‘మనం ఆపకపోతే ఘోరం జరిగేదీ..!’ మహిళా ప్రతిపక్ష ఎంపీల వీడియో విడుదల చేసిన కేంద్రమంత్రి

Women Congress Mps At Pm Seat Incident

ఫిబ్రవరి 4న పార్లమెంటరీ చర్చ సందర్భంగా జరిగిన గందరగోళంపై కేంద్ర మంత్రి కిరణ్ రిజిజు తీవ్ర అభ్యంతరం వ్యక్తం చేశారు. కాంగ్రెస్ మహిళా ఎంపీలు ప్రధానమంత్రి సీటు వద్దకు వచ్చి గందరగోళం సృష్టించారు. ఇందుకు సంబంధించిన దృశ్యాలను కేంద్ర మంత్రి కిరణ్ రిజిజు సోషల్ మీడియా వేదికగా విడుదల చేశారు. ఈ సందర్భంగా ఆయన మాట్లాడుతూ, “కాంగ్రెస్ పార్టీ తన ఎంపీల అత్యంత అసభ్యకరమైన ప్రవర్తనకు గర్వపడుతోంది! మనం బీజేపీ ఎంపీలందరినీ ఆపి, మహిళా ఎంపీలు కాంగ్రెస్ ఎంపీలను ఎదుర్కోవడానికి అనుమతించకపోతే, అది చాలా దారుణంగా మారేది” అని అన్నారు.

సీనియర్ ఎంపీలు, ప్రధానమంత్రి సీట్ల దగ్గర మహిళా కాంగ్రెస్ ఎంపీలు బ్యానర్ ప్రదర్శిస్తున్న వీడియోను ఆయన సోషల్ మీడియా Xలో షేర్ చేశారు. ఈ వీడియోలో ప్రతిపక్ష, అధికార పార్టీ ఎంపీల మధ్య తీవ్ర వాగ్వాదం జరిగింది. పార్లమెంటు గౌరవం, పవిత్రతను కాపాడటం మన అత్యంత బాధ్యత అని కిరణ్ రిజిజు అన్నారు.

ఫిబ్రవరి 4, 2026న, మహిళా కాంగ్రెస్ ఎంపీలు లోక్‌సభలో నిరసన తెలిపారు. రాష్ట్రపతి ప్రసంగంపై ధన్యవాద తీర్మానంపై చర్చ సందర్భంగా, ప్రధానమంత్రి నరేంద్ర మోదీ సభకు సమాధానం ఇవ్వబోయే ముందు ఈ సంఘటన జరిగింది. కాంగ్రెస్ మాజీ ప్రధానమంత్రులు జవహర్‌లాల్ నెహ్రూ, ఇందిరా గాంధీ, మొదలైనవారిపై బీజేపీ ఎంపీ చేసిన ఆరోపణలు, పుస్తకాల నుండి చదివిన పాఠాలను వ్యతిరేకిస్తూ ప్రతిపక్షం ముఖ్యంగా కాంగ్రెస్ నిరసన వ్యక్తం చేసింది. మహిళా ఎంపీలు బ్యానర్లు, ప్లకార్డులు చేతబట్టుకుని సభలోని వెల్‌లోకి ప్రవేశించి, నినాదాలు చేస్తూ, ప్రధానమంత్రి సీటును చుట్టుముట్టారు. ప్రభుత్వం దీనిని పార్లమెంటు గౌరవానికి అవమానంగా అభివర్ణిస్తోంది. అయితే కాంగ్రెస్ పార్టీ మాత్రం ఇది శాంతియుత నిరసన అని వాదిస్తోంది.

వీడియో ఇక్కడ చూడండి..

భారతీయ జనతా పార్టీ మహిళా ఎంపీలు లోక్‌సభ స్పీకర్ ఓం బిర్లాకు ఒక లేఖ రాశారు. లోక్‌సభలో రాష్ట్రపతి ప్రసంగంపై చర్చ సందర్భంగా జరిగిన గందరగోళం, ప్రధానమంత్రి సీటు ముట్టడి, కాగితాలను చింపివేయడం వంటి ఘటనలపై బీజేపీ ఎంపీలు ప్రతిపక్ష మహిళా ఎంపీలపై కఠిన చర్యలు తీసుకోవాలని డిమాండ్ చేశారు.

మరిన్ని జాతీయ వార్తల కోసం ఇక్కడ క్లిక్ చేయండి..