రూ. 98.27 గా ఉంది
ఖరీదైన ముడి చమురు నుంచి ఉపశమనం కోసం, రష్యా నుంచి దిగుమతులను రెట్టింపు చేసే ఆలోచనను పరిశీలిస్తోంది. ఉక్రెయిన్ సంక్షోభం కారణంగా రష్యా చమురుపై నిషేధం పొడిగించబడుతోంది. ఇటువంటి పరిస్థితిలో తక్కువ ధరలకు ముడి చమురును అందిస్తున్నారు. భారతీయ చమురు కంపెనీలు ఈ ఆఫర్ను తిరస్కరించడం లేదు. రష్యా చమురు కంపెనీ రోస్ నెఫ్ట్ తో ప్రభుత్వ రంగ చమురు కంపెనీలు వచ్చే ఆరు నెలల పాటు ఒప్పందం కుదుర్చుకోవచ్చని భావిస్తున్నారు. ఇండియన్ ఆయిల్, హిందుస్థాన్ పెట్రోలియం, భారత్ పెట్రోలియం కార్పొరేషన్, రిలయన్స్ ఇండస్ట్రీస్, నైరా ఎనర్జీ వంటి కంపెనీలు రష్యా నుంచి చమురు దిగుమతులను పెంచుకునే దిశగా వేగంగా కదులుతున్నాయి.
భారత్ తన చమురు అవసరాల్లో 27 శాతం ఇరాక్ నుంచి, 17 శాతం సౌదీ అరేబియా నుంచి, 13 శాతం యూఏఈ నుంచి దిగుమతి చేసుకుంటోంది. PPAC నివేదిక ప్రకారం, 2021-22 ఆర్థిక సంవత్సరంలో ఏప్రిల్, జనవరి మధ్య పది నెలల్లో భారతదేశం 94.3 బిలియన్ డాలర్ల విలువైన చమురును దిగుమతి చేసుకుంది. జనవరి 2022లో చమురు దిగుమతి బిల్లు $11.6 బిలియన్లు, ఇది కేవలం ఒక సంవత్సరం క్రితం జనవరి 2021లో కేవలం $7.7 బిలియన్లుగా ఉంది. ఈ విధంగా, వార్షిక ప్రాతిపదికన బిల్లులో 50.64 శాతం పెరిగింది. నివేదిక ప్రకారం, 2021-22 ఆర్థిక సంవత్సరంలో భారతదేశ చమురు దిగుమతి బిల్లు 115 బిలియన్ డాలర్లకు చేరుకుంటుంది.